” သူတို့ကို အယူခံဝင်ခွင့်ပေးတဲ့ အတွက် ဒီလ ၁၀ ရက်နေ့မှာ ထောင်ချခံရတဲ့ မိသားစုဝင်တွေက ကျောက်ဖြူမြို့နယ် တရားရုံးမှာ အယူခံ ၀င်ကြမှာ ဖြစ်ပါတယ်” ဟု ကျောက်ဖြူ လူငယ်ကွန်ရက်မှ ကိုထွန်းလွှင်က ပြောသည်။
ကျောက်ဖြူမြို့နယ် မဒေးကျွန်းမှ ဒေသခံ ခေါင်းဆောင် ၁၀ ဦးကို စက်တင်္ဘာလ ၂၆ ရက်နေ့က ၎င်းမြို့နယ် တရားရုံးမှ ပုဒ်မ ၁၈ စီတန်းလှည့်လည်မူနှင့် ထောင် (၃) လ ချမှတ်ခဲ့သည်။
ထိုချမှတ်လိုက်ပြီးနောက် ဒေသခံ ပြည်သူ ၅၀၀ ခန့်က တရားရုံးရှေ့တွင် စုရုံးရောက်ရှိလာခဲ့ကြပြီး တရားရုံး၏ ဆုံးဖြတ်ချက်ကို ကန့်ကွက်ခဲ့ကြကာ သူတို့အား အမြန်ဆုံး ပြန်လွှတ်ပေးရန် တောင်းဆိုခဲ့ကြသည်။
၎င်းတို့၏ ခေါင်းဆောင် ၁၀ ဦး လွှတ်မြောက်ရေး အတွက် ဒေသခံများ တရားရုံးရှေ့တွင် စုရုံးပြီး ဆန္ဒပြတောင်းဆိုမူမှာ မြန်မာနိုင်ငံ လွှတ်လပ်ရေး ရရှိပြီးနောက် နှစ်ပေါင်း (၆၅) နှစ် အတွင်း ရခိုင်ပြည်နယ် အတွင်း ပထမဆုံး အကြိမ် ဖြစ်သည်ဟု သိရသည်။
သူတို့ ၁၀ ဦးသည် ယခုနှစ် ဧပြီလ ၁၈ ရက်နေ့က တရုတ်ကုမ္ပဏီ CNPC ကုမ္ပဏီရုံးရှေ့တွင် ခွင့်ပြုချက် မရဘဲ ပြုလုပ်ခဲ့သော လူပေါင်း ၅၀၀ ခန့် ပါဝင်ခဲ့သည့် ဆန္ဒပြပွဲကို ဦးဆောင်သည်ဟု စွပ်စွဲကာ ကျောက်ဖြူမြို့နယ် ရဲတပ်ဖွဲ့မှ တရားလိုလုပ်ပြီး တရားစွဲဆိုခဲ့ရာ ကျောက်ဖြူမြို့နယ် တရားရုံးက အမူကို လက်ခံခဲ့သည်။ စက်တင်္ဘာ ၂၆ ရက်နေ့တွင် သူတို့အား ထောင်ချ ခဲ့ခြင်း ဖြစ်သည်။
ဆန္ဒပြပွဲတွင် မဒေးကျွန်း ဒေသခံများသည် သူတို့ကျွန်းပေါ်တွင် ပြုလုပ်နေသော ရွှေသဘာဝ ဓါတ်ငွေ့ စီမံကိန်းကြောင့် သူတို့၏ ထိခိုက်နစ်နေမူများအား ဖြေရှင်းပေးရန် မြန်မာ အစိုးရနှင့် တရုတ်ကုမ္ပဏီ CNPC တို့ကို တောင်းဆိုခဲ့သည်။
တောင်းဆိုချက် (၉) ချက်တွင် သိမ်းဆည်းလယ်မြေများနှင့် ပျက်စီးလယ်မြေများအား နိုင်ငံတကာ စံနုန်းများနှင့် အညီ လျှော်ကြေးပေးရန်၊ ကျွန်းပေါ်ရှိ ကျေးရွာများအား လျှပ်စစ် မီးဖြန့်ဖြူးပေးရန်၊ ကျွန်းပတ်လည်တွင် ငါးဖမ်းခွင့်ရရန်၊ ကျေးရွာချင်းဆက် လမ်းများကို ဖေါက်လုပ်ပေးရန်၊ ကျွန်းပေါ်ရှိ ဒေသခံများကို အလုပ်ခန့်ရန်နှင့် လစာကို တရုတ် အလုပ်သမားများနည်းတူ ပေးရန် စသည့် အချက်တို့ကို တောင်းဆိုခဲ့ကြသည်။
မြန်မာ အာဏာပိုင်များသည် မဒေးကျွန်းသူ ကျွန်းသားများ၏ ရသင့် ရထိုက်သော အခွင့်အရေးများ တောင်းဆိုသည်ကို တစ်စုံတစ်ရာ လိုက်လျော့ ပေးခြင်း မရှိဘဲ ထောင်ချခဲ့သဖြင့် ယင်းလုပ်ရပ်ကို လူမူ အဖွဲ့အစည်းအများက ရှုတ်ချခဲ့သည်။
“ ဆန္ဒပြတုန်းကတော့ အယူခံဝင်ပါလို့ ပြောတဲ့ အတွက် ဆန္ဒပြပွဲကို ရပ်လိုက်တယ်။ အယူခံဝင်ရင် သူတို့ လွှတ်မလား၊ မလွှတ်ဘူးလားဆိုတာတော့ မပြောနိုင်သေးဘူး” ဟု ကိုထွန်းလွှင်က ပြောဆိုသွားသည်။
No comments:
Post a Comment