ကရင် နြီ ပည် ဒီးမော ဆိုမြို့နယ် ထီးဖိုး ကလိုး ကျေးရွာ အုပ်စု အတွင်းရှိ ကျေးရွားပေါင်း ၇ ရွာတို့သည် မြန်မာ အစိုးရ စစ်တပ် စခန်းများ အတွက် နေ့စဉ် အတင်း အဓမ္မ လုပ်အား ပေးနေကြ ရပြီး တပ်အတွက် ဟင်းများ အခမဲ့ ရှာကြံပေး နေရ သည်ဟု သိရသည်။ထီးဖိုးကလိုး ကျေးရွာ စာသင်ကျောင်း အရှေ့ဘက် ကုန်မြင့်ပေါ်တွင် တပ်စခန်း ချထားသော ခလရ ၁၀၂ နှင့် ၄၂၇ တပ်စခန်း တို့အတွက် ကျေးရွာ အုပ်စု အတွင်းရှိ ရွာပေါင်း ၇ ရွာတို့က နေ့စဉ် သောက်ရေ၊ သုံးရေနှင့် တပ်ရိက္ခာ များကို သယ်ပို့ ပေးနေ ရသည်ဟု ရွာသားများ ကဆိုသည်။
“တပတ် နှစ်ခါ ရွာတ ရွာစီကို လှည်း နှစ်စီးစာ ရေခပ် ခိုင်းတယ်။ ပြီးတော့ တရက်မှာ ရေ ၃ ခေါက် လောက်ခပ် ရတယ်။ တစီးကို သုံးခေါက် သုံးခေါက် ပေါ့နော်။ ပုံးလိုက် နဲ့တွက်ရင် ၁၅ ပုံး တခေါက်မှာ ၁၅ ပုံးပေါ့ နောခပ် ခိုင်းတာ။ တခေါက်မှာ ၁၅ ပုံး ပါရမယ်။အဲလို ပေါ့နော်” ဟု တပ်အတွက် ကိုယ်တိုင် ကိုယ်ကျ ရေများ သယ်ပို့ ပေးနေ ရသည့် ရွာသား တဦးက ပြောသည်။
စစ်တပ်များမှ သတ်မှတ်ပေးထားသည့် လုပ်အားပေးစေခိုင်းမှုများကို မလုပ်ဆောင်နိုင်ပါက နှစ်ဆတိုးစေခိုင်းပြီး အပစ်ပေးအရေးယူသည်ဟု ဆိုသည်။ တပ်သောက်သုံးရေအတွက် တရက်ကို လှည်းနှစ်စီးဆင့်ခေါ်လျှင် ရွာသားဘက်မှ တစီးသာ လာရောက်လုပ်အားပေးပါက အရေးယူသည့်အနေဖြင့် လှည်တစီးမှာ တရက်ကို ရေ ၆ ခေါက်သယ်ယူပေးကြရသည်။
“ဒီတရွာ ၀ါးအချောင်း ၅၀ ပေးရမယ်လို့ ပြောတယ်။ အဲဒီအချောင်း ၅၀ ကို ထီဖိုးကလိုးစခန်းအထိ သွားပို့ပေးရမယ်လို့ ပြောတယ်။ အကယ်၍ ဒီရက်အရောက်ပို့ပေးရမယ်လို့ ပြောလို့ အချိန်မှီမပို့ပေးနိုင်ဘဲ မနက်ဖြန်ရောက်ရင် ဒဏ်ပေးတဲ့အနေနဲ့ အချောင်း ၁၀၀ တောင်းတယ်။ ပြီးတော့ တပ်ရင်းအထိသွားပို့ခိုင်းတယ်” ဟု တပ်အတွက် ၀ါးခုတ်ပေးရသော ရွာသားက ပြောသည်။
နေ့စဉ်လုပ်အားပေးမှုများအပြင် တပတ်လျှင် အိမ်ကြက်နှစ်ကောင်ပုံမှန်ပို့ပေးနေရပြီး အိမ်ကြက်များမပို့ပေးနိုင်ပါက ငါးများရှာပေးရသည်ဟု ဒေသခံတို့ကဆိုသည်။ ကြက်နှင့်ငါး မပို့ပေးနိုင်ပါက စစ်တပ်တို့ကိုယ်တိုင် ရွာထဲသို့ဝင်လာပြီး ခြံထွက်သီးနှံနှင့် ဟင်းသီးဟင်းရွက်များကို ကြိုက်သလိုခူးယူကြောင်း၊ ရွာအတွင်းလက်ထပ်ပွဲဖြစ်စေ အသုဘပွဲဖြစ်စေ ပွဲတစ်ခုခုလုပ်ပါက အသားများကိုတပ်အတွက် မဖြစ်မနေပို့ဆောင်ပေးကြရသည်ဟု ဒေသခံရွာသားများက ပြောသည်။
အစိုးရစစ်တပ်အတွက် နေ့စဉ်လုပ်အားပေးစေခိုင်းမှုများနှင့် တပ်အတွက် ဟင်းများအခမဲ့ ရှာပေးနေရသည့်အတွက် တရက်လုပ်တရက်စားနေကြရသည့် ဒေသခံရွာသားများအဖို့ နေ့စဉ်စားဝတ်နေရေး အခက်အခဲနှင့် ရင်ဆိုင်ကြရသည်ဟု ဆိုသည်။
“အလုပ်ကိုင်တွေအတွက်လွဲချော်မှုတွေဖြစ်သွားတယ်ပေါ့နော တောရွာတွေမှာနေတယ်ဆိုတော့ တစ်ရက်စာ အတွက် တစ်ရက်ရှာ စားရတယ်။ ရှိတဲ့ကြက်တစ်ကောင်နှစ်ကောင်ကိုလည်း အကုန်ဖမ်းခိုင်းလိုက်တယ်။ ပြီးတော့လှည်း ကျနော်တို့လိုလှည်း မရှိတဲ့လူ တွေအတွက်က သူများတွေဆီမှာ လှည်းလည်းငှားရတယ် နွားလည်းငှားရတယ် အဲလိုမျိုး ဒါကြောင့် ကျနော်တို့ကို နှောင့်နှေးမှုတွေ အထိနာမှုတွေ ဖြစ်စေပါတယ်” ဟု ဒေသခံရွာသားတဦးက ပြောသည်။
ပြီးခဲ့သည့် ၂၀၀၈ ခုနှစ်ကတည်းက စစ်တပ်မှ ထီးဖိုးကလိုး ကျေးရွာအုပ်စုအတွင်းရှိ ထီးသဲကလိုး၊ ထီးဖိုးကလိုး၊ ဖဲလျား၊ ဒေါဗျာကူး၊ ဒေါလျားထူ၊ ဒေါတဒါးနှင့် ဒေါခူသွဲရွာများအား အတင်းအဓမ္မ လုပ်အားပေးစေခိုင်းမှုများ စတင်လုပ်ဆောင်လာခဲ့သည်ဟု ဒေသခံတို့က ဆိုသည်။
No comments:
Post a Comment