Nok Air လေယာဉ်ပျံဟာ ထိုင်းနိုင်ငံ မဲဆောက်မြို့ကနေ မြန်မာနိုင်ငံ မော်လမြိုင်မြို့ ကို ပျံသန်းမှာဖြစ်ပြီး လာမယ့်သုံးလအတွင်း တရက်ကို နှစ်ကြိမ်ပျံသန်းမှာဖြစ်တယ်လို့ ထိုင်းနိုင်ငံထုတ် ဘန်ကောက်ပို့စ် သတင်းစာက ဖော်ပြထားပါတယ်။
အခုလို လေကြောင်းခရီးတခုတိုးချဲ့တယ်ဆိုဟာ ထိုင်းနိုင်ငံနဲ့ မြန်မာနိုင်ငံကြား လိုအပ်တဲ့ လမ်းပမ်း ဆက်သွယ်ရေး ကြောင့်ဖြစ်တယ်လို့ Nok Air အလုပ်မှုဆောင်ညွန်ကြားရေးမှူးက ဘန်ကောက်ပို့စ် သတင်းစာကို ပြောခဲ့ပြီး အခုစတင်ပျံသန်းတော့မယ့် လေယာဉ်ခရီးစဉ်ဟာ ပထမစမ်းသပ်မှုအနေနဲ့ ခရီးသည် ၃၄ယောက်ဆန့်တဲ့ လေယာဉ်နဲ့ စတင်ပျံသန်းမှာဖြစ်ပါတယ်။
အခုစတင်ပျံသန်းတော့မယ့် လေကြောင်းလိုင်းဟာ မြန်မာနိုင်ငံမော်လမြိုင်မြို့ကို ပြည်ပနဲ့ဆက်သွယ်ပေးတဲ့ ပထမဦးဆုံး နိုင်ငံခြားလေကြောင်းလမ်းဖြစ်ပြီးတော့ မြန်မာပြည်တွင်းက မြန်မာအဲယားလိုင်းပြီးရင်တော့ ဒုတိယပြေးဆွဲမယ့် လေကြောင်းခရီးသယ်ယူပို့ဆောင်ရေး ပဲဖြစ်ပါတယ်။
မဲဆောက်နဲ့ မော်လမြိုင်မြို့ဟာ ကားနဲ့ ကုန်းလမ်းခရီးကနေသွားရင် ၉နာရီလောက်အချိန်ကြာပြီး အခုလေယာဉ်နဲ့သွားမယ်ဆိုရင် ၁၅မိနစ်ပဲကြာမှာဖြစ်ပါတယ်။
လာမယ့်အောက်တိုဘာလကြရင် ထိုင်းနိုင်ငံ ဘန်ကောက်မြို့နဲ့ မြန်မာနိုင်ငံ ရန်ကုန်မြို့ကို ပျံသန်းမယ့် လေကြောင်းခရီးစတင်နိုင်ဖို့အတွက်လည်း Nok Air လေကြောင်းလိုင်းက စီစဉ်နေတယ်လို့ သိရပါတယ်။
No comments:
Post a Comment