ဒေါ်အောင်ဆန်းစုကြည် ပြောဆိုတဲ့ မိန့်ခွန်းတချို့ဟာ စစ်တပ်ကို စိန်ခေါ်ရာ ရောက်ပြီး နိုင်ငံရေး သမား တစ်ယောက် လုပ်နိုင် တဲ့ ဘောင် ကို ကျော် လွန် ရာ ရောက် တယ် လို့ ရွေးကောက်ပွဲ ကော်မရှင် ပြောသွားပြီး တဲ့နောက်ပိုင်း တုန့်ပြန်လိုက်တာပဲ ဖြစ်ပါတယ်။
ရွေးကောက်ပွဲကော်မရှင်အနေနဲ့ သူမအပါအဝင် တခြားခေါင်းဆောင်တွေကို ဘာပြောသင့်သလဲ၊ ဘာတွေမပြောသင့်ဘူးလဲ ဆိုတာကို ပြောဖို့မသင့်ကြောင်း၊ ရွေးကောက်ပွဲကော်မရှင်က ဘက်မလိုက်တဲ့ မဇ္စျိမ ပတိပတာအဖွဲ့ အဖြစ်သာ ရပ်တည်သင့်တယ်လို့ ပြောပါတယ်။
မြန်မာနိုင်ငံရဲ့ ဖွဲ့စည်းပုံအခြေခံ ဥပဒေဟာ သူမကို ဦးတည်ပြီး ရေးထားသလို ဖြစ်နေတဲ့အတွက် ဒါက လက်ခံနိုင်စရာမရှိတဲ့အကြောင်း ပြောပါတယ်။
အခြေခံ ဥပဒေပါ ပုဒ်မ ၅၉ (စ) အရ နိုင်ငံခြားသား မိသားစုဝင် ရှိသူတွေအနေနဲ့ မြန်မာသမ္မတအဖြစ် ရွေးချယ်ခွင့် မပြုထားတဲ့အပြင် အဲဒီ ပုဒ်မကို မပြင်ဖို့ လွှတ်တော်က ဆုံးဖြတ်တဲ့အတွက် ဒေါ်အောင်ဆန်းစုကြည်အနေနဲ့ လာမယ့်နှစ်မှာ သမ္မတလောင်းအဖြစ် အရွေးခံခွင့်ရမှာ မဟုတ်တော့ပါဘူး။
သူမအနေနဲ့ သမ္မတ ဖြစ်နိုင် မဖြစ်နိုင်ဆိုတာကတော့ ပြည်သူတွေအပေါ်မှာသာ မူတည်ကြောင်းလည်း နီပေါနိုင်ငံမှာ ပြုလုပ်တဲ့ သတင်းစာရှင်းလင်းပွဲအတွင်း ဒေါ်အောင်ဆန်းစုကြည်က ပြောပါတယ်။
ဒေါ်အောင်ဆန်းစုကြည်က အခုအခါမှာ မြန်မာနိုင်ငံကို ပြန်ရောက်ပြီ ဖြစ်ကြောင်းလဲ သိရပါတယ်။
No comments:
Post a Comment