ရခိုင်အမျိုးသား ရုပ်ရှင်မင်းသား ကိုနေတိုး မနေ့က ပြုလုပ်သော မြန်မာ့ရုပ်ရှင် ထူးချွန်ဆု အကယ်ဒမီဆုပေးပွဲတွင် အမျိုးသားဇာတ်ဆောင်ဆု ရရှိသွားကြာင်း သတင်း ရရှိသည်။၂၀၀၉ ခုနှစ်အတွက် ရွေးချယ်ပေးအပ်သည့် မြန်မာ့ရုပ်ရှင်ထူးချွန်ဆု(အကယ်ဒမီ) ချီးမြှင့်ပွဲအား နေပြည်တော်မြို့တော်ခန်းမရှိ လေဟာပြင်ကဇာတ်ရုံတွင် ကျင်းပစဉ် ထိုသို့ အကောင်းဆုံး အမျိုးသား ဇာတ်ဆောင်ဆုကို ချီးမြှင့်လိုက်ခြင်း ဖြစ်သည်။
ကိုနေတိုး ရရှိသော အမျိုးသားဇာတ်ဆောင်ဆု ရရှိသော ဇာတ်ကားမှာ “ မိုးညအိပ်မက်မြူ” ဖြစ်သည်။
စစ်တွေအိုးတန်းရပ်ကွက်မှ ကိုရွှေကျော်အောင်မှ “ မနေ့က အကယ်ဒမီ ပေးပွဲမှာ ကိုနေတိုး အကယ်ဒမီ ရရှိသွားတော့ အားလုံး ၀မ်းသာကြပါတယ်။ သူရဲ့ တောက်ပြောင်တဲ့ သရုပ်ဆောင်မူတွေကြောင့် အကယ်ဒမီရတယ်လို့ မြင်ပါတယ်” ဟု ပြောသည်။
၂၀၀၉ ခုနှစ်အတွက် တခြား မြန်မာ့ရုပ်ရှင်ထူးချွန် အကယ်ဒမီဆုများကို အသံဆု ဆန်းဦးနှင့် အဖွဲ့ [အတိတ်ရဲ့အရိပ်]၊ ဓါတ်ပုံဆု ကိုကိုဌေးနှင့်အဖွဲ့ [အတိတ်ရဲ့အရိပ်] ၊ အမျိုးသမီး ဇာတ်ပို့ဆု စိုးပြည့်သဇင် [မိုးညအိပ်မက်မြူ] ၊ ဇတ်ညွှန်းဆု မြင့်ဦးဦးမြင့် [ကြိုးကြာတောင်ပံခတ်သံ]၊ တေးဂီတဆု ဓီရာမိုရ် [ဇော်က ကနေသည်]၊ တည်းဖြတ်ဆု ဇော်မင်း(ဟံသာမြေ) [ကျောက်စက်ရေဇာတ်ကား]၊ ဒါရိုက်တာဆု မီးပွား [ဇော်က ကနေသည်]နှင့် ဇာတ်ကားဆု ကို ကြိုးကြာတောင်ပံခတ်သံဇာတ်ကားမှ ရရှိသွားကြောင်း သိရသည်။
No comments:
Post a Comment