စစ်တကောင်း ခရိုင် Boalkhali မြို့ရဲစခန်းမှူး Jahirul Hoque Sabuj မှ ဖမ်းဆီးသူများထဲမှ သုံးဦးကို တနင်္လာနေ့က ဖမ်းဆီးပြီး ကျန် တစ်ဦးကို အင်္ဂါနေ့က ဖမ်းဆီးလိုက်ကြောင်းနှင့် ယခုအခါ သူတို့ကို စစ်ဆေးမေးမြန်းနေကြောင်း သတင်းထောက်များသို့ ပြောကြားသည်။
သို့သော်လည်း သဲလွန်စနှင့် အထောက်အထားများကို မရရှိသေးကြောင်း၊ တခြား သင်္ကာ မကင်းသူများကို လိုက်လံ ရှာဖွေ ဖေါ်ထုတ်နေဆဲ ဖြစ်ကြောင်း ပြောသည်။
အမည်မသိသူများသည် တနင်္လာနေ့ နံနက် အစောကြီး ၃ နာရီခန့်တွင် ဘောလ်ခါလီ မြို့ စကြာင်္မုနိ ဘုန်းတော်ကြီးကျောင်းအား ကျူးကျော် ၀င်ရောက်ပြီး ဘုရားရှိခိုးခန်းရှိ ဘုရားများကို ဖျက်ဆီးခြင်း၊ ဘုရား ဆင်းထုငယ်များကို လုယူခြင်းနှင့် အလှူခံ သေတ္တာထဲမှ တာကာ ၅၀၀၀ ကို ယူဆောင်သွားခြင်း တို့ကို ကျူးလွန်ခဲ့ကြသည်ဟု ဆိုသည်။
အဆိုပါနေ့ နေ့လည်ပိုင်း သုံးနာရီခန့်တွင် တခြား အနီးအနား မြို့နယ် တစ်ခု ဖြစ်သော ပိုတီယာမှ ဘုန်းတော်ကြီးကျောင်းနှင့် ဗုဒ္ဓဘာသာ မိဘမဲ့ ဂေဟာ တစ်ခုအားလည်း အမည်မသိသူများမှ မီးရှို့ တိုက်ခိုက် သွားခဲ့သည်။
ကျောင်းထိုင်ဆရာတော်များမှ ယခု တိုက်ခိုက်မူများမှာ အစီအစဉ်ရှိရှိ ဆောင်ရွက်ခြင်း ဖြစ်ကြောင်း၊ သို့သော်လည်း မိမိတို့မှာ တိုက်ခိုက်သူများကို မသိရှိကြောင်း၊ မိမိတို့မှာ ငြိမ်းငြိမ်းချမ်းချမ်း နှင့် လုံလုံခြုံ နေထိုင်လိုပါကြောင်း ပြောဆိုသည်ဟု သိရသည်။
No comments:
Post a Comment