နေကြပါတယ်။
မြန်မာနိုင်ငံမှာ ဖြစ်နေတဲ့ ပြုပြင်ပြောင်းလဲမှုတွေကို ထပ်မံ အသိအမှတ်ပြုတဲ့အနေနဲ့ ဒဏ်ခတ်ပိတ်ဆို့မှုတွေကို လျော့ပေးတာဖြစ်တယ်ဆိုတဲ့ ထုတ်ပြန်ချက်မူကြမ်းတစ်ခုကို တွေ့ရကြောင်း ရိုက်တာ သတင်းထောက်က ပြောပါတယ်။
ဒဏ်ခတ်ပိတ်ဆို့မှု အားလုံးနီးပါး လျော့ချဖို့အတွက် အီးယူအဖွဲ့ဝင် နိုင်ငံတွေရဲ့ သံအမတ်တွေက မနေ့တုန်းက သဘောတူခဲ့ကြတာဖြစ်ပြီး လာမဲ့ တနင်္လာနေ့ကျရင် တရားဝင် အတည်ပြုကြဖို့ မျော်လင့်နေကြပါတယ်။
ဒီလိုဖြစ်လာမယ်ဆိုရင် အီးယူနိုင်ငံတွေအနေနဲ့ မြန်မာနိုင်ငံမှာ ရင်းနှီးမြုပ်နှံမှု ပိုလုပ်နိူင်မှာဖြစ်ပြီး မြန်မာနိုင်ငံဟာ စီးပွားရေးတိုးတက်နေတဲ့ အိန္ဒိယနဲ့ တရုတ်နိုင်ငံကြားရှိတဲ့အပြင် သဘာဝသယံဇာတတွေ ပေါကြွယ်တဲ့အတွက် နိုင်ငံတကာက မျက်စိကျနေတာလည်း ဖြစ်ပါတယ်။
အရင်တုန်းက အီးယူနိုင်ငံတွေဟာ မြန်မာနိုင်ငံက ကုမ္ပဏီပေါင်း ၁၀၀၀ ရဲ့ ပိုင်ဆိုင်မှုကို ထိန်းသိမ်းလိုက်သလို မြန်မာနိုင်ငံ ထိပ်တန်းခေါင်းဆောင်အပြင် အစိုးရနဲ့ နီးစပ်တဲ့ ပုဂ္ဂိုလ်အယောက်ပေါင်း ၅၀၀ ကိုလည်း ဥရောပတိုက်ထဲ ဝင်ခွင့်ပိတ်ပင်ခဲ့ရာက ဒဏ်ခတ်ပိတ်ဆို့မှုတွေကို ရုတ်သိမ်းလိုက်မှာ ဖြစ်ပါတယ်။
အဲ့ဒါ့အပြင် စစ်ဖက်ဆိုင်ရာ နည်းပညာအထောက်အကူ ပေးဖို့လည်း ငြင်းဆန်ခဲ့ပြီး မြန်မာနိုင်ငံ မိုင်းတွင်းလုပ်ငန်းမှာ ရင်းနှီးမြုပ်နှံမှု မလုပ်ဖို့ တားမြစ်ခဲ့သလို သစ်ထုတ်လုပ်ရေးနဲ့ အဖိုးတန်ကျောက်မျက်ရတနာ လုပ်ငန်းမှာ ရင်းနှီးမြုပ်နှံမှု မလုပ်ဖို့ ကုမ္ပဏီတွေကို တားမြစ်ခဲ့ပါတယ်။
မြန်မာနိုင်ငံအပေါ် ချမှတ်ထားတဲ့ ဒဏ်ခတ်ပိတ်ဆို့မှုတွေကို လျော့ချဖို့ စီစဉ်နေသလို မြန်မာအကျဉ်းထောင်မှာ ကျန်ရှိနေသေးတဲ့ နိုင်ငံရေးအကျဉ်းသားတွေကို လွှတ်ပေးဖို့ အီးယူအဖွဲ့က တောင်းဆိုလိုက်ပြီး ရခိုင်ပြည်နယ်နဲ့ မိတ္ထီလာမြို့မှာ ဖြစ်ခဲ့တဲ့ ပဋိပက္ခကို ဖြေရှင်းဖို့ တိုက်တွန်းကြောင်း အီးယူသံအမတ်တွေရဲ့ ထုတ်ပြန်ချက်မူကြမ်းမှာ ဖော်ပြထားပါတယ်။
No comments:
Post a Comment