သျှမ်းသံတော်ဆင့် သောကြာနေ့၊ 13 မတ်လ 2009
သျှမ်းပြည် အရှေ့ပိုင်း မိုင်းတုံမြို့နယ် ပုံပါကျင်မြို့နယ်ခွဲ သုခ၀ိဟာရ ဟိုဝိန်း ကျောင်းတိုက်တွင် မတ်လ ၂၀ ရက်၌ ဒေသခံ များ ဦးစီးကျင်း ပမည့် သျှမ်းရိုးရာ ရှင်ပြုပွဲကို ဘမ်းပြပြီး နအဖ စစ်တပ် လက်ကိုင်တုတ်က ကန်ထရိုက် ဆွဲသည့် လောင်း ကစား ၀ိုင်းကို ယခုလ ဆန်းပိုင်း ကတည်းက ကြိုဖွင့်ခိုင်း သည်ဟု ထိုင်း နယ်စပ်သတင်း ကဆိုသည်။
ပုံပါကျင် ရှင်ပြုပွဲကို မတ်ခ်ျလ ၂၀ ရက်မှ ၂၅ ရက်နေ့အထိ ၅ ရက်ကြာကျင်းပမည်ဖြစ်သော်လည်း နအဖ စစ်တပ်အတွက် သတင်းထောက်လှမ်းပေးလေ့ရှိသူက ပုံပါကျင်အခြေစိုက် စစ်ဗျူဟာမှူးအား လောင်းကစားဝိုင်း တ၀ိုင်းအတွက် တည ၄-၅ သိန်း ထက်မနည်း အခွန်ပေးကာ ယခုလ ၅ ရက်နေ့ကတည်းက စတင်ခင်းကျင်းသဖြင့် လောင်းကစားဝိုင်းကြောင့် ဒေသခံ အများစု၏ အိမ်ထောင်ရေး အခြေအနေ ဆိုးရွားလျက်ရှိသည်ဟုဆိုသည်။
ရှင်လောင်းမိခင် တဦးက -“အခုရှင်ပြုပွဲမှာ ရှင်လောင်း ၄၅ ပါးရှိတယ်။ ပွဲရံပုံငွေအတွက် ရှင်လောင်းမိဘ ကျပ်ငွေ ၁ သိန်းခွဲ ထည့်ရတယ်။ ပွဲတော်စည်ကားဖို့အတွက် နားကောင်းမူးကျေးရွာအုပ်စုက ဦးရွှေအုန်းက လောင်းကစားဝိုင်းကို ကန်ထရိုက် ဆွဲပြီး လွန်ခဲ့တဲ့ ၅-၆ ရက်ကတည်းက ကြိုတင်ဖွင့်တယ်။ ရှင်လောင်းမိဘတချို့ပွဲအတွက်ကြိုတင်ပြင်ဆင်ရမဲ့ အစား လောင်း ကစားဝိုင်းကိုဘဲသွားနေတော့ရှုပ်ကုန်တာပေါ့ ” - ဟုဆိုသည်။
လောင်းကစားကန်ထရိုက် ဦးရွှေအုန်းဆိုသူသည် အသက် ၆၀ ကျော် အသားညို ရုပ်ရည်သန့်ပြန့်ပြီး လွန်ခဲ့သည့် ၂ နှစ် ကျော်က ၎င်းမိသားစု ကျိုင်းတုံမှ နားကောင်းမူးသို့ ပြောင်းရွှေ့လာကာ အိမ်ငှားနေထိုင်ကြောင်း၊ ငါးခူ၊ ဆလားဗီးယား ငါးကန် ၄-၅ ကန် စီးပွားဖြစ်မွေးမြူ ထားကြောင်း၊ တဘက်တွင်လည်း မိုင်းတုံ နားကောင်းမူး ပုံပါကျင် ဒေသတ၀ိုက် နအဖ စစ်တပ်အတွက် သတင်းအမျိုးမျိုးထောက်လှမ်းပေးနေသူဖြစ်ကြောင်း အသက် ၄၀ ၀န်းကျင် ပုံပါကျင်ဇာတိ အမျိုးသား တဦးက သျှမ်းသံတော်ဆင့်ကိုပြောပြပါသည်။
“အခုပွဲရက်တောင်မ စသေးဘူး၊ ကျမတို့ခေါင်းရင်းအိမ်က သူ့ယောင်္ကျားက အိမ်သုံးစရိတ်နှိုက်ပြီး လောင်းကစားဝိုင်း သွား လို့တဲ့ မနေ့က ရန်ဖြစ်နေကြတယ်၊ တကယ့်ပွဲရက်- လူစည်ကားလာရင် လုယက်မှုခိုးမှုတွေများလာမှာသေချာ တယ်” - ဟု အသက် ၃၀ ၀န်းကျင် ဒေသခံအမျိုးသမီးတဦးကဆိုသည်။
ကုံကင်းလိမ့်၊ ဟိုင်းလိုး(တိရစ>ာန် ၅ ကောင်ပါ လောင်းကစားတမျိုး/အမြင့်ဆုံးငါးဆလျော်) စသည့်အသေးစားလောင်း ကစား ၀ိုင်းများက တည ၂ သောင်းခွဲ၊ အကြီးစား လောင်းကစားဝိုင်းဖြစ်တဲ့ ဖိုင့်ကျူး (ကျွဲကျိုဖဲ) နှင့် လေးကောင်ဂျင်ဝိုင်း က တည ၅ သိန်းထက်မနည်း အခွန်ပေးဆောင်ရမည်ဖြစ်ကြောင်း ထို့အပြင်ပွဲထိန်းရဲ၊ စစ်သား နှင့် အခြားဆိုင်ရာအဖွဲ့ အစည်းများကို လည်း ညတိုင်းလ္ဘက်ရည်ဖိုး၊ အရက်ဖိုးပေးရဦးမည်ဖြစ်ကြောင်း အသေးစားလောင်းကစားဝိုင်းထောင်သူ တဦး ကဆိုသည်။
ရှင်ပြုပွဲကို ပုံပါကျင် မြောက်ဘက်ခြမ်း မြို့ဦးဘက် သုခ၀ိဟာရကျောင်းတိုက် အနီးလယ်ကွင်းထဲ၌ ကျင်းပမည်ဖြစ်ပြီး သီပေါ သျှမ်းအငြိမ့် နှင့် ဟာသအဆိုတော် စိုင်းယွဲ့ကိုလည်းဖိတ်ကြားထားသည်ဟုသိရသည်။
No comments:
Post a Comment