သျှမ်းပြည်မြောက်ပိုင်း လားရှိုးမြို့နယ်အတွင်းရှိ ကျေးရွာအုပ်စုများမှ တူမီး (ယမ်းထောင်း) သေနတ် ရှိသူများ ရဲစခန်းသို့ သွားရောက်အပ်နှံရန် လားရှိုး တိုင်းမှူးမှ ညွှန်ကြားထားကြောင်း စုံစမ်းသိရှိရ ပါသည်။
“လားရှိုးတိုင်းမှူးက တူမီးသေနတ်ရှိတဲ့လူအားလုံး ဒီဇင်ဘာ ၁၅ ရက်နောက်ဆုံးထားပြီး လားရှိုး ရဲစခန်းအမှတ် (၁) နဲ့ အမှတ်(၂)ဆီ သွားအပ်ခိုင်းတယ်” ဟု လားရှိုးဒေသခံတစ်ဦးက ပြောပါသည်။
ဒီဇင်ဘာ ၅ ရက် လားရှိုးတိုင်းမှူးဗိုလ်မှူးချုပ် အောင်ကျော်ဇော က လားရှိုးမြို့အရှေ့မြောက်ဘက်ရှိ ကျေးရွာအုပ်စုများ ဖြစ်ကြသော ဟိုပိတ်၊ မတ်ချိနူ၊ ဆွန်ကွယ်၊ ကောင်းတီး၊ ကုန်းဆာ၊ ဟိုနမ့်၊ မန့်ပိန်း၊ မိုင်းတိမ်၊ မိုင်းယန်းနှင့် မိုင်းပါးမှ တူမီးသေနတ်ရှိသူများ ရဲစခန်းသို့ သွားရောက် အပ်နှံရမည်ဟုဆိုသည်။
“တူမီးသေနတ်တွေ ရဲစခန်းဆီ သွားမအပ်ဘဲ သိုဝှက်သိမ်းဆည်းထားတာ ရှာတွေ့ရင် သက်ဆိုင်ရာက ပြစ်ဒဏ်ပေး မယ်လို့လဲ ညွှန်ကြားထားတယ်” ဟု လားရှိုးရောက် မတ်ချိနူဒေသခံတစ်ဦးက ပြောပါသည်။
ဘာ့ကြောင့် တူမီးသေနတ်များ အပ်နှံရမည်ဆိုသည့် အကြောင်းရင်းကို မသိရကြောင်း၊ ရှင်းလင်းချက်လည်း မပေး ကြောင်း၊ ပြည်သူအချို့က ရွေးကောက်ပွဲ၌ ကြံ့ဖွံ့ပါတီကို ထောက်ခံမဲမပေးခြင်းကြောင့်ဖြစ်နိုင်ကြောင်း၊ အချို့လည်း လုံခြုံရေးကြောင့် ယခုကဲ့သို့အမိန့်ထုတ်ခြင်းဖြစ်မည်ဟု ထင်ကြေးပေးနေကြကြောင်း ၎င်းကဆက်လက်ပြောပါသည်။
အလားတူပင် ကရင်နီပြည် ရှားတောမြို့ စုစည်းကျေးရွာမှ တူမီးသေနတ်ကိုင်ဆောင်ထားသော ရွာသားများ မြန်မာစစ် အစိုးရအာဏာပိုင်များထံ အခကြေးငွေ ၅၀၀ ကျပ်ပေးဆောင်၍ သေနတ်ကိုင်ဆောင်ခွင့်လက်မှတ်ပြုလုပ်ကြရသည် ဟု ကန္တာရ၀တီတိုင်း(မ်)မှ ရေးသာဖော်ပြထားသည်။
No comments:
Post a Comment