အစပိုင်းမှာတော့ လျော်ကြေးငွေကို သတ်မှတ်ချိန်အထိ မထုတ်ယူရင် အဲဒီငွေတွေကို ဒေသဖွံ့ဖြိုးရေးအတွက် အသုံးပြုမယ်လို့ ပြောခဲ့ပြီးနောက် ခုအခါမှာ သတ် မှတ် ရက် ကို နောက် ဆုတ် ပေး လိုက်တယ်လို့ သိရပေမယ့် ဘယ်အချိန်ထိ နောက်ဆုံး ပေးတယ် ဆိုတာကိုတော့ မသိရသေးပါဘူး။
လက် ပံ တောင်း တောင် ဒေသတွင်းက ဒေသခံ အချို့က ရက်နောက်ဆုတ်ပေးဖို့ တောင်းဆို ခဲ့တဲ့အတွက် နောက် ဆုတ် ပေးလိုက်တာ ဖြစ်တယ်လို့ တုံကျေးရွာ ဒေသခံ ကိုမင်းမင်းက ပြောပါတယ်။
“ဒေသခံတောင်သူ ၇ ဦးကနေပြီးတော့ ရက်နောက်ဆုတ်ပေးပါလို့ မေတ္တာရပ်ခံထားတဲ့အတွက် နောက်ဆုတ်ပေးမယ်။ ရက်အတိ အကျတော့ ဘယ်လောက် နောက်ဆုတ်ပေးမယ်ဆိုတာတော့ မသိသေးဘူးလို့ သူတို့အနေနဲ့ ပြောခဲ့တယ်။ သူတို့အနေနဲ့ ဒီ တစ်နှစ်တစ်ရာသီ အနေနဲ့ လွတ်ကင်းတဲ့ နေရာတွေကိုတော့ စိုက်ပျိုးတာ၊ စိုက်ပျိုးပြီးသား သီးနှံတွေ၊ စိုက်ပျိုးနေတဲ့ လူတွေကို အနှောက်အယှက် မပေးဘူး။ ခိုက်ရန် ဒေါသ မဖြစ်ဘူးလို့ ပြောတယ်ခင်ဗျ”
လက်ပံတောင်းတောင် ကြေးနီစီမံကိန်း တာဝန်ရှိသူတွေက လိုက်လျောမှုတွေ လုပ်လာပေမယ့် ရွာသားတွေက လက်မခံပဲ သူတို့ပိုင်မြေမှာ ရာသက်ပန်လုပ်စားဖို့သာ လိုလားကြောင်း ကိုမင်းမင်းက ဆက်ပြောပါတယ်။
“ကျွန်တော်တို့ ဒေသခံတွေကတော့ ဒီလျော်ကြေးကိုလည်း မထုတ်ယူဘူး။ တစ်နှစ်တစ်ရာသီမဟုတ်ဘဲနဲ့ ကျွန်တော်တို့ကဖြင့် လျော်ကြေးငွေကို ရာသက်ပန် မထုတ်ဘဲနဲ့ ရာသက်ပန် လုပ်ကိုင်စားသောက်ချင်တယ်လို့ ကျွန်တော်တို့တင်ပြခဲ့တယ်။ အဲဒီ ကိစ္စ အပေါ်ကိုတော့ သူတို့အနေနဲ့ အထက်ကိုထပ်ဆင့် တင်ပြပေးမယ်လို့ဘဲ ပြန်ပြောခဲ့တယ်ခင်ဗျ။”
လျော်ကြေးငွေ ထုတ်ယူနိုင်ဖို့အတွက် သတ်မှတ်ထားတဲ့ ရက်နောက်ဆုတ်ဖို့ကိစ္စကို ဒေသခံတွေ တောင်းဆိုတာ မဟုတ်ပဲ လုပ်ကြံဖန်တီးတာ ဖြစ်တယ်လို့လည်း လက်ပံတောင်းတောင် အရေး တက်ကြွလှုပ်ရှားသူ ကိုဟန်ဝင်းအောင်က ပြောပါတယ်။
လက်ပံတောင်းတောင် ကြေးနီစီမံကိန်း ပြန်လည် စတင်ပြီဖြစ်ကြောင်း တရားဝင်ကြေညာတာတွေ မရှိပေမယ့် အဆောက်အဦးတည်ဆောက်တာတွေ လုပ်ကွက်အတွင်း လမ်းပြင်တာတွေစတဲ့ အခြေခံ လုပ်ငန်းတွေတော့ ပြုလုပ်နေကြကြောင်း ရေဒီယိုသြစတြေးလျ သတင်းထောက် စူးရှက သတင်းပေးပို့ခဲ့ပါတယ်။
No comments:
Post a Comment