တနင်္ဂနွေနေ့အထိ ပြုလုပ်ခဲ့တဲ့ ဆွေးနွေးမှုအတွင်း အချက် လေးချက်အပေါ် သဘောတူညီမှု မရသေးပဲ ထိပ်ပိုင်းဆိုင်ရာနဲ့ ဆွေးနွေးစရာတွေ ရှိသေးတဲ့အတွက် လာမယ့် မတ်လ ၃၀ ရက်မှပဲ ဆက်လက်ဆွေးနွေးကြဖို့ သဘောတူခဲ့ကြပါတယ်။
မတ်လ ၃၀ ရက်နေ့မှာ ပြုလုပ်မယ့် ၈ ကြိမ်မြောက် ဆွေးနွေးပွဲအတွင်း တစ်နိုင်ငံလုံးဆိုင်ရာ အပစ်အခတ် ရပ်စဲရေးစာချုပ်မူကြမ်းကို အပြီးသတ် လုပ်ဆောင်ဖို့လည်း သဘောတူခဲ့ကြပါတယ်။
အဲဒီ ဆွေးနွေးမှုမှာ ကချင်လွတ်လပ်ရေးတပ် ကေအိုင်အေ အဖွဲ့လည်း တက်ရောက်ခဲ့ပေမယ့် အခုအခါမှာ ကချင်တပ်ကို မြန်မာ စစ်တပ်က လေကြောင်းကနေ တိုက်ခိုက်နေတယ်လို့လည်း သိရပါတယ်။
ဒီဆွေးနွေးမှုမတိုင်ခင်မှာ ကေအိုင်အိုအဖွဲ့ ခေါင်းဆောင်တွေက နေပြည်တော်မှာ သမ္မတ နှစ်ဦးအပြင် စစ်ဦးစီးချုပ် ဗိုလ်ချုပ်မှူးကြီး မင်းအောင်လှိုင်နဲ့လည်း တွေ့ဆုံခဲ့ပါတယ်။
ဒီလို တွေ့ဆုံမှုတွေ လုပ်ပြီးနောက်ပိုင်း ကချင်တွေအပေါ် ထိုးစစ်ဆင်တာဟာ မြန်မာစစ်တပ်အနေနဲ့ ငြိမ်းချမ်းရေးကို တကယ်လိုလားရဲ့လားလို့ မေးခွန်းထုတ်စရာ ဖြစ်ကြောင်း ပြောဆိုနေကြပါတယ်။
No comments:
Post a Comment