ယင်းရှင်းလင်းသို့ ဒေသခံ NLD အဖွဲ့ဝင်များ၊ မွန်ဒေသလုံးဆိုင်ရာဒီမိုကရေစီပါတီ၊ ပြည်ခိုင်ဖြိုးပါတီနှင့် ဒေသခံလူထုများအပါအဝင် အင်အား တစ်ရာကျော်တက်ရောက်ခဲ့သည်ကို တွေ့ရှိရသည်။
ဗဟိုအလုပ်အမှုဆောင်ကော်မတီဝင် NLD ကရင်ပြည်နယ်ဥက္ကဌ ဒေါ်နန်းခင်ထွေးမြင့်က “ NLD ဗဟိုညီလာခံမှာ ဥက္ကဌ ဒေါ်အောင်ဆန်းစုကြည်ကို ရွေးချယ်ခဲ့ပြီးနောက် ဗဟိုအလုပ်အမှုဆောင်တွေကိုတော့ သူနဲ့တွဲပြီးအလုပ်လုပ်ရမယ့်သူ ဖြစ်တဲ့အတွက် သူကိုယ်တိုင်ပဲရွေးခွင့်ပြုပါလို့ သဘာပတိကိုတောင်းခံခဲ့တယ်၊” ဟု ပြောသည်။
ပြည်နယ်တိုင်း ၁၄ ခုအတွက် NLD ဗဟိုအလုပ်အမှုဆောင်ကော်မတီဝင်များကို ဒေါ်ဆောင်ဆန်းစုကြည်က တိုက်ရိုက်ရွေးချယ်ခန့်အပ်ခဲ့ရာတွင် ဒေါ်နန်းခင်ထွေးမြင့် ပါဝင်ခွင့်ရရှိခဲ့ပြီး ကရင်ပြည်နယ် ဥက္ကဌအဖြစ် တာဝန်ပေးအပ်ခံခဲ့ရသည်။
ဒေါ်နန်းခင်ထွေးမြင့်က “ဒီဗဟိုအလုပ်အမှုဆောင်တွေကို အချက် ၃ ချက်ထားပြီး ရွေးချယ်ခဲ့ပါတယ်၊ နံပါတ်တစ်အချက်က သစ္စာတရား၊ နံပါတ်နှစ်အချက်က ကျွမ်းကျင်မှု၊ နံပါတ်သုံးအချက်က တိုင်းရင်းသားဖြစ်ရမယ်ဆိုတဲ့နေရာမှာ မိန်းခလေးတွေကို ဦးစားပေးရွေးချယ်တယ်” မိန့်ခွန်းတွင်ထည့်သွင်း ပြောကြားသည်။
ထို့အတူ မွန်ပြည်နယ် NLD ဥက္ကဌအဖြစ်ရွေးချယ်ခံရသူ မော်လမြိုင်မြို့နယ် ပြည်သူ့လွှတ်တော်ကိုယ်စားလှယ် ဒေါ်ခင်ဌေးကြွယ်က “ဘုရားသုံးဆူမြို့ဟာ နယ်စပ်မြို့ဖြစ်တဲ့အတွက်အထိုက်အလျှောက်စည်ကားပေမယ့် ကြာအင်းဆိပ်ကြီးမြို့က မော်တော်ကားနဲ့ ၇ နာရီကြာလာခဲ့ရပါတယ်၊ ခရီးမိုင်က ၅၈ မိုင်ပဲရှိတယ်၊ တကယ်လို့လမ်းပမ်းဆက်သွယ်ရေးကောင်းမွန်ရင် တစ်နာရီလောက်ပဲကြာပါတယ်၊ ဒီလမ်းကိုကြည့်ခြင်းအားဖြင့် နယ်စပ်ဖွံ့ဖြိုးတိုးတက်မှုအတွက် အများကြီးလုပ်ရဦးမယ်လို့ ကျမတို့ရင်ဝယ်ပိုက်သွားပါတယ်” ဟု မိန့်ခွန်းတွင် ပြောကြားခဲ့သည်။
ထို့အပြင် နယ်စပ်မြို့များအား ဖြစ်ဖြစ်မြောက်မြောက်နှင့် အောင်အောင်မြင်မြင်လုပ်နိုင်မှသာလျှင် နိုင်ငံ၏တိုးတက်ရေးဖြစ်လာလိမ့်မည်ဟု သူမယုံကြသည်ဟု ပြောသည်။
၎င်းတွေ့ဆုံရှင်းလင်းပွဲအခမ်းအနားသည် နံနက် ၈ နာရီမှ တစ်နာရီလေးဆယ့်ငါးမိနစ်ကြာမြင့်ခဲ့ပြီး နောက် နှုတ်ဆက်စကားပြောဆိုကြစဉ် ဒေသခံအချို့က လွှတ်တော်သို့တင်ပြစေလိုသည့်အကြောင်းအရာများအား တင်ပြခဲ့ကြသည်။
ဘုရားသုံးဆူမြို့နယ်ခွဲ NLD တာဝန်ခံကလည်း ဒေါ်အောင်ဆန်းဆုကြည်အား ဘုရားသုံးဆူမြို့သို့လာရောက်ရန် အခမ်းအနားတွင် ပြောကြားခဲ့သည်။
ယခု NLD ဗဟိုအလုပ်အမှုဆောင်တို့၏ ဘုရားသုံးဆူမြို့ခရီးစဉ်သည် ပထမဆုံးအကြိမ်ဖြစ်သည်ဟု သိရသည်။
No comments:
Post a Comment