ချင်းပြည်နယ် တောင်ပိုင်း မတူပီ မြို့နယ် ဆဘောင်းတဲ တပ်စခန်း ခလရ ၅၀ မှ စစ်သား များက ပြီးခဲ့ သည့် နိုဝင်ဘာလ ၂၉ ရက်နေ့က တိရိစ္ဆာန် ကုန်သည် များထံ မှ ကျပ်ငွေ သိန်း ၅၀ ကောက်ယူခဲ့ သည်ဟု သိရသည်။တဖက် အိန္ဒိယနိုင်ငံမီဇိုရမ်ပြည်နယ်သို့ ရောင်းရန်အတွက် မတူပီမြို့နယ် ရိန်ခိုင်း ကျေးရွာသား ကျွဲကုန်သည် နှစ်ဦး ထံမှ ကောက်ယူခဲ့ခြင်း ဖြစ်ကြောင်း သတင်းရရှိသည်။
စစ်သားများသည် ရေဇွာမြို့သို့ လစာ သွားထုတ်ပြီးအပြန် ဆဘောင်းတဲတပ်စခန်းပြန်မရောက်ခင် လုံကျွေး နဲ့ စဘောင်း သဲရွာ အကြား လမ်းခရီး တွင် ယခုကဲ့သို့ ကောက်ယူခြင်း ဖြစ်ကြောင်း သိရသည်။
“ ကျွဲ ၁၃ ကောင် အတွက် အရင်း သိန်း ၃၀ ကျော် ကုန်ပြီး တကောင်ကို ရူပီး ၂၃၀၀၀ နဲ့ ရောင်းရတယ် ၊ သားသတ် သမားတွေထံမှာ အပ်ရတယ်ဆိုတော့ငွေစောင့်နေရတယ်၊ ငွေလဲနှုန်း ၁၅ ကျပ်နဲ့ ဆိုယင် အမြတ်မ ကျန်တော့ဘူး” ဟုကာယကံရှင်က ပြောသည်။
တိရိစ္ဆာန်ကုန်သည်များသည် အိန္ဒိယ – မြန်မာ ငွေလဲနှုန်းကျဆင်းသောကြောင့် ၄င်းတို့၏ ရောင်းရ ငွေရူပီးများဖြင့် ဆိုလာပြားများ ၀ယ်ယူပြီး ပြည်တွင်းသို့ပြန်လည်ရောင်းချလေ့ရှိသည်ဟု သိရသည်။
ချင်းပြည်နယ်ရှိ စစ်သားများသည် ဒေသခံများအား ပေါ်တာဆွဲခြင်း၊ လုပ်အားခေါ်ယူခြင်း လျှော့ပါးလာပြီဖြစ်သော်လည်း တိရိစ္ဆာန် ကုန်သည် များထံမှ ငွေကောက်ခံခြင်းကိုမူ ဆက်လက်ပြုလုပ်ဆဲဖြစ်သည်။
“ ပြည်သူတွေနဲ့ လူမှုဆက်ဆံရေးက အဆင်ပြေလာပေမဲ့ တိရိစ္ဆာန်ကုန်သည်တွေကို စောင့်ဖမ်းပြီးငွေကောက်တာတော့ ဆက်ရှိပါ သေး တယ်” ဟု နယ်စပ်ရောက်ပြည်သူတဦးက ပြောသည်။
No comments:
Post a Comment