ABC
ရှမ်းပြည်နယ်မြောက်ပိုင်းဒေသ တန့်ယန်းမြို့နယ်အတွင်းမှာ အစိုးရတပ် ဖွဲ့တွေနဲ့ ရှမ်းပြည်မြောက်ပိုင်း တပ်မတော် (SSPP/SSA) ဖွဲ့တွေကြား တိုက်ပွဲတွေဆက်လက်ဖြစ်ပွားလာမှာကို စိုးရိမ်တဲ့အတွက် ဒေသခံတွေဟာ တန့်ယန်းမြို့နယ်ထဲမှာ ဖွင့်လှစ်ထားတဲ့ ဒုက္ခသည်စခန်းတွေဆီကို လာရောက်ခိုလှုံတာတွေရှိတယ်လို့ သိရပါတယ်။
သင်္ကြန်ကာလအတွင်း အစိုးရတပ်ဖွဲ့တွေနဲ့ ရှမ်းပြည်တပ်မတော်မြောက်ပိုင်း (SSPP/SSA) ဖွဲ့တွေကြားမှာ ပစ်ခတ်မှုတွေရှိခဲ့တဲ့အတွက် ဒေသခံတွေက စိုးရိမ်ပြီး ဒုက္ခသည်စခန်းတွေမှာ ခိုလှုံကြတာလို့ ဒုက္ခသည်တွေကို အကူညီပေးနေတဲ့ ရှမ်းတိုင်းရင်းသားများ ဒီမိုကရေစီအဖွဲ့ချုပ်က ဦးစိုင်းလှဖေက ပြောပါတယ်။
“အဲဒါတော့ ဟုတ်ပါတယ်၊ တန့်ယန်းမြို့နယ်ထဲမှာ တိုက်ပွဲဖြစ်မဲ့ အခြေအနေတွေက တအားကို စိုးရိမ်လို့ တအားကြီးကို ပစ်မဲ့ပုံစံမျိုး အနေအထားရှိတော့ ရွာသူရွာသား မနေရဲဘူး ထွက်ပြေးလာတဲ့ ပုံစံမျိုး ရှိတယ်၊ တပ်ရင်းတွေက စုပြုံပြီးတော့ တက်လာတဲ့ ပုံစံမျိုး အနေအထားမျိုးရှိနေတော့ အဲဒီဘက်တော့ ထိပ်တိုက် တွေ့မဲ့ သဘောအနေအထားတော့ ရှိတယ်လို့ကြားတယ်။”
ဒုက္ခသည်တွေထဲမှာ ပလောင်လူမျိုးတွေအများစုပါဝင်ပြီး ရှမ်းနဲ့ ၀လူမျိုးတွေလည်းပါဝင်ကြပါတယ်။ လွန်ခဲ့တဲ့လတွေတုန်းက ဖြစ်ပွားခဲ့တဲ့တိုက်ပွဲတွေကြောင့် တန့်ယန်းမြို့နယ်အတွင်းက ဘုန်းကြီးကျောင်းတွေမှာ ဖွင့်လှစ်ထားတဲ့ဒုက္ခသည်စခန်းမှာ ဒုက္ခသည် လေးရာကျော်ဟာ နေထိုင်နေဆဲဖြစ်ပြီး တချို့ဒုက္ခသည်တွေကတော့ နီးစပ်ရာဆွေမျိုးတွေ အိမ်မှာနေထိုင်နေတဲ့အတွက် ဒုက္ခသည်တွေရဲ့ စာရင်းတွေအတိအကျမသိရတဲ့အကြောင်း ဒါပေမဲ့ တစ်ထောင်နီးပါးရှိနိုင်တယ်လို့ ဆိုပါတယ်။
ဒုက္ခသည်စခန်းတွေမှာ ခိုလှုံနေတဲ့သူတွေထဲက အိမ်ပြန်လို့မရသေးတဲ့ ဒုက္ခသည်တွေရဲ့ နေရေးထိုင်ရေးနဲ့ စားဝတ်နေရေးအတွက် နိုင်ငံရေးပါတီတွေ၊ လူမှုရေးအသင်းတွေက ကူညီ ပေးတာတွေရှိနေပြီး ဒုက္ခသည်တွေကို တတ်နိုင်တဲ့ဘက်ကအကူအညီပေးကြဖို့ကိုလည်း ရှမ်းတိုင်းရင်းသားများ ဒီမိုကရေစီအဖွဲ့ချုပ်က လိုက်လံနှိုးဆော်တာမျိုးတွေ လုပ်ဆောင်နေတဲ့အကြောင်း ရေဒီယိုသြစတြေးလျ သတင်းထောက် မြတ်မိုးက သတင်းပေးပို့ခဲ့ပါတယ်။
No comments:
Post a Comment