ဘင်္ဂလားဒေ့ခ်ျနိုင်ငံ ကော့စ်ဘဇားခရိုင် မဟားဇိုးမြို့နယ် သံသီးရွာမှ ရခိုင် နေအိမ် တစ်ချို့ကို ဒေသခံ ဘင်္ဂလီများက ၀င် ရောက် ဖျက်ဆီးပြီး ပစ္စည်းများကို လုယက် ယူငင်သွားကြောင်း ယမန်နေ့က ထုတ်ဝေသော ကော့စ်ဘာဇားမှ Samudrabarta သ တင်း စာတွင် ရေးသာ ဖေါ်ပြသည်။ ဖြစ်ပျက်ပုံနှင့် ပတ်သက်ပြီး ကျေးရွာသားများကို ကိုးကားပြီး အဆိုပါ သတင်းစာက ယခုလို ရေးသားသည်။
" ဖေဖေါ်ဝါရီ ၂၄ ရက်နေ့ နေ့လည် ၃နာရီ လောက်မှာ ဖြစ်တာပါ။ ၁၂ ဦးခန့်ရှိတဲ့ ဒေသခံ ဘင်္ဂလီ အုပ်စု တစုက လာပြီးတော့ အိမ်တချို့ကိုဖျက်ဆီးသွားခဲ့ပါတယ်။ အိမ်ကိုဖျက်ပြီးတော့ သံဖြူချပ်တွေ၊ သစ်လုံးတွေ၊ ၀ါးတွေနဲ့ ပစ္စည်းတွေကို ယူငင်သွားပါတယ်" ဟု သတင်းစာ က ပြောသည်။
ဘင်္ဂလီတွေ အကြမ်းဘက် ၀င်ရောက် ဖြိုဖျက်ချိန်တွင် ရခိုင်ကျေးရွာရှိ အမျိုးသားများမှာ လုပ်ငန်းခွင် တွင် ရှိနေခဲ့ပြီး ရွာ၌ အမျိုး သမီး များ နှင့် ကလေးငယ်များသာ ရှိနေခဲ့ကြောင်း ဒေသခံများအပြောကို ကိုးကားပြီး သတင်းစာက ရေးသားသည်။
" သူတို့ ရွာကိုဝင်ပြီး အိမ်ကိုဖျက်စီးတဲ့ အချိန်မှာ ကျေးရွာသားတွေ မရှိဘူး။ မိန်းမတွေနဲ့ ကလေးတွေဘဲ ရှိတယ်။ အကြမ်းဘက်မှာကို စိုးလို့မိန်းမတွေက မပြောရဲကြဘူး။ ကလေးရော၊ မိန်းမတွေပါ ကြောက်ပြီးတော့ အကုန်လုံးထိုင် ပြီးတော့ ငိုနေကြတယ်" ဟု သတင်းစာ က ရေးသည်။
သံသီးရွာမှာ အိမ်ခြေ ၃၀ကျော်ရှိ ရခိုင်ကျေးရွာ တရွာဖြစ်ပြီး ရှေးအစဉ် အဆက်ဆက်က ဘိုးစဉ် ဘောင်ဆက် နေထိုင်လာခဲ့သော ကျေး ရွာ တစ်ရွာ ဖြစ်သည်။
ဒေသခံဘင်္ဂလီများက ၄င်းကျေးရွာကို ဖြိုဖျက်ပြီး ရခိုင် အမျိုးသားများ ပိုင်သော မြေယာများကို သိမ်းပိုက်ရန် ကြံစည်နေကြောင်း၊ ယခု အခါ အဆိုပါကျေးရွာရှိ ရခိုင်များမှာ လုံခြုံရေးကင်းမဲ့နေကြောင်း သတင်းစာက ဖေါ်ပြသည်။
အဆိုပါ ကိစ္စနှင့် ပတ်သက်ပြီး ဒေသခံ ရခိုင်များက သက်ဆိုင်ရာသို့ သတင်းပို့ တိုင်ကြား ထားသော်လည်း တရားစွဲဆိုရန်ကိုမူ ကြောက်ရွံ့နေကြကြောင်း၊ တရားစွဲဆိုပါက အသေသတ် ပစ်မည်ဟု ခြိမ်းခြောက်ထားသဖြင့် ကျေးရွာသားများက အသက်အန္တရာယ်ကိုပါ ထိခိုက် မည်ကို စိုးရိမ်ပြီး တရားစွဲဆိုရန် ကြောက်ရွံ့နေကြသည်ဟု သတင်းစာက ရေးသားဖေါ်ပြသည်။
ယခုကဲ့သို့ ခြိမ်းခြောက်မူကြောင့် ထိုဒေသရှိ ရခိုင်ကျောင်းသူ ကျောင်းသားများမှာ ကျောင်းတက်ရန် ကြောက်ရွံ့လာကာ ပညာရေး အ ခန်း ကဏ္ဍကိုပါ ထိခိုက်လာကြောင်း ရွာသားများ အဆိုအရ သိရသည်။
ဘင်္ဂလာရဲတပ်ဖွဲ့က အခင်းဖြစ်ပွားပြီး နောက်တနေ့တွင် အခင်း ဖြစ်ပွားရာ နေရာသို့ ရောက်ရှိလာပြီး မကြောက်ကြရန် ကျေးရွာ သား များ ကို တိုက်တွန်း ပြောကြားခဲ့သည်ဟု သိရသည်။
No comments:
Post a Comment