ရှမ်းလူဦးရေစာရင်းကို ကော်မတီအနေနဲ့ ကောက်ယူတယ်ဆိုတာ ၂၀၁၄ ခုနှစ်ကျရင် မြန်မာနိုင်ငံအတွင်း ကောက်ခံမယ့် သန်းခေါင် စာရင်းကို အထောက်အကူပြုဖို့အတွက် ဖြစ်တယ်လို့ ဆိုပါတယ်။
ပထမဆုံးအနေနဲ့ ရန်ကုန်တိုင်းဒေသကြီးမှာနေထိုင်တဲ့ ရှမ်းတိုင်းရင်းသားစာရင်းတွေကို စတင်ကောက်ယူပြီး နောက်ပိုင်းတွေမှာတော့ ပဲခူးတိုင်းဒေသကြီးနဲ့ တခြားဒေသတွေမှာ ဆက်လက်ကောက်ယူသွားမှာ ဖြစ်ပါတယ်။
၂၀၀၈ ဖွဲ့စည်းပုံအခြေခံဥပဒေ၊ အခန်း(၁)၊ ပုဒ်မ(၁၅)ပါ လျော်ကန်သင့်မြတ်တဲ့ လူဦးရေရှိတဲ့ တိုင်းရင်းသား လူမျိုးတွေ အတွက် သက်ဆိုင်ရာတိုင်းဒေသကြီး (ဒါမှမဟုတ်) ပြည်နယ်နဲ့ ကိုယ်ပိုင်အုပ်ချုပ်ခွင့်ရ စီရင်စု ဥပဒေပြုရေးမှာ လူဦးရေးများတဲ့တိုင်းရင်းသား လူမျိုးကိုယ်စားလှယ်တွေ ပါဝင်ခွင့်ရှိတယ်လို့ ပါရှိတဲ့အတွက် ရှမ်းလူမျိုးတွေအနေနဲ့ အခွင့်အရေးတစ်ရပ် ရရှိနိုင်တယ်လို့ ဦးစိုင်းကျောက်တစ်က ပြောပါတယ်။
“တကယ်လို့ ဒီရန်ကုန်တိုင်းက လူဦးရေက ၀. ၀၁ ရာနှုန်း ၊ ခြောက်သောင်း တကယ်လို့ သန်းခြောက်ဆယ်မှာ လူဦးရေ ခြောက်သောင်းလောက်ရှိတယ်ဆိုရင် တိုင်းရင်းသားရေးရာဝန်ကြီးတစ်ပါးလည်း ရနိုင်တဲ့ အနေအထားလည်းရှိတာပေါ့နော် အဲ့ဒါတွေလည်း တကယ်လို့ ပြည့်မှီတယ်ဆိုရင်တော့လည်း အခွင့်အရေးတစ်ခုရှိတာပေါ့နော် ရှမ်းလူမျိုးအတွက်။”
၂၀၁၀ ရွေးကောက်ပွဲမှာ ရန်ကုန်တိုင်းဒေသကြီအတွင်း ရှမ်းတိုင်းရင်းသားဦးရေဟာ နှစ်သောင်းနှစ်ထောင်ကျော်သာရှိခဲ့ပေမယ့် အခုအချိန်မှာတော့ လူဦးရေ တစ်သိန်းခွဲခန့် ရှိနေတယ်လို့ ဆိုပါတယ်။
ရှမ်းတိုင်းရင်းသားလူမျိုးတွေနဲ့အလားတူ မွန်တိုင်းရင်းသားတွေကလည်း သူတို့ရဲ့ မွန်တိုင်းရင်းသား လူဦးရေစာရင်းကောက်ယူဖို့အတွက် ပြင်ဆင်နေပြီးလို့ မြစ်မခ သတင်းအရသိရပါတယ်။
No comments:
Post a Comment