“ အခု သတင်းရတာက ပိုက်သည်ရွာကမွတ်ဆလင် (၃) ဦးကိုဖမ်းဆီးလိုက် တယ်လို့ သိရပါ တယ်။ နာမည်တွေတော့ မရပါဘူး။ ဆက်လက်စစ်ဆေး နေ တုန်း ဖြစ်ပါတယ်” ဟု ပြည်နယ် လွှတ်တော်ကိုယ်စားလှယ် ဦး စော ငြိမ်းက ပြောသည်။
သူတို့အား ယမန်နေ့က ဖမ်းဆီးလိုက်ခြင်း ဖြစ်ပြီး ကျောက်တော် ရဲစခန်းတွင် ချုပ်နှောင်ထားကြောင်း ဆိုသည်။
အဆိုပါ ဆန်စက်လှေသည် ကျောက်တော်မြို့နယ် အပေါက်ဝ ကျေးရွာမှာ ကျောက်တော်မြို့သို့ ဆန်အိတ် ၄၉ အိတ်ကို တင်ဆောင်၍ မောင်း နှင် လာစဉ် ဇန္န၀ါရီလ ၂၃ ရက်နေ့ ညနေ ၆ နာရီခန့်တွင် အလုခံခဲ့ရသည်ဟု ပိုင်ရှင် သမီးဖြစ်သူက နိရဉ္စရာကို ပြောသည်။
“ ဒီကနေက စက်လှေက ညနေ ၅ နာရီခန့်မှာ ထွက်သွားပါတယ်။ စက်လှေပေါ်မှာ စက်ဆရာတစ် ဦးတည်းဘဲ ပါသွားပါတယ်။ ည ၆ နာ ရီခန့်မှာ ပိုက်သည် မွတ်ဆလင်ရွာ တည့်တည့် ဂစ္ဆနဒီ တံတား အနီးကို ရောက်စဉ်မှာ စက်လှေ က ပိုက်တွေနဲ့ ငြိသွားတယ်လို့ သိရပါတယ်။ စက် လှေက ငြိနေတဲ့ ၀င်ရိုးကို ဖြုတ်နေစဉ်မှာ ပိုက်သည်ရွာက မွတ်ဆလင် ၂၅ ဦးခန့်လိုက်လာတဲ့ အတွက် စက်ဆရာကရေကူးပြီး ထွက်ပြေး လာရတယ်။ စက်လှေက သူတို့လက်ထဲကို ပါသွားပါတယ်” ဟု ပြော သည်။
ဆန်များကို အပေါက်ဝ ကျေးရွာမှ ဆန်စက်ပိုင်ရှင် ဦးအောင်သိန်းနှင့် ဒေါ်သိန်းနုစိန်တို့ပိုင်ဆိုင်သည်ဟု သိရသည်။ အလုခံရသော စက် လှေ အား နောက်တစ်နေ့တွင် ကုလားတန်မြစ်ထဲမှ ရှာဖွေ တွေ့ရှိခဲ့သော်လည်း စက်လှေထဲတွင် ဆန်အိတ်များ တစ်အိတ်မှ မရှိတော့ ကြောင်း သိရသည်။
“ ကျွန်မ အမေက သတင်းရတာနဲ့ ရဲစခန်းကို သွားရောက်တိုင်ကြားပါတယ်။ အခုအချိန်ထိ ပိုက် သည်ရွာက ဆန်အိတ် ၁၁ အ်ိတ်ကို ပြန်ရ တယ်။ ကျန်တဲ့ ဆန်အိတ်ကိုတော့ မရသေးဘူး။ လူတော့ (၃) ဦးကို ဖမ်းထားတယ်လို့ ပြောပါ တယ်။ ရဲက အမူမှန်ကို ဖေါ်ထုတ်ပေး မယ်လို့ ပြောပါတယ်” ဟု သူမက ဆိုသည်။
အခြေအနေတည်ငြိမ်နေသဖြင့် စက်ဆရာ တစ်ဦးတည်းဖြင့် သွားရောက် ဆန်ပို့စဉ် ယခုကဲ့သို့ လုယက်ခံရခြင်း ဖြစ်ကြောင်း သူမက ဆိုသည်။
အဆိုပါ ကိစ္စနှင့် ပတ်သက်ပြီး အသေးစိတ် သိရှိနိုင်အောင် ကျောက်တော်ရဲစခန်းသို့ ဆက်သွယ်မေးမြန်းရာ တစ်စုံတစ်ရာ တုန့်ပြန် ဖြေ ကြား မူ မရှိဘဲ ဖုံးချသွားခဲ့သည်။
No comments:
Post a Comment