အမျိုးသားလွတ်မြောက်ရေးအတွက် မျိုးဆက်သစ်များ ပခုံးပြောင်း တာဝန်ယူကြရန် တကျွန်းပြန်တဦးမှ တိုက်တွန်း

အာရ်ကန်တိုင်းမ်စ်

မြန်မာနိုင်ငံတွင် စစ်မှန်သည့် ဖယ်ဒရယ် ပြည်ထောင်စုစနစ် ပေါ်ထွန်းလာရေးနှင့် အမျိုးသားလွတ်မြောက်ရေးအတွက် တိုင်းရင်းသားလူမျိုး အသီးသီးမှ မျိုးဆက်သစ် လူငယ်များက ပခုံးပြောင်း တာဝန်ယူကြရန် တကျွန်းပြန် ၀ါရင့် နိုင်ငံရေးအကျဉ်းသားဟောင်း တဦးဖြစ်သည့် ဘဲခေါင်း ဦးမောင်မောင်က မြန်မာ့နှစ်သစ်ကူး အခါသမယတွင် တိုက်တွန်း ပြောကြားလိုက်သည်။

ဧပြီလ (၁၄) ရက် သင်္ကြန်အကျနေ့၊ အမေရိကန်ပြည်ထောင်စု တက္ကဆက်ပြည်နယ် အမာရီလိုမြို့ရောက် မြန်မာများက (La Corona 5600) ခန်းမ၌ ကျင်းပသော နှစ်သစ်ကူး အတာသင်္ကြန်ပွဲတော်နှင့် သက်ကြီးပူဇော်ပွဲ အခမ်းအနားတွင် နှစ်သစ်ကို ကြိုဆိုသည့် နှုတ်ခွန်းဆက် အမှာစကားပြောကြားရာ၌ သူက ယခုကဲ့သို့ တိုက်တွန်း ပြောဆိုလိုက်ခြင်း ဖြစ်သည်။

" အခု ကျနော်တို့ အသက် ၈၀ ကျော်နေပါပြီ။ ရှေ့ ဆက် အသက်ရှင် ရပ်တည်ရမယ့် သက်တမ်းက သိပ်မကျန်တော့ပါဘူး။ အမျိုးသားနိုင်ငံရေးနှင့် အမျိုးဘာသာ သာသနာရေးကဏ္ဍတွေမှာလည်း ယခင်ကလို စွမ်းဆောင်နိုင်တဲ့ အင်အားတွေ သိပ်မရှိတော့တဲ့အတွက် အခု စကားပြောနိုင်တုန်းမှာ ပြောခဲ့ချင်ပါတယ်။ တတိယနိုင်ငံတွေမှာ ရောက်ရှိနေထိုင်နေကြတဲ့ လူငယ်လူရွယ်တွေဟာ ကျနော်တို့ လူကြီးတွေ တာဝန်မကျေခဲ့လို့ ခုလိုရောက်ရှိနေထိုင်နေကြရတာ ဖြစ်တယ်လို့ ခံစားမိပါတယ်။ ဘာပဲဖြစ်ဖြစ် ဒီကနေ့ မျိုးဆက်သစ် ကျောင်းသားလူငယ် မောင်မယ်လေးများဟာ တနေ့ နေ့ တချိန်ချိန်မှာ မြန်မာနိုင်ငံ အမျိုးသားလွတ်မြောက်ဖို့နဲ့  ငြိမ်းချမ်းပြီး ခေတ်မှီဖွံ့ ဖြိုးတိုးတက်အောင် ပခုံးပြောင်းတာဝန်ယူ စွမ်းဆောင် ကြိုးပမ်းကြရမှာဖြစ်ပါတယ်။ ပခုံးပြောင်း တာဝန်ယူ စွမ်းဆောင် ကြိုးပမ်းနိုင်တဲ့ အနာဂတ် နိုင်ငံသားကောင်း ရတနာတွေ ဖြစ်လာလိမ့်မယ်လို့လည်း ကျနော်အနေနဲ ယုံကြည်အားကိုးပါတယ်။ " ဟု သူက ပြောကြားသည်။

မင်္ဂလာရှိသော နှစ်သစ်အခါသမယတွင် ယခုလို အစဉ်အလာ ရိုးရာယဉ်ကျေးမှု အမွေအနှစ်တွေကို ထုတ်ဖော်ပြသကြတဲ့ အတွက်လည်း နှစ်ထောင်းအားရ ၀မ်းသာပီတိ ဂုဏ်ယူမိကြောင်းကို " မိမိတို့ နိုင်ငံနဲ့ အဝေးကိုရောက်နေကြပေမဲ့ ကိုယ့်ရိုးရာယဉ်ကျေးမှု ထုံးတမ်းအစဉ်အလာရှိတဲ့ ယဉ်ကျေးမှုလုပ်ငန်းတွေကို လုပ်ဆောင်ကြတဲ့ အပေါ်မှာ နှစ်ထောင်းအားရ ၀မ်းသာပီတိ ဂုဏ်ယူမိပါတယ်။ ဒီလို ကောင်းမြတ်တဲ့ ယဉ်ကျေးမှု အမွေအနှစ်တွေအားလုံးကိုလည်း ပခုံးပြောင်း လက်ဆင့်ကမ်း တာဝန်ယူ ထိမ်းသိမ်းစောင့်ရှောက် ဖော်ထုတ်သွားနိုင်ကြပါစေလို့လည်း ဆုမွန်ကောင်း တောင်းပါတယ်။ " ဟု ၄င်းက ဆက်လက် ပြောကြားခဲ့သည်။

ဘဲခေါင်း ဦးမောင်မောင်သည် မြန်မာပြည်တွင်းထဲ၌ နေထိုင်ခဲ့စဉ်ကာလက အမျိုးသားနိုင်ငံရေး လှုပ်ရှားမှုကဏ္ဍတွင် ဦးဆောင်တက်ကြွလှုပ်ရှားခဲ့သဖြင့် ၁၉၆၃ ခုနှစ်တွင် ဗမာအစိုးရက ဖမ်းဆီးထောင်ချကာ ကိုကိုးကျွန်းသို့ ပို့ခံခဲ့ရပြီး ၁၉၇၂ ခုနှစ်က လွတ်ငြိမ်းချမ်းသာခွင့်ဖြင့် ပြန်လည်လွတ်မြောက်လာခဲ့သည့် ၀ါရင့်နိုင်ငံရေး အကျဉ်းသားဟောင်း တဦးဖြစ်ကြောင်း သိရှိရသည်။ ဘဲခေါင်း ဦးမောင်မောင်နဲ့ အတူ ထိုစဉ်က ဖမ်းဆီးထောင်ချ တကျွန်းပို့ ခံခဲ့ရသည့်အထဲတွင် ရခိုင်ပြည်လွတ်မြောက်ရေးပါတီ (The Arakan Liberation Party -ALP) မှ ရဲဘော်အောင်ညိုလှ၊ ဂျီတီအိုင် (G.T.I) ကျောင်းသား ကိုလှမောင်ဦးနှင့် တခြားရခိုင်အမျိုးသားများ ပါဝင်ခဲ့ကြောင်းလည်း သိရှိရသည်။