ရှောင်တခင် တိုက်ပွဲကြောင့် နယ်မြေ ရှင်းလင်းမှု မလုပ်တော့ဟု တြိဂံတိုင်း ဂျီဝမ်းပြော

သျှမ်းသံတော်ဆင့်


ပြည်ထောင်စုအဆင့် ထပ်မံဆွေးနွေးသဘောတူ ညီချက် ရနိုင်သည့်အချိန်အထိ နယ်မြေရှင်းလင်းမှု ထပ်မလုပ် တော့ဟု တြိဂံတိုင်း ဦး စီးအရာရှိ ပထမတန်း ဂျီဝမ်းက ပြောကြားကြောင်း RCSS/SSA ကိုယ်စားလှယ်က ပြောပါသည်။

“ဟုတ်ပါတယ်။ မနေ့က ကျနော်တို့ ကျိုင်းတုံမှာရှိတဲ့ ကိုယ်စားလှယ်တချို့ တြိဂံ စစ်တိုင်းရုံးကိုသွားပြီး ပြော တယ်။ ပြည်ထောင်စုအဆင့် ထပ်မံဆွေးနွေးသဘောတူညီချက် ရတဲ့အချိန်ထိ နယ်မြေရှင်းလင်းရေးမလုပ်ဘဲ ရပ်ထားမယ်လို့ တြိဂံ တိုင်းဂျီဝမ်းကပြောတယ်။ အရင် တပတ်ထဲကဖြစ်တဲ့တိုက်ပွဲတွေက ရှောင်တခင် တိုက်ပွဲငယ်တွေပါ။ အစိုးရတပ်က နယ်မြေရှင်းလင်း ရေးလုပ် လို့ လေ ” - ကျိုင်းတုံရုံး RCSS/SSA ကိုယ်စားလှယ် ဗိုလ်မှူးကြီးအောင်မောင်း ကပြောပါသည်။

ဖေဖေါ်ဝါရီ ၉ ရက်နေ့ ကျိုင်းတုံမြို့ အခြေစိုက် RCSS/SSA ကိုယ်စားလှယ် ဗိုလ်မှူးကြီးအောင်မောင်း က သျှမ်းပြည်တပ်မတော် တောင် ပိုင်း တပ်ဖွဲ့ နှင့် သံလွင်အရှေ့ခြမ်းလှုပ်ရှားသည့် အစိုးရတပ်တို့အကြား ယခု လဆန်းပိုင်းအတွင်း တိုက်ပွဲ ၃-၄ ကြိမ်ထက် မနည်း ဖြစ် ပွားခဲ့သောကြောင့် ဖြေရှင်းပေးပါရန် တြိဂံတိုင်းရုံးသို့ သွား၍ တြိဂံတိုင်း ဦးစီးအရာရှိ ပထမတန်းဂျီဝမ်း ဒု ဗိုလ်မှူးကြီးခင်မောင်ထွေး နှင့် ဆွေးနွေးခဲ့ခြင်းဖြစ်ပါသည်။

သီးခြားအတည်ပြုနိုင်ခြင်းမရှိသေးသည့်သတင်းအရ - ရှောင်တခင်တိုက်ပွဲမဟုတ်ကြောင်း၊ အစိုးရတပ် အင် အား ၃-၄ ရင်းက စုပြီး မိုင်း ပြင်းမြို့နယ် မိုင်းပူးလုံကျေးရွာအုပ်စုဘက်ရှိ သျှမ်းပြည်တပ်မတော် စခန်း တခု အား သွားရောက်တိုက်ခိုက်ခြင်းဖြစ်ကြောင်း၊ သျှမ်းပြည် တပ်မတော်သားများ အခြေချရာ တောတွင်း ယာယီစခန်းငယ်တခုအား အစိုးရတပ်က ၆၀ မမ ဖြင့် အချက်ပေါင်း ၅၀ ကျော် ပစ်ခတ် သောကြောင့် နှစ်ဘက် ဆွေးနွေးညှိနှိုင်းနေချိန်ကိုအရေးထား၍ ရှောင်တိမ်းပေးလိုက်ရကြောင်း၊ အစိုးရတပ် ဘက် ၃ ယောက် ဒဏ်ရာ အပြင်းအထန် ရရှိသကဲ့သို့ သျှမ်းတပ်ဘက်ကလည်းသေနတ်တလက်ဆုံးရှုံးကြောင်း နီးစပ်သည့် ပုဂ္ဂိုလ်တဦးကပြောပါသည်။

နိုဝင်ဘာ တွေ့ဆုံဆွေးနွေးမှုနောက်ပိုင်း ကျိုင်းတုံအခြေစိုက် တြိဂံစစ်တိုင်းရုံးက မိုင်းပြင်း၊ ကျိုင်းတုံ၊ မိုင်းယောင်း၊ မိုင်းဖြတ် မြို့နယ် အ တွင်းရှိ သျှမ်းပြည်တပ်မတော်တောင်ပိုင်းတပ်ဖွဲ့အားလုံး ထိုင်းနယ်စပ် မယ့်မော့(လွယ်ကော်ဝမ်း) သို့ အားလုံးတပ်ရုပ်ပေးရန် ကြိမ်ဖန် များစွာ တောင်းဆိုခဲ့သည်။ နိုဝင်ဘာ ၁၉ ရက် အပစ်ရပ်စဲရေး သဘောတူညီချက်တွင် အပစ်မရပ်မှီ လှုပ်ရှားရောက်ရှိရာအရပ်မှာ လူထု နှင့်အတူ တပ်စခန်း ချ နေထိုင်ရန် သဘောတူညီမှု ရရှိထားပြီးဖြစ်သော ကြောင့် တပ်ရုပ်သိမ်းရေး ကိစ္စမဖြစ်နိုင် ကြောင်း RCSS က ပြောပါ သည်။

သျှမ်းပြည်တပ်မတော် ခေါင်းဆောင် ဒုတိယ ဗိုလ်ချုပ်ကြီးယွက်စစ် က - လူထုတရပ်လုံး စစ်ဘေးစစ်ဒဏ်မှ ကင်းဝေးပြီး နေထိုင်မှု ဘ၀ မြင့်တင်ရေးအတွက် အပစ်ရပ်ခြင်းဖြစ်ကြောင်း၊ သို့သော် အစိုးရတပ်က လူထု အခြေခံအခွင့်အရေးနှင့် အသက် အိုးအိမ် စည်းဇိမ်အား ထိပါးက ပြန်လည်ခုခံတိုက်ရန် အချိန်ဆိုင်းတွ မည် မဟုတ်ကြောင်း ၆၅ နှစ်မြောက် သျှမ်းပြည်နယ်နေ့(သျှမ်းပြည်အမျိုးသားနေ့)၌ ပြော ကြားပါသည်။