Wednesday, April 29, 2015

သနပ္ပင်မြို့ရှိ ကျေးရွာအချို့ သောက်ရေပြတ်မှုနှင့် ကြုံနေရ

ခင်မြတ်မြတ်ဝေ

သဘာဝဘေးအန္တရယ် စာနာကူညီရေးအဖွဲ့မှ ဧပြီ ၂၇ ရက်တွင် ပဲခူးတိုင်း သနပ္ပင်မြို့ထဲရှိ သောက်သုံးရေ ပြတ်လတ်နေ သည့် ကျေးရွာများသို့ သောက်သုံးရေသန့်ကား ခုနှစ်စီးဖြင့် သွားရောက်လှူဒါန်းခဲ့သည်ဟု အဖွဲ့ခေါင်းဆောင် ကိုအောင်ဇော်ထွေးက မဇ္ဈိမကို ပြောသည်။

"မနက် ၆ နာရီ စထွက်မယ် ရွာများတော့ နှစ်ဖွဲ့ခွဲဝေမယ်၊ ရွာများတော့ တစ်အိမ်ကို သောက်ရေ နှစ်ထမ်း သုံးထမ်း အဲ့လိုပုံစံမျိုးနဲ့ ပေးဝေသွားမယ်၊ ကျွန်တော်တို့က ရေကားပေါ်မှာ ပေပါတွေနဲ့ သယ်လာမှာပါ" ဟု ၎င်းက ပြောသည်။

ပဲခူးတိုင်း သနပ္ပင်မြို့နယ်အတွင်းရှိ ကသစ်ခုံ၊ ရွာကုန်း၊ ကပင်၊ အောင်ဘုံကြီး၊ အပိုင်၊ အောင်ချမ်းသာ၊ ကသဲကုန်း၊ လောင်မီး၊ ချောင်းဝ၊ ရွေလှေစု ရွာများတွင် သောက်သုံးရေများကို ပေးဝေသွားမည်ဟု ပြောသည်။

ပဲခူးတိုင်း၊ သနပ္ပင်မြို့တွင် သောက်ရေကန် နှစ်ကန်သာရှိပြီး ထိုနှစ်ကန်လုံးမှာ နွေကာလတွင် ခမ်းခြောက်မှုကြောင့် သောက်ရေအတွက် အခက်အခဲနှင့် ရင်ဆိုင်နေရခြင်း ဖြစ်သည်။

ယင်း အဖွဲ့မှ ၂၀၁၅ ခုနှစ်အတွင်း မတ်လနှင့် ဧပြီလတွင် ဒလမြို့ပေါ်မှရွာပေါင်း ၂၀ကျော်ကိုလည်း ၃ကြိမ်တိုင် သောက်သုံးရေ သွားရောက် လှူဒါန်းခဲ့သည်။

နှစ်စဉ် နွေရာသီ နှင့် မိုးဦးကာလများတွင် ရန်ကုန်တိုင်း၊ ဧရာဝတီတိုင်း၊ ပဲခူးတိုင်း၊ မန္တလေးတိုင်း၊ မကွေးတိုင်း စသည့် နေရာများရှိ မြို့နယ်အချို့နှင့် ကျေးရွာအချို့တွင် သောက်သုံးရေ ပြတ်လပ်မှုနှင့် ကြုံရလေ့ရှိသော်လည်း အစိုးရကမူ ထိုကိစ္စကို ဖြေရှင်းရန် အဖြေရှာနေဆဲ ဖြစ်သည်ဟုလည်း ဆိုထားသည်။

No comments: