ခင်မြတ်မြတ်ဝေ
တနင်္သာရီတိုင်း၊ ထားဝယ် မြို့နယ်တွင် တစ်နိုင်ငံလုံး အပစ်ခက်ရပ် စဲရေးအတွက် အစိုးရ၏ ငြိမ်းချမ်းရေး လုပ်ငန်းစဉ် များကိုထောက် ခံကြောင်း အထွေထွေ အုပ်ချုပ်ရေး မှူးရုံးများမှ ဦးစီး၍ အစိုးရ ဌာန ဆိုင်ရာများမှ ဝန်ထမ်းနှင့်ပြည်သူ အင်းအား ၃၀၀၀ကျော်ဖြင့် ဆန္ဒ ထုတ်ဖော် ပွဲကို ဧပြီ ၈ ရက် နံနက် ၈နာရီ တွင်ပြုလုပ်ခဲ့ သည်ဟု ထားဝယ်မြို့နယ် ကြက်စားပြင်ရပ်ကွက် အုပ်ချုပ်ရေးမှူး ဦးအောင်နိုင်က မဇ္ဈိမ ကိုပြောသည်။
"ဆန္ဒထုတ်ဖော်တာကို ကျွန်တော်သိတာက အစိုးရအဖွဲ့ကညွှန်ကြားလိုက်တာ၊ အစိုးရအဖွဲ့အစည်းတွေ၊ရပ်ကွက်ဌာနဆိုင်ရာ၊ရပ်ကွက်သူရပ် ကွက်သားတွေရော ပါတယ်၊ မနက်ပိုင်းကို ထွေအုပ်ရုံးတွေက ရင်စုရပ်လုပ်တာပေါ့၊ စစ်ကြောင်း သုံးကြောင်းနဲ့ ချီတက် ဆန္ဒထုတ်ဖော်တာပါ"ဟု ၎င်းကဆိုသည်။
ဆန္ဒထုတ်ဖော်ပွဲတွင် ထားဝယ်မြို့ပေါ်မှာ မိခင်နှင့်ကလေးစောင့်ရှောက်ရေး အသင်း၊ စည်ပင် ဝန်ထမ်းများနှင့်၊ မီးသတ် ဦးစီးဌာန၊ ပညာရေးဝန်ထမ်းများ နှင့် ဌာနဆိုင်ရာ အစိုးရ အဖွဲ့အစည်းများမှ ဝန်ထမ်းအင်းအားနှင့် ပြည်သူ အပါအဝင် အယောက် သုံးထောင်ကျော် ပါဝင်သည်။
ယင်းဆန္ဒထုတ်ဖော်ပွဲကို ထားဝယ်မြို့ပေါ်ရှိ ရပ်ကွက်များတွင် သက်ဆိုင်ရာမြို့နယ် အုပ်ချုပ်ရေးမှူးရုံးအချို့တွင် တစ်အိမ်ထောင်တစ်ယောက် လိုက်ရမည်ဟု ဖိတ်စာပေးပို့ခဲ့သည်ဟုလည်း ထားဝယ်မြို့နယ်နေ ကညုံရပ်ကွက်မှ ကိုဖြိုးလွင်အောင်က မဇ္ဈိမကိုပြောသည်။
"တစ်နိုင်ငံလုံးအပစ်ခတ် ရပ်စဲရေး အတွက် ဆွေးနွေးနေတာကို ထောက်ခံကြောင်းဆိုပြီး တစ်အိမ်ထောင်တစ်ယောက် မလိုက်မနေရ ဆိုပြီး အုပ်ချုပ်ရေး မှူးရုံး ကနေ ဖိတ်စာပို့တယ်၊ ဖိတ်စာမှာ မနက် ၅နာရီကို သက်ဆိုင်ရာ ရပ်ကွက် အုပ်ချုပ်ရေးမှူးရုံးမှာ စုရပ်လို့ ရေးထားတယ်" ဟု ၎င်း ကပြောသည်။
ဆန္ဒပြပွဲကို တစ်နိုင်ငံလုံး အပစ်အခတ်ရပ်စဲရေး လုပ်ငန်းစဉ်များကိုထောက်ခံကြောင်းကို ပို့စတာများ၊ဗွီနိုင်းများ ကိုင်ဆောင်၍ ထားဝယ် တိုင်းအားကစားကွင်း တွင် ကျင်းပခဲ့သည်။
No comments:
Post a Comment