“သမ္မတနဲ့ တွေ့တာကတော့ အဓိကတော့ နှစ်ဖက်လုံးမှာ သူတို့ ရပ်တည်ချက်တူတာကတော့ ဒီသြဂုတ်လ ၁ ရက်နေ့မတိုင်မီ အပစ်အခတ်လက်မှတ်ရေးထိုးနိုင်ဖို့နဲ့ ဒီနှစ်မကုန်မီမှာ Political Dialogue စနိုင်ဖို့အတွက် ကြိုးစားသွားကြမယ်။ အဲဒါနဲ့ ပက်သက်တဲ့ ဆွေးနွေးချက်တွေ အဓိက များပါတယ်။”
အခုလို သမ္မတနဲ့ KNU တို့ တွေ့ဆုံတာဟာ ၅ ကြိမ်မြောက်တွေ့ဆုံဆွေးနွေးတာဖြစ်ပြီး KNU အနေနဲ့ ပြည်တွင်းငြိမ်းချမ်းရေး လုပ်ငန်းစဉ် အတွက် တပ်မတော် ကာကွယ်ရေး ဦးစီးချုပ်နဲ့လည်း ၆ ကြိမ်လောက် တွေ့ဆုံမှုတွေ ပြုလုပ်ခဲ့ပြီးဖြစ်တယ်လို့ သိရပါတယ်။
တွေ့ဆုံမှုအတွင်း အပစ်အခတ်ရပ်စဲရေး မူကြမ်းမှာ သဘောတူဖို့ ကျန်ရှိနေတဲ့အချက်တွေနဲ့ ပက်သက်ပြီး အမြင်တွေ ဖလှယ် ခဲ့ကြသလို နိုင်ငံရေး ဆွေးနွေးပွဲတွေ အတွက် ကြိုတင်ပြင်ဆင်ထားသင့်တာတွေကိုလည်း ဆွေးနွေးခဲ့ကြတယ်လို့ နိုင်ငံတော် သမ္မတရဲ့ ပြောရေးဆိုခွင့်ရှိသူ ပြန်ကြားရေး ဝန်ကြီး ဌာန၊ ဒုတိယ ၀န်ကြီး ဦးရဲထွဋ်က အခုလို ပြောပါတယ်။
“တစ်နိုင်ငံလုံး အပစ်အခတ်ရပ်စဲရေး ဆိုင်ရာ သဘောတူညီချက် လက်မှတ်ထိုးနိုင်ဖို့၊ ကျွန်တော်တို့က သဘောတူတာ ၇၀ ရာခိုင်နှုန်းလောက်ရှိပြီ နောက်ထပ် ၃၀ ရာခိုင်နှုန်းဘဲ ကျန်တော့ အဲဒါကို ဆက်လက်ကျော်လွှားနိုင်ဖို့အတွက် သဘောထားတွေ အမြင် တွေ ဖလှယ်တာပေါ့။ နောက်ပြီးလို့ရှိရင် ကျွန်တော်တို့ နိုင်ငံရေး ဆွေးနွေးပွဲတွေ လုပ်နိုင်ဖို့အတွက် ကြိုတင်ပြင်ဆင်ထားသင့် တဲ့ လုပ်ငန်းတွေ ဆွေးနွေးတာပေါ့။”
ဆွေးနွေးပွဲက ရလဒ်တွေကတော့ ပမာဏ အဆင့် ဆွေးနွေးမှုဖြစ်တဲ့အတွက် ထုတ်ပြန်ဖို့တော့ အစီအစဉ် မရှိသေးဘူးလို့ ဆိုပါတယ်။
တစ်ဆက်တည်းမှာပဲ KNU ရဲ့ ထိပ်ပိုင်းခေါင်းဆောင်ကြီး အချို့က နိုင်ငံတော်သမ္မတဦးသိန်းစိန်အပေါ် နောက်တစ်ကြိမ် သမ္မတအဖြစ် ပြန်လည် ရွေးကောက်ခံဖို့ တိုက်တွန်းခဲ့တယ်လို့ သိရပြီး အဲဒီအပေါ်လည်း သမ္မတဦးသိန်းစိန်က ထည့်သွင်း စဉ်းစားသွားမယ်လို့ ဦးရဲထွဋ်က ဆက်ပြောပြပါတယ်။
သမ္မတဦးသိန်းစိန်နဲ့ KNU တိုင်းရင်းသား လက်နက်ကိုင်အဖွဲ့အစည်းရဲ့ ဆွေးနွေးပွဲမှာ KNU ဘက်က ဥက္ကဌ မူတူးစေးဖော၊ ဖဒို မန်းငြိမ်းမောင်၊ ဗိုလ်ချုပ်ကြီး စောဂျော်နီ၊ နိုင်ငံရေးနဲ့ နိုင်ငံတကာအကြံပေး ဗိုလ်ချုပ် စောတူးတူးလေးအပါအဝင် ထိပ်ပိုင်း ခေါင်းဆောင် အများစု ပါဝင်ပါတယ်။
အဆိုပါ KNU ထိပ်ပိုင်းခေါင်းဆောင်တွေဟာ မနေ့တုန်းကလည်း ပြည်ထောင်စုလွှတ်တော် နာယက ဖြစ်သူ၊ ပြည်သူ့လွှတ်တော် ဥက္ကဌ သူရဦးရွှေမန်းနဲ့လည်း ငြိမ်းချမ်းရေး လုပ်ငန်းစဉ်တွေနဲ့ပတ်သက်ပြီး တွေ့ဆုံ ဆွေးနွေးခဲ့ကြတဲ့အကြောင်း ရေဒီယိုသြစတြေးလျ သတင်းထောက် စူးရှက သတင်းပေးပို့ခဲ့ပါတယ်။
တဆက်တည်းမှာပါပဲ မြန်မာအစိုးရနဲ့ ကရင်အမျိုးသားအစည်းအရုံးတို့ရဲ့ အခုတကြိမ်တွေ့ဆုံမှုနဲ့ ပတ်သက်ပြီး ဆွေးနွေးချက်တွေနဲ့ ရရှိလာတဲ့ ရလဒ်တွေကို ကရင်လူထုနဲ့ အရပ်ဖက် အဖွဲ့အစည်း တွေကို ပွင့်လင်းမြင်သာစွာ ချပြပေးဖို့ ပြည်တွင်း ပြည်ပမှာရှိတဲ့ ကရင်အရပ်ဖက် အဖွဲ့အစည်းတွေက တောင်းဆိုလိုက်တယ်လို့လည်း သိရပါတယ်။
No comments:
Post a Comment