ထက်ထက်အောင်
လက်ပံတောင်းတောင် ကြေးနီ စီမံကိန်းကို ကန့်ကွက်ဆန္ဒပြသည့် သပိတ်စခန်းကို ဗုံးဖြင့် ဖြိုခွင်း ခြင်းကြောင့် မီးလောင်ခံခဲ့ရသည့် သံဃာတော်များက ပြည်ထဲရေး ၀န်ကြီး ဗိုလ်ချုပ် ကိုကို အား တရားစွဲဆိုခွင့်မရ၍ ပြည်ထောင်စုတရားလွှတ်တော်ချုပ်သို့ စာချွန်လွှာတင်မည်ဟု အဆိုပါ အမှုကို လိုက်ပါဆောင်ရွက်ပေးနေသည့် ရှေ့နေ ဦးသိန်းသန်းဦးက မတ် ၂၆ရက်က မဇ္ဈိမကို ပြောသည်။
ဦးသိန်းသန်းဦးက” ပြည်ထဲရေးဝန်ကြီးက ၀န်ထမ်းဖြစ်တဲ့အတွက် တာဝန်ထမ်း ဆောင်ချိန်မှာ တာဝန်ကိုလုပ်ဆောင်တာ မို့လို့သူတို့မှာပြုလုပ်ခွင့်ရှိတယ်ဆိုပြီးတရားစွဲခွင့်မပေးတာ။ ဒီတော့ ပြည်ထောင်စုတရားလွှတ်တော်ချုပ်ကို အာဏာပေးစာချွန်လွှာတက်မယ်။ ဆရာတော် ဦးတိက္ခဥာဏ (မီးလောင်ခံရသည့် ဆရာတော်) နယူးရော့ခ်က ပြန်လာမယ့်ချိန် သင်္ကြန်အပြီး လောက်ဖြစ် မယ်”ဟုဆိုသည်။
၂၀၁၂ ခုနှစ် နိုဝင်ဘာလအတွင်းက လက်ပံတောင်း ကြေးနီးစီမံကိန်းကို ကန့်ကွက်ဆန္ဒထုတ်ဖော်သည့် သံဃာတော်များကို ရဲတပ်ဖွဲ့ဝင်များက ဖြိုခွဲခဲ့ရာ သံဃာတော်များ မီးလောင်ဒဏ်ရာများ ရခဲ့ခြင်းဖြစ်ပြီး နှစ်နှစ် ကျော်အကြာတွင် တရားစွဲဆိုရန် ပြင်ဆင်ခဲ့သော်လည်း တရားစွဲခွင့် မရ၍ နိုင်ငံသားအခွင့် အရေးဖြစ်သည့် အမှုခေါ် စာချွန်တော် တင်ရန် ဆုံးဖြတ်ခဲ့ခြင်း ဖြစ်သည်။
၁၉၈၀ တွင် မြန်မာနိုင်ငံက လက်မှတ်ရေးထိုးခဲ့သည့် ဂျီနီဖာသဘောတူညီချက် အမှတ် ၃တွင် ပါရှိ သည့် ဇီဝိန်ခြွေလက်နက်များသုံးစွဲမှုဆိုသော အချက်ဖြင့်ချိန်ဆကြည့်ပါက လူသားမျိုးနွယ်တုံး စေရန် လုပ်ဆောင်ချက်မျိုးဖြစ်နေကြောင်း အဆိုပါလုပ်ဆောင်ချက်ကို အပြစ်ရှိ မရှိနှင့် အမှန်တကယ် မီးလောင်ဗုံး သုံးစွဲခဲ့မှု ရှိ မရှိကို တရားရုံးက ဆုံးဖြတ်ချက်ရမည်ဖြစ်သည်။
၂၀၀၈ ခုနှစ် ဖွဲ့စည်းပုံ အခြေခံဥပဒေ ပုဒ်မ ၄၅၇(ခ) အရ အစိုးရအမည်ဖြင့် တရားစွဲဆိုခွင့် ရှိရမည်ဖြစ်သည်။
လက်ပံတောင်း ဆန္ဒပြမှု ဖြိုခွင်းမှုတွင် သံဃာတော် အပါး ၁၀၀ ကျော် ဆေးရုံတင်ခဲ့ရပြီး ၅၇ ပါးမှာဆိုးရွားသော မီးလောင်ဒဏ်ရာများ ရရှိခဲ့သည် ဟု တရားဥပဒေ စိုးမိုးရေးနှင့် လူ့အခွင့်အရေးအတွက် အခြေပြု လှုပ်ရှားသည့် Justice Ttust က ထုတ်ပြန်သည့်ကြေညာချက် တွင်ထုတ်ပြန်ခဲ့ သည်။
No comments:
Post a Comment