တိုင်းရင်းသားဒေသမှာ ကူညီဆက်ပေးမယ်လို့ ဂျပန်ပြော

ABC

ဂျပန်နိုင်ငံက ​နီပွန်ဖောင်ဒေးရှင်း ​အဖွဲ့က ​မြန်မာနိုင်ငံ ​တိုင်းရင်းသား ​ဒေသတွေမှာ ​လူသားချင်းစာနာမှု ​အကူ ​အညီတွေနောက်ထပ် ​သုံးနှစ်ကနေ ​ငါးနှစ်အထိ ​ကူညီပံ့ပိုး ​သွားမယ်လို့ ​UNFC ​ညီညွတ်သော ​တိုင်းရင်းသား ​လူမျိုးများ ​ဖယ်ဒရယ်ကောင်စီမှ ​ပြောရေးဆိုခွင့်ရှိသူ ​ပဒို ​မန်းမန်း ​ရဲ့ပြော ​ပြချက် ​အရ ​သိရပါတယ်။

UNFC ​ကိုယ်စားလှယ်အဖွဲ့ဟာ ​နီပွန်ဖောင်ဒေးရှင်း ​အဖွဲ့ရဲ့ဖိတ်ခေါ်ချက်နဲ့ ​ဂျပန် ​နိုင်ငံတိုကျိုမြို့ကိုသွားရောက်ခဲ့ပြီး ​တိုင်းရင်းသား ​ဒေသက ​ပြည်သူတွေကို ​တစ်နှစ်တာ ​ကာလ ​အရေး ​ပေါ်ထောက်ပံ့ ​အကူအညီပေး ​ခဲ့တာတွေနဲ့ ​ပတ်သက်ပြီး ​ဆွေးနွေးခဲ့ ​တယ်လို့ ​ပဒိုမန်းမန်း ​ကပြောပါတယ်။

ကျနော်တို့ ​အဓိကတော့ ​ကျန်းမာရေးနဲ့ ​ပညာရေးအလုပ်နဲ့ ​နောက် ​တချို့ ​ပြန်လည်ထူထောင်ရေး ​နဲ့ ​ပတ်သက်တဲ့ ​ဒီကိစ္စတွေလည်း ​တချို့ပါပါတယ်၊ ​အကြမ်းဖျဉ်းအားဖြင်ပဲ ​ကျနော်တို့ ​ဆွေးနွေး ​လာခဲ့တာပဲ။ ​တကယ်တမ်း ​သေချာဆောင်ရွက်ဖို့ကတော့ ​ကျနော်တို့ ​ဆက်ပြီးတော့မှ ​စီမံကိန်း ​လုပ်ငန်း ​တွေ ​သုံးနှစ်ကနေ ​ငါးနှစ်အထိ ​ဆိုတဲ့ ​ဟာမျိုးကိုတော့ ​စဉ်းစားထားတာ ​ရှိပါတယ်၊ ​သူတို့က ​ဒီထက်ပိုပြီးတော့တောင်မှ ​လိုအပ်ချက်ရိရင် ​ရေရှည်အထိပေါ့နော် ​ဒါတွေကို ​ကူညီမယ်လို့တော့ ​ပံ့ပိုး ​သွားမယ်လို့တော့ ​သူတို့ ​ဆွေးနွေး ​ပြောဆိုခဲ့ပါတယ်၊ ​သို့သော်လည်းပဲ ​လက်ရှိ ​အစိုးရအပေါ်မှာရဲ့ ​ဒီ ​နားလည်မှုနဲ့ ​လက်ခံနိုင်မှု ​ဆိုတာကလည်း ​မူတည်တဲ့အပေါ်မှာကတော့ ​အနှိမ့်ဆုံးအဆင့် ​ကတော့ ​ဒီ ​သုံးနှစ်ကနေ ​ငါးနှစ် ​အထိဆိုတဲ့ဟာမျိုး ​။ ​

