ခိုနူမ်းထုန်သတင်း၊
နိုဝင်ဘာ ၇ ရက်ရွေးကောက်ပွဲတွင် အရွေးကောက်ခံ ကြံ့ဖွံ့ကိုယ်စားလှယ်လောင်းများ မဲဆန္ဒရှင်များအပေါ် ပေး ထားသည့် ဂတိမ
တည်ခြင်းနှင့် ပါတ်သက်ပြီး ဒေသခံပြည်သူများ အင်မတန်စိတ်ပျက်နေကြသည်ဟု သိရသည်။
ချင်းပြည်နယ်မတူပီမြို့နယ်မှ ယူအက်စ်ဒီပီ ပြည်သူ့ကိုယ်စားလှယ်အဖြစ်အရွေးခံထားသည့် ဒေါက်တာရိုအုပ် သည် မိမိကို မဲပေးပါက
ရေပိုက်များပေးမည်ဆိုသည့် ဂတိကို ဖျောက်ဖျက်သွားသည်ဟု ဆတူးကျေးရွာမှ ဒေသခံ တဦးက ပြောသည်။
” သူ့ ဂတိအတိုင်း ကျတော်တို့ရပ်ရွာလူကြီးတွေ ဒီဇင်ဘာ ပထမပတ်ကသူ့ဆီသွားကြတာ၊ ခင်ဗျားတို့ အီး အဲန် ဒီပီ ကိုယ်စားလှယ် ပူးဗန်ကျင်ကို
သွားတောင်းကြလို့ ပြောလွှတ်လိုက်တယ်၊ စိတ်ပျက်စရာပဲ” ဟု အဆိုပါ ဒေသခံကပြော သည်။
ရွေးကောက်ပွဲတွင် ဆတူးကျေးရွာ၊ ပါမိုင်းကျေးရွာ၊ပါဆင်းရွာသစ်ပြည်သူများသည် ရေပိုက်ရရှိရေး အပေး အ ယူလုပ်ပြီး
ကြံ့ဖွံ့ကိုယ်စားလှယ်အား တရွာလုံးမဲပေးခဲ့ကြခြင်းဖြစ်ကြောင်း သိရသည်။
ရွေးကောက်ပွဲကာလတွင် မတူပီမြို့နယ် အတွင်း အမျိုးသားကိုယ်စားလှယ်အဖြစ် အီးအဲန်ဒီပီမှလည်းကောင်း၊ ပြည်သူ့ကိုယ်စားလှယ်အဖြစ်
ယူအက်စ်ဒီပီမှလည်းကောင်း မဲပေးကြရန် အပေးအယူလုပ်ထားကြခြင်းဖြစ်သည် ဟုပြောဆိုကြသည်။
သို့သော် အမျိုးသားကိုယ်စားလှယ်အဖြစ် စီပီပီမှ ရရှိသွားပြီးပြည်သူ့ကိုယ်စားလှယ်အဖြစ် ယူအက်စ်ဒီပီမှ ရရှိ သွားသည်။
“အတွေ့အကြုံတခုလိုပဲ ပြောရတော့မှာပေါ့၊ လွန်ကုန်ပီ” ဟု အီးအဲန်ဒီပီပါတီခေါင်းဆောင်တဦးကပြောသည်။
No comments:
Post a Comment