ငြိမ်းချမ်းရေး မရမီ ဖွံ့ဖြိုးရေး လုပ်ငန်းများ မစ သင့်ကြောင်း KNU ပြော

ဂျူရီချိုင်း


အစိုးရနှင့် ကေအဲန်ယူ ငြိမ်းချမ်းရေး မရ သေးမီ ထိုင်း - မြန်မာ နယ်စပ် မြဝတီမြို့တွင်(စက်မှုဇုန်၊ ကားလမ်း) ဖွံ့ဖြိုးရေး လုပ်ငန်းများ စ တင် ဆောက်လုပ်ရန် စောသေး သည်ဟု ကရင် အမျိုးသား အစည်း အရုံး KNU က ပြောကြား လိုက်သည်။

လက်ရှိတွင် အစိုးရနှင့် KNU ပဏာမ အားဖြင့် အပစ် အခတ် ရပ်စဲရေး သဘောတူ ထားသော်လည်း ငြိမ်းချမ်းရေး အဆင့် မရောက်သေး သည့် အတွက် စက်မှုဇုန်၊ လမ်းသစ် ဖောက်လုပ်ရေး ကိစ္စများ ဆောင်ရွက်ရန် အချိန် စောသေး ကြောင်း၊ အစိုးရ ဘက်မှ ကေအဲန်ယူနှင့် ဒေသခံပြည်သူ လူထု များနှင့် တိုင်ပင် ဆွေးနွေး သွားဖို့ လိုအပ်ကြောင်း KNU အထွေထွေ အတွင်း ရေးမှူး နော်စီဖိုးရာစိန်က ပြောသည်။

၎င်းက “ငြိမ်းချမ်းရေး မရသေး တဲ့အ ချိန်မှာ ဒီဖွံ့ဖြိုး ရေးလုပ်ငန်း လုပ်ဖို့ ပြည်သူ လူထုတွေ (နဲ့) မတိုင်ပင် ဘဲနဲ့ ကျမတို့ လက်မ ခံဘူး” ဟု ဆိုသည်။

စီမံကိန်းတည်ဆောက်မည့် (မြဝတီစက်မှုဇုန်၊ မြဝတီ-ကော့ကရိတ်လမ်း) နေရာများသည် KNU လှုပ်ရှားရာနယ်မြေများ ဖြစ်သည်။

ယခုလ ၁၂ ရက်နေ့တွင် မြန်မာအစိုးရနှင့် ကရင်အမျိုးသားအစည်းအရုံး KNU တို့အကြား နှစ်ဘက် အပစ်အခတ်ရပ်စဲရေးအတွက် သ ဘော တူလက်မှတ်ရေးထိုးခဲ့ကြသည်။

ငြိမ်းချမ်းရေး မရခင် လမ်းဖောက်ပါက ထိုင်းနိုင်ငံမှ တင်သွင်းလာသည့် ပစ္စည်းများကို အစိုးရက စစ်ရေးကိစ္စအနေနှင့်အသုံးပြု နိုင်သည့် အလားအလာရှိကြောင်း၊ ပြည်သူလူထုအနေဖြင့် အကောက်ခွန်များ ထပ်ဆင့်ပေးနေရသည့်အတွက် ပြည်သူအပေါ် အကျိုး မရှိကြောင်း လည်း နော်စီဖိုးရာစိန်က ပြောသည်။

စက်မှုဇုန်၊ ကားလမ်းသစ်ဖောက်လုပ်မှုနှင့် ပတ်သက်၍ မြန်မာနှင့်ထိုင်း နှစ်ဘက်တာဝန်ရှိသူများက KNU ထံ ယနေ့အထိ ဆက်သွယ် အကြောင်းကြားခြင်း မရှိကြောင်းလည်း KNU က ပြောသည်။

မြဝတီ အထူးစီးပွားရေးဇုန် တည်ဆောက်မည့်ကိစ္စကို နယ်စပ်မှစီးပွားရေးသမားများနှင့် ထိုင်းဘက်က စီးပွားရေးလုပ်ငန်းရှင်များ အထူး စိတ်ဝင်စားနေကြသည်ဟု မြဝတီမြို့ခံ စီးပွားရေးလုပ်ငန်းရှင် ဦးနိုင်က ပြောသည်။

“ဒီလမ်းသစ်ဖောက်သွားလို့ရှိရင် ကုန်တင်ယာဉ်တွေအတွက် တောင်တက်စရာမလိုပဲ ပိုမိုလွယ် ကူသွားမယ်” ဟု အထက်ပါ ဦးနိုင်က ပြောသည်။

၄၅ ကီလိုမီတာ ရှည်လျားသည့် မြဝတီ-ကော့ကရိတ် မြေပြန့်အဝေးပြေးလမ်းအား ၂၀၁၂ နှစ်ဆန်းပိုင်းမှ ၂၀၁၄ ဧပြီလအထိ ၂ နှစ်အ တွင်း အပြီး ဖေါက်လုပ်သွားမည်ဟု အစိုးရဘက်မှ စီစဉ်ထားသည်။ မြန်မာ-ထိုင်း နှစ်နိုင်ငံ ကိုယ်စားလှယ်များ မဲဆောက်မြို့တွင် ပြီးခဲ့ သည့် ၂၆ ရက်နေ့က တွေ့ဆုံဆွေးနွေးခဲ့ကြရာတွင် မြန်မာကိုယ်စားလှယ် အဖွဲ့ခေါင်းဆောင် ဆောက်လုပ်ရေး ဝန်ကြီးဌာနမှ ဦးဝင်းတင့် က မြဝတီ-ကော့ကရိတ်လမ်းအား ၂ နှစ်အတွင်း ဆောက်လုပ်သွားမည်ဟု ပြောကြားကြောင်းလည်း ဘီဘီစီ မြန်မာပိုင်းသတင်း တပုဒ် တွင် ဖော်ပြထားသည်။

အဆိုပါလမ်းကို ထိုင်းနိုင်ငံမှ ဘတ်သန်း ၁၁၄၀ အကုန်အကျခံကာ ထိုင်းနိုင်ငံလမ်းများ၏ စံချိန်အတိုင်း ဖေါက်သွားမည်ဖြစ်သည်။

အထက်ပါ အစည်းအဝေးပွဲတွင် မြဝတီ-ကော့ကရိတ် ကားလမ်းဖောက်လုပ်သည့်အပြင် ထိုင်း-မြန်မာ စီးပွားရေးဇုံအတွက် လိုအပ်သည့် ချစ်ကြည်ရေး တံတားသစ် ဆောက်လုပ်ရေးကိစ္စပါ ဆွေးနွေးခဲ့ကြသည်ဟု သိရသည်။