မြန်မာအစိုးရကိုလဲ ဒီတောင်းဆိုချက်ကို ခိုင်ခိုင်မာမာ တုန့်ပြန်ပြီ OIC ဝန်ကြီးအဖွဲ့ကို လက်ခံဖို့ တောင်းဆို ထားပါတယ်။
ထုတ်ပြန်ချက်ကို OIC က ဆော်ဒီအာရေးဘီးယား နိုင်ငံ ဂျဲဒါ မြို့အစည်းအဝေး အပြီးမှာ ထုတ်ပြန် ခဲ့တာဖြစ်ပါတယ်။
ဂျဲဒါ မြို့ အစည်းအဝေး တက်ရောက်ခဲ့တဲ့ နိုင်ငံခြားရေး ဝန်ကြီးတွေဟာ OIC အဖွဲ့ဝင်နိုင်ငံ ၅၇ နိုင်ငံထဲက ၁၁ နိုင်ငံက နိုင်ငံခြားရေး ဝန်ကြီးတွေ ပါဝင်ဖွဲ့စည်းထားတာ ဖြစ်ပြီး OIC contact group လို့ခေါ်တဲ့ အရေးပေါ် အဖွဲ့ကို စက်တင်ဘာလက ဖွဲ့စည်းခဲ့တာ ဖြစ်ပါတယ်။
OIC ၅၇ နိုင်ငံထဲကaန အရေးပေါ် အဖွဲ့ထဲ ပါဝင်ခဲ့တဲ့ နိုင်ငံတွေ ကတော့ အာဖဂန်နစ္စတန်၊ ဆော်ဒီအာရေးဘီးယား၊ ဘင်္ဂလားဒေ့ရှ်၊ ဘရူနိူင်း၊ ဂျာပူတီ၊ အီဂျစ်၊ UAE၊ အင်ဒိုနီးရှား၊ မလေးရှား၊ ဆူဒန်နဲ့ တူရကီ နိုင်ငံတို့ ဖြစ်ကြပါတယ်။
ထုတ်ပြန်ချက်ထဲမှာ ကုလသမဂ္ဂ လူ့အခွင့်အရေး ကော်မရှင်ကိုလဲ အချက်အလက် စုံစမ်းရေးအဖွဲ့ စေလွှတ်ဖို့ တောင်းဆို ထားပါတယ်။
OIC က ပြီးခဲ့တဲ့နှစ် ရခိုင်ပြည်နယ်က အကြမ်းဖက်မှုမှာ လူပေါင်း ၁၈၀ အထိ သေဆုံးသွားတာကို လက်မခံ နိုင်ဘူးလို့ ဆိုထားပါတယ်။
မြန်မာ အစိုးရကိုလဲ ဗုဒ္ဓဘာသာ နဲ့ မူစလင် ပဋိပက္ခ ဖြေရှင်းမှု ကိုင်တွယ်ပုံကိုလဲ ဘဝင်မကျတဲ့ ဝေဖန် ပြောဆိုမှုတွေ ပြုလုပ်ထားပါတယ်။
လူပေါင်း ၄၃ဦး သေဆုံးသွားခဲ့တဲ့ မိတ္ထီလာ သွေးထွက်သံယို အကြမ်းဖက်မှု နဲ့ ပတ်သက်ပြီး၊ မြန်မာနိုင်ငံရဲ့ ပြုပြင်ပြောင်လဲရေးမှာ မူစလင် လူမျိုးစုတွေက ဒါဏ်ခံနေရတဲ့အကြောင်း၊ အသက်အိုးအိမ် အတွက် စိုး ရိမ်နေရ ပြီး၊ ဗုဒ္ဓဘာသာဝင် ကြီးစိုးတဲ့ ပတ်ဝန်းကျင်မှာ ဘယ်လိုဆက်လက် နေထိုင် နိုင်မှာလဲလို့ မူစလင် ခေါင်းဆောင် တဦးကပြောပါတယ်။
မြန်မာ နိုင်ငံတွင်းမှာ ရိုဟင်ဂျာတွေကို ဘင်္ဂလားဒေ့ရှ် နိုင်ငံကနေ တရားမဝင် လာရောက်နေထိုင် ကြတဲ့ ဘင်္ဂါလီ လူမျိုးတွေလို့ ယူဆထားပေမဲ့၊ မိတ္ထီလာ အရေးအခင်းမှာ ပါဝင်ခဲ့တဲ့ မူစလင်တွေ ဟာ မြန်မာနိုင်ငံသားများ ဖြစ်ကြတယ်လို့ ဆိုပါတယ်။
No comments:
Post a Comment