ဒဂုံတက္ကသိုလ်မှကျောင်းသား ၄ ဦး နှင့် နည်းပြ ဆရာတစ်ဦး တို့အား ဥပဒေမဲ့ကျူးလွန်စော်ကားမှု အတွက် FDB မြန်မာနိုင်ငံ ဒီမိုကရက်တစ် အင်အားစုမှ ယမန်နေ့က ထုတ်ပြန်ကြေညာ ချက်တစောင် ထုတ်ပြန်လိုက်သည်။ဖေဖော်ဝါရီလ ၂၂ရက်နေ့က အဆိုပါ ဒဂုံကျောင်းသားများနှင့် နည်းပြဆရာ တို့မှာ စော်ဘွားကြီးကုန်းတို့ ရိုးရာ လက်ဖက်ရည်ဆိုင်မှ အထွက် တွင် အရက်မူးနေသူ လူတစုက ၀ိုင်းရိုက်နှက်ခဲ့ခြင်းဖြစ်သည်။
ထိုကိစ္စနှင့် ပတ်သက်၍ FDB ဒု-အထွေထွေ အတွင်းရေးမှူး ဦးကျော်ထက်က “သူတို့အာဏာကို အလွဲသုံးစား ပြီးတော့မှ ဖြေရှင်း တတ်တာက အစဉ်အလာ လိုဖြစ်နေတယ်။ အဲဒီတော့ အခုဟာ လည်းပဲ အဲဒီလိုပဲ ဒီ ဥပဒေ ကြောင်းအရ မှန်မှန်ကန်ကန် ဖြေရှင်း ရမည့်အစား အရိုက်ခံရတဲ့ လူတွေကိုပဲ သူတို့က ပြန်ပြီးတော့မှ အဲလို အရေးယူ ဆောင်ရွက်ရမယ့် အရေး ကိစ္စတွေကို ကျနော်တို့က စိုးရိမ်သဖြင့် ဖြစ်တယ်။ ဒါကြောင့် မို့လို့ ဒီကျနော်တို့ နိုင်ငံမှာက ဒီအာဏာပိုင်တွေ အနေနဲ့က ဒီလိုမျိုးတွေ ဖြေရှင်း လေ့ရှိတယ်ဆိုတဲ့ ကိစ္စကိုဘာမှ ကျနော်တို့ မပြောပဲနေလို့ရှိရင် အဖိနှိပ်ခံနေရတဲ့လူတွေ ထပ်ပြီး ခံနေရမှာပဲ။
အဲတော့ အဲဒီ ဥစ္စာကို ကျနော်တို့ကသာ အားလုံးကိုလည်း သိစေချင်တာပေါ့ တကယ်လို့တခုခု ဖြစ်လာပြီဆိုလို့ရှိရင် ကျောင်းသားတွေက ရုန်းရင်းဆန်ခတ်လုပ်လို့ ဘယ်သူက ဟုတ်လား ဘယ်သူက ဥပဒေကို ဘောင်ကျော်ပြီးတော့မှ သူတို့ရဲ့ ဥပဒေကို ချိုးဖောက်ပြီးလုပ်လို့ ဆိုတဲ့ အကြောင်းပြချက်တွေနဲ့ အမြဲတမ်းဖိနှိပ်လေ့ရှိတယ်ဗျ။ အဲဒါကြောင့်မို့လို့ ကျနော်တို့က ကြိုပြီးတော့မှဒီဥစ္စာာကို ကျနော်တို့ရှုတ်ချ လိုက်တာပါပဲ” ဟု ပြောသည်။
ကျောင်းသားများနှင့် ဆရာတို့မှာ ဒဏ်ရာပြင်းထန်စွာ ရကြပြီး အမှုဖွင့်သော်လည်း အမှုပိတ်ခြင်းခံရသည်ဟု ထုတ်ပြန်ချက် ထဲတွင် ဆိုထားပါသည်။
ဒဂုံတက္ကသိုလ်၏ ပါမောက္ခချုပ်နှင့် မော်ကွန်းထိန်းရုံးသို့ သွားရောက်သတင်းပို့တင်ရာတွင်လည်း တက္ကသိုလ်အာဏာပိုင်အဖွဲ့မှ တာဝန်ယူဖြေရှင်းပေးရမည့်အစား “နောင်ရန်မဖြစ်တော့ပါ”ဟု ခံဝန်ကတိကိုသာ အတင်းအကြပ်လတ်မှတ်ထိုးခိုင်းခဲ့သည် ဟု ပါရှိသည်။
အာဏာပိုင်များသည် ကျောင်းသားနှင့်ပါတ်သက်ပြီး မှန်မှန်ကန်ကန် အရေးယူလေ့ မရှိဘဲ ကျောင်းသားများနှင့် ပါတ်သက်လျှင် အမြဲတမ်း ဖိနှိပ်လေ့ ရှိသည်ဟု FDB ဒုအထွေထွေ အတွင်းရေးမှူးချုပ် ကဆိုပါသည်။
“၁၉၈၈ ၈လေးလုံး အရေးတော်ပေါ်ပြီး နောက်ပိုင်းမှာ ဆိုလို့ ရှိရင် ကျောင်းသား တွေကို အစီစဉ်ရှိရှိနဲ့ သူတို့က ဖိနှိပ်ထားတာ ချိုးနှိမ်ထား တာတွေရှိတယ်။ တက္ကသိုလ်တွေကို မြို့တွင်းပိုင်းမှာ နေပြီးတော့ ဟိုးအဝေးကြီး နေရာကို ပို့ပစ်တာတွေ နောက်တခါ ဒီကျောင်းသား တွေ သွားရေး လာရေး အရမ်း ခက်ခဲတယ်ဗျ”ဟု သူကပြောသည်။
မြန်မာပြည်တွင်းရှိ ကျောင်းသားများသည် အမြဲဖိနှိပ် ခံရပြီး ကျောင်းသား သမဂ္ဂအဖွဲ့အစည်း ကို လွတ်လပ်စွာ ဖွဲ့စည်းခွင့် မပေး သည့်အတွက် ကျောင်းသားများ၏ ဆန့်ကျင်သံ များလာရခြင်း ဖြစ်သည်ဟု ၄င်းကဆိုပါသည်။
၁၉၆၂ခုနှစ် ဇူလှိုင်လ ၂ ရက်နေ့ ဗိုလ်ချုပ်ကြီး ဦးနေဝင်း အာဏာသိမ်းပြီးတက်လာကတည်းက စစ်တပ်အာဏာသိမ်းသည်ကို ကျောင်းသား များက ဆန့်ကျင် သည့်အတွက် ကျောင်းသား များအား အာဏာပိုင်များက ယခုထိ ဖိနှိပ်ခြင်း ဖြစ်သည်။
ယခုအချိန်တွင် လုံခြုံရေးသည် ပိုမိုတင်းကြပ်နေကြောင်းနှင့် စာမေးပွဲလည်း နီးကပ်လာသည့်အတွက် အာဏာပိုင်များက ပိုပြီး စိုးရိမ် နေသည်ဟု FDB ဒုအထွေထွေ အတွင်းရေးမှူးချုပ်က ပြောသည်။
ဒဏ်ရာအပြင်းထန်ရရှိသွားကြသည့် ကျောင်းသားများနှင့်ဆရာတို့အနက် ကျောင်းသား၂ဦးမှာ အင်းစိန်မြို့နယ် ပြည်သူ့ဆေးရုံကြီးတွင် အတွင်းလူနာများအဖြစ် တင်ထားရသည်ဟု သိရှိရသည်။
No comments:
Post a Comment