တနိုင်ငံလုံးအတွက် ဆင်းမ်ကဒ် သုံးသိန်းကျော်ကို ရောင်းချပေးတာဖြစ်ပြီး ရန်ကုန်မြို့တစ်ခုတည်း တစ် သိန်း ကျော် ဖြန့် ချီ ရောင်း ချ တာ ဖြစ်ပါတယ်။
ကယား ပြည်နယ် မှာတော့ လွိုင်ကော်မြို့နယ်နဲ့ ဌာနဆိုင်ရာ တွေကိုသာ အဓိက ရောင်းချ ပေးသွားတာ ဖြစ်ပါတယ်။
ကယားပြည်နယ် အတွက် ဆင်းမ်ကဒ် အခု ၅၅၀ ထဲက သုံးပုံတပုံကို ဌာနဆိုင်ရာအတွက် ချပေးထားပြီး လွိုင်ကော်မြို့အတွက် ၃၅၀ နဲ့ ကျန်မြို့နယ်တွေအတွက် ၂၅၀ ချမှတ်သွားမယ်လို့ ကယားပြည်နယ် လမ်းပန်း ဆက်သွယ်ရေး ဝန်ကြီး ဦးချစ်လှက ကန္တာရဝတီထိုးမ်စ် သတင်းဌာနကို ပြောသွားခဲ့ပါတယ်။
တနင်္သာရီတိုင်း မြိတ်မြိုကနယ်မှာလည်း တန်ဖိုးနည်း ၁၅၀၀ ကျပ်တန် CDMA 800 MHz ဖုန်း ဆင်းမ်ကဒ်တွေကို စတင်ရောင်းချပေးနေပြီး မြိတ်မြို့နယ်အတွက် ဆင်းမ်ကဒ် ၃၀၉၀ ချပေးတာဖြစ်ပါတယ်။
အဲဒီထဲက တပ်မတော်က အခု ၅၁၀၊ ဌာနဆိုင်ရာဝန်ထမ်းတွေအတွက် အခု ၈၀၀ နဲ့ ပြည်သူတွေအတွက် ၁၇၈၀ ခွဲတမ်းချပေးထားကြောင်း သိရပါတယ်။
ဆင်းမ်ကဒ် လိုလားသူတွေအနေနဲ့ အိမ်ထောင်စုစာရင်းတွေ၊ မှတ်ပုံတင်တွေ၊ ဓာတ်ပုံတွေနဲ့ စာရင်းသွင်းရတာဖြစ်ပြီး ထင်သာမြင်သာမှုရှိအောင် မဲနှိုက်တဲ့စနစ်ကို အသုံးပြုတာဖြစ်ကြောင်းလည်း ဌာနဆိုင်ရာ ကြော်ငြာတွေမှာ တွေ့ရပါတယ်။
တန်ဖိုးနည်းဖုန်းအတွက် တာဝါတိုင်တွေကို ရွှေဘေးရွာရှိ တာဝါတိုင်နဲ့ မြိတ်ဒေသခံတွေရဲ့အခေါ် ကန်ငယ်တောင်မှာ တာဝါတိုင်တွေ ထားရှိပြီး အဲဒီ တာဝါတိုင်တွေဟာ (၅) မိုင် ပတ်လည် အတွင်းသာ အသုံးပြုနိုင်ကြောင်းလည်း သိရပါတယ်။
ဒီလိုအခြေအနေကြောင့် တချို့ ရပ်ကွက်တွေမှာ လိုင်းမမိတဲ့အတွက် အသုံးပြုဖို့ ခက်ခဲနိူင်တယ်လို့ ယူဆနေကြပါတယ်။
အဲဒီထဲက ကလွင်အုပ်စု၊ မြိတ်တောင်အုပ်စု၊ စန္ဒ၀တ် အုပ်စု၊ ကျောက်ဖျာ အုပ်စုတွေကတော့ လိုင်းအားကောင်းမွန်စွာ ရရှိနိူင်တယ်လို့ ယူဆနေကြကြောင်းလည်း
အလွတ်သတင်းထောက် ရွှေမြိတ်သားလေး ဇော်ဇော်က သတင်းပေးပို့ ခဲ့ပါတယ်။
MECTel အမှတ်တံဆိပ်ပါ ဖုန်းတွေရဲ့ အထွက်ခေါ်ဆိုမှုက တစ်မိနစ်မှာ ကျပ် ၅၀ ကုန်ကျမှာဖြစ်ပြီး အဝင်ခေါ်ဆိုမှုကတော့ အခမဲ့ဖြစ်ကြောင်း မြန်မာ သတင်းစာတွေအရ သိရပါတယ်။
ပြည်ပခေါ်ဆိုဖို့အတွက် နိုင်ငံခြားငွေ ကြိုတင်ငွေဖြည့်ကဒ်တွေနဲ့ အသုံးပြုရမှာဖြစ်ပြီး အင်တာနက် အသုံးပြုဖို့အတွက် သက်ဆိုင်ရာကို လျောက်ထား ငွေကြေးပေးသွင်းရမှာဖြစ်ကြောင်းလည်း ဖော်ပြထားပါတယ်။
No comments:
Post a Comment