ဖနိဒါ | တနင်္လာနေ့၊ ဒီဇင်ဘာလ ၁၂ ရက် ၂၀၁၁
ကချင်ပြည် နယ်အတွင်း အစိုးရ တပ်များမှ ထိုးစစ် ဆင်ခြင်း၊ စစ်တပ် စခန်းများ ပြောင်းရွှေ့ ခြင်းများ ရပ်ဆိုင်းရန် အတွက် သမ္မတ ဦးသိန်းစိန်က ကာကွယ်ရေး ဦးစီးချုပ် မင်းအောင်လှိုင်ထံ ဒီဇင်ဘာ လ ၁ဝ ရက်နေ့က ညွှန်ကြား ထားကြောင်း ကချင်ပြည် နယ် ဝန်ကြီး ချုပ်က သတင်းစာ ရှင်းလင်း ပွဲ၌ ပြောဆို ခဲ့သည်။
ပြည်ထောင်စုလွှတ်တော် ကိုယ်စားလှယ်များက ကချင်ပြည်နယ်တွင်းရှိ စစ်ပြေးဒုက္ခသည်များကို ကျပ်ငွေ သိန်း ၇၀၀ ကို ကချင်ပြည်နယ် အစိုးရထံ အပ်နှင်းသည့် အခမ်းအနားနှင့် သတင်းစာ ရှင်းလင်းပွဲကို တနင်္ဂလာနေ့ နံနက်က ပြုလုပ်ခဲ့ရာတွင် ကချင်ပြည်နယ် ဝန်ကြီးချုပ် ဦးလဂျွန်ငံဆိုင်းက ပြောဆိုခဲ့ခြင်း ဖြစ်သည်။
“ကယ်ဆယ်ရေး အလှူငွေ ပေးအပ်ပွဲ လုပ်ရင်းနဲ့ ဂျာနယ် သတင်းထောက်တွေကို ရှင်းလင်းပွဲ လုပ်ပါတယ်။ အဓိကတော့ တပ်ထိုးစစ် မဆင်ဖို့၊ ခုခံတိုက်ခိုက်ရုံမှလွဲပြီးမှ စစ်ကြောင်းမထိုးဖို့၊ သွားပြီးတော့မှ မတိုက်ဖို့ ဆိုတဲ့စာ ဖတ်ပြတာပါ”ဟု ဝန်ကြီးချုပ်နှင့် နီးစပ်သူတဦးက မဇ္ဈိမကို ပြောသည်။
အဆိုပါ သတင်းစာရှင်းလင်းပွဲကို ကချင်ပြည်နယ် မြစ်ကြီးနားမြို့ မြို့တော်ခန်းမ၌ ကျင်းပခြင်းဖြစ်ကာ ဌာနဆိုင်ရာ ဝန်ထမ်းများ၊ နိုင်ငံ ရေးပါတီများ၊ ဘာသာရေး ခေါင်းဆောင်များ၊ ရပ်မိရပ်ဖများနှင့် ပြည်တွင်း သတင်းထောက်များ အပါအဝင် စုစုပေါင်း ၁၅၀၀ ခန့် တက် ရောက်သည်။
သတင်းစာရှင်းလင်းပွဲကို နံနက် ၈ နာရီမှ ၁၂ နာရီခွဲခန့်အထိ ပြုလုပ်ခဲ့ခြင်း ဖြစ်သည်။
သမ္မတ၏ စာထဲတွင် အစိုးရတပ်များဘက်မှလည် ခုခံကာကွယ်ခြင်းသာ ပြုလုပ်ရန်နှင့် ကချင်လွတ်လပ်ရေး တပ်မတော် KIA တပ်များ အား ထိုးစစ်ဆင်ခြင်း၊ တိုက်ခိုက်သိမ်းပိုက်ခြင်း မပြုရန် သမ္မတ၏ ညွှန်ကြားချက်စာတွင် ပါရှိသည်။
“၁ဝ ရက်နေ့မှာ နိုင်ငံတော် သမ္မတကနေ ကာကွယ်ရေး ဦးစီးချုပ်ကို ကချင်ပြည်နယ်အတွင်း ငြိမ်းချမ်းရေးဖော်ဆောင်ဖို့ အတွက် ဦးစီး ဦးဆောင်တွေ အလုပ်လုပ်နေတာ ဖြစ်တယ်။ အချင်းချင်း အထင်မှားအမြင်မှား မဖြစ်ဖို့ ကေအိုင်အိုစခန်းကို ထိုးစစ်ဆင် တိုက်ခိုက် တာတွေ၊ တပ်တွေ ပြောင်းရွှေ့တာတွေ ရပ်ဆိုင်းထားဖို့ဆိုတဲ့ ညွန်ကြားတဲ့ စာဖတ်ပြတယ်” ဟု အခမ်းအနား တက်ရောက်သူ မြစ်ကြီး နားမြို့ခံတဦးက ဆိုသည်။
No comments:
Post a Comment