ရေရှည်ဆက်လက်ကူညီသွားဖို့ဆိုတာကတော့ ​လက်ရှိအစိုးရအပေါ်မူတည်ပြီး ​နိုင်ငံရေး ​ပွင့်လင်းမှုတွေ၊ ​ငြိမ်းချမ်းရေးဖြစ်စဉ်တွေ ​တိုးတက်လာမယ်ဆိုရင် ​နှစ်ကာလကြာရှည်စွာ ​ဆက်လက် ​ကူညီ ​ပံ့ပိုးပေးဖို့ရှိကြောင်း ​ပြောဆိုတယ်လို့ ​သိရပါတယ်။

ဒီခရီးစဉ်အတွင်း ​UNFC ​ကိုယ်စားလှယ်အဖွဲ့ဟာ ​ဂျပန်ဝန်ကြီးချူပ် ​အပါအ၀င် ​အဆင့်မြင့် ​ခေါင်း ​ဆောင်တွေနဲ့လည်း ​တွေ့ဆုံခွင့်ရခဲ့ပြီး ​UNFC ​ဥက္ကဌ ​အန်ဘန်လ ​နဲ့ ​မြန်မာ့ငြိမ်းချမ်းရေး ​ကိစ္စတွေ ​ဆွေးနွေးခဲ့တယ်လို့ ​ပဒို ​မန်းမန်း ​က ​ဆက်ပြောပါတယ်။

ဂျပန်အစိုးရပိုင်းမှာကတော့ ​ပထမ ​တစ်ချက်က ​ကျနော်တို့ရဲ့ ​ဒီ ​အရေးပေါ် ​ကူညီမှုတွေ ​၊ ​ဒုတိယ ​တစ်ပိုင်းကတော့ ​လူသားအရင်းအမြစ် ​ဖွံ့ဖြိုးတိုးတက်ဖို့ရယ် ​ဆိုတဲ့ဟာတွေပေါ့နော်၊ ​အဲ့ဒီအပိုင်းတွေ ​အပေါ်မှာ ​သူတို့ ​ကူညီသွားမယ်ဆိုတဲ့ဟာကိုလည်း ​ပြောဆိုခဲ့တယ်။ ​နောက်တစ်ချိန်တည်းမှာ ​ဒီ ​ဗမာပြည်မှာ ​တင်ခဲ့တဲ့ ​ကြွေးမှီကိုလည်း ​လျှော်ချသွားမယ်ဆိုတဲ့ ​ဟာတွေလည်းပဲ ​ပြောဆိုခဲ့ပါတယ်၊ ​အဲ့ဒီအပြင်မှ ​တကယ့် ​ငြိမ်းချမ်းရေးကိစ္စအတွက် ​တိုင်းရင်းသား ​အရေး ​ကိစ္စက ​အဓိက ​ဆိုတဲ့ ​အကြောင်းကိုလည်းပဲ ​သူတို့ ​ထောက်ပြသွားခဲ့တယ်၊ ​ရှေ့ဆက်ပြီးတော့လည်း ​ဒီ ​ငြိမ်းချမ်းရေး ​ရရှိအောင် ​လုပ်သွားဖို့ ​ဆိုတဲ့ ​ဟာကိုလည်းပဲ ​သူတို့ ​ပြောဆိုခဲ့ပါသေးတယ်။ ​

ညီညွတ်သော ​တိုင်းရင်းသား ​လူမျိုးများ ​ဖယ်ဒရယ်ကောင်စီ ​UNFC ​အနေနဲ့ ​ဒီမိုကရေစီရေး၊ ​အမျိုးသား ​တန်တူရေး ​နဲ့ ​ကိုယ်ပိုင်ပြဌာန်းခွင့်ကို ​အခြေခံတဲ့ ​ဖယ်ဒရယ် ​ပြည်တောင်စု ​တည် ​ဆောက်ရေး ​ဖြစ်ပေါ်လာနိုင်စေဖို့ ​အတွက် ​ဂျပန်နိုင်ငံအပါအ၀င် ​တခြားနိုင်ငံတွေ၊ ​အဖွဲ့အစည်း ​တွေရဲ့ ​အကူအညီတွေနဲ့ ​ကြိုးစားဆောင်ရွက်မှာ ​ဖြစ်တဲ့ ​အကြောင်း ​ပြောပြသွားတယ်လို့ ​ရေဒီယုို ​သြစတေးလျ ​သတင်းထောက် ​သန်းကျော်စိုး ​က ​သတင်းပေးပို့ထားပါတယ်။