ကြားဖြတ် ရွေးကောက်ပွဲ တွင်သာ မက ၂၀၁၅ ရွေးကောက်ပွဲ တွင်ပါ တရား မျှတ ဖြောင့်မတ်စွာ လုပ်သွား မည်ဖြစ် ကြောင်း ကြားဖြတ် ရွေးကောက်ပွဲ ဝင်မည့် ပါတီ များအား ရွေးကောက်ပွဲ ကော်မရှင်က အစည်း အဝေး ခေါ်ယူကာ ရှင်းလင်း ပြောကြား သည်ဟု နေပြည် တော် သတင်း ရပ်ကွက်က ဆိုပါ သည်။
“ပါတီတိုင်းကိုခေါ်ပြီး အစည်းအဝေးခေါ်တယ်။ ကြားဖြတ်ရွေးကောက်ပွဲမှာ တရားမျှတမှုရှိအောင်လုပ်မယ်။ လာမယ့် ၂၀၁၅ မှာလဲ ထို့အတူဘဲ လို့ပြောတယ်။ မဲပေးပိုင်ခွင့်ရှိသူတွေရဲ့စာရင်းကိုလဲ မဲရုံမှာကပ်မယ်။ အမတ်လောင်းတွေကိုလဲ မဲပေး ပိုင်ခွင့်လူဦးရေစာရင်း တယောက်တစုံပေးမယ်တဲ့။ ၂၀၁၀ ရွေးကောက်ပွဲတုန်းက ကျနော်တို့အမတ်လောင်းတွေက တမျက်နှာ ၂၀၀ ကျပ်နဲ့ဝယ်ရတာကိုး။ မိတ္တူကူးခ ဆိုပြီးတော့လေ” ဟု အစည်းအဝေးတက်ရောက် သည့်လွှတ်တော် အမတ်တဦးက သျှမ်းသံတော်ဆင့်အားပြောပြသည်။
ယမန်နေ့ ဖေဖော်ဝါရီ ၁၄ မနက် ၁၀ နာရီမှ မွန်းလွဲ ၁ နာရီအထိ အစည်းအဝေးခေါ်ယူခြင်းဖြစ်ပြီး ပြည်ထောင်စုရွေး ကောက်ပွဲ ကော်မ ရှင်ဥက္ကဌ ဦးတင်အေးကိုယ်တိုင် ပြောကြားကြောင်း၊ မှတ်ပုံတင်ပြီးသည့်ပါတီတိုင်း ကိုယ်စားလှယ် ၂ ဦးစီ တက်ရောက်ရကြောင်း နေပြည် တော်ရောက် ပြည်သူ့လွှတ်တော် အမတ်တဦးက ပြောပြပါသည်။
“ ကြိုတင်မဲကိုလဲ ရှောင်လွှဲလို့မရမှသာလျှင် ယူရမယ်။ ကြိုတင်မဲပုံးကို ရွေးကောက်ပွဲကျင်းပနေစဉ် အချိန် အတွင်းမှာဘဲ ကြိုတင် မဲပုံး အပ်ရမယ်လို့ စည်းကမ်းထုတ်ထားတယ်။ ပထမတခေါက်တုန်းက ဆိုရင် ရွေးကောက်ပွဲပြီးမှ ရောက်လာတာရှိ တယ်။ ညကြီး မင်းကြီး ရောက်လာတာရှိတယ်။တရက် နှစ်ရက်ကြာမှရောက်လာတာတောင်ရှိသေးတယ်။ ခုတခေါက်တော့ အဲလိုမလုပ်ရဘူးတဲ့ ” ဟု ၎င်းက ဆို ပါသည်။
အစည်းအဝေးတက်ရောက်သူများမှာ ပါတီ၏ လွှတ်တော်အမတ်များ၊ ပါတီကိုယ်စားလှယ်များလည်း တက်ရောက်ကြောင်း၊ NLD မှ ဦး ဉာဏ်ဝင်း၊ မွန်ဒေသလုံးဆိုင်ရာပါတီမှ နိုင်ငွေသိန်းကိုလည်းတွေ့ရကြောင်း အမည်မဖော်လိုသည့်အဆိုပါ အစည်းအဝေး တက်ရောက် သူတဦးက ဆက်လက်ပြောပြသည်။
လာမည့် ဧပြီလ ၁ ရက်၌ ကျင်းပမည့် ကြားဖြတ်ရွေးကောက်ပွဲတွင် လစ်လပ်မဲဆန္ဒနယ် ၄၈ နေရာရှိပြီး ပြည်သူ့လွှတ်တော် ၄၀ နေရာ ၊ အမျိုးသား လွှတ် တော် ၆ နေရာ ၊ ပြည်နယ်နှင့်တိုင်းဒေသကြီးလွှတ်တော် ၂ နေရာ တွင် ပါတီ ၁၇ ခု ယှဉ်ပြိုင် ဖို့ ရှိကြောင်း သိရသည်။
No comments:
Post a Comment