ဧရာဝတီ
ဂျပန်နိုင်ငံသို့ ၂၈ နှစ်တာအတွင်း ပထမဆုံးအကြိမ် မြန်မာ အဆင့်အမြင့်ဆုံး နိုင်ငံခေါင်းဆောင် တယောက်၏ ၅ ရက်ကြာ ခရီးစဉ်အဖြစ် သမ္မတ ဦးသိန်းစိန် ရောက်ရှိနေသည်။ဤခရီးစဉ်သည် ပြုပြင် ပြောင်း လဲမှုများ စလုပ်နေသည့် နေပြည်တော် အစိုးရ၏ နိုင်ငံတကာ ဆက် ဆံရေးနှင့် နိုင်ငံ့ဖွံ့ဖြိုးရေးအတွက် အရေးပါသောခရီးစဉ် ဖြစ်သည်။
ထိုင်း၊ ကမ္ဘောဒီးယား၊ လာအို၊ ဗီယက်နမ်တို့ တက်ရောက်သည့် ဂျပန်နှင့် မဟာမဲခေါင်နိုင်ငံများ၏ ထိပ်သီးအစည်းအဝေးကို သမ္မတ ဦး သိန်းစိန် တက်ရောက်ရင်း ဂျပန်ဝန်ကြီးချုပ် ယိုရှီဟီကို နိုဒနှင့် တွေ့ဆုံမည်ဖြစ်သည်။ ဂျပန်ဝန်ကြီးချုပ်နှင့် ဆွေးနွေးမည့် အဓိက ကိစ္စများ တွင် မြန်မာက ဂျပန်အပေါ် ပေးရန်ရှိနေသည့် အကြွေးများ လျော်ပစ်ရေးနှင့် မြန်မာ့ဖွံ့ဖြိုးရေးအတွက် ဂျပန်ထံမှ နေက်ထပ် ချေးငွေ အ ကူအညီများ ရရှိ ရေးတို့ ပါဝင်သည်။
ဂျပန်နိုင်ငံက မြန်မာနိုင်ငံကို ၁၉၆၇ ခုနှစ်မှ ၁၉၈၇ ခုနှစ်အတွင်း ယန်းငွေ ၄၀၃ ဘီလီယံ (အမေရိကန် ဒေါ်လာ ၄.၉ ဘီလီယံ) ထုတ်ချေး ခဲ့ကြောင်း ဂျပန်နိုင်ငံခြားရေး ဝန်ကြီးဌာန၏ အဆိုအရ သိရသည်။ ဂျ ပန်သတင်းစာတစောင်ဖြစ်သော အဆာဟိရှင်ဘွန်း၏ အဆို အရ ယန်း ၃၀၀ ဘီလီယံ (အမေရိကန် ဒေါ်လာ ၃.၇ ဘီလီယံ) ခန့်ကို ဂျပန်အစိုးရက လျော်ပစ်ဖွယ်ရှိကြောင်း ရေးသား ထားသော်လည်း ဂျပန် အစိုးရ အရာရှိ များကမူ မှတ်ချက် တစုံတရာ မပေး သေးပေ။ သို့သော် ဂျပန် အစိုးရ အနေဖြင့် သမိုင်းကြောင်း အရ၊ ပထဝီ နိုင်ငံရေး အရ အရေး ပါသော မြန်မာနှင့် ဆက်ဆံ ရေးကို ပြန်ကောင်းအောင် လုပ်ဆောင် မည်ဟု ယူဆ ရသည်။
မြန်မာနိုင်ငံတွင် ၁၉၈၈ သွေးချောင်းစီး သတ်ဖြတ်မှု၊ ၂၀၀၃ ခုနှစ် ဒီပဲယင်း အကြမ်းဖက်လုပ်ကြံမှုများ ဖြစ်ပေါ်ပြီးနောက် ဂျပန်က အကူ အညီ အထောက်အပံ့ အများစုကို ရပ်ဆိုင်းခဲ့သည်။ ၂၀၀၇ ရွှေဝါရောင် တော်လှန်ရေးတွင်လည်း ဂျပန် ဓာတ်ပုံသတင်းထောက် ခန်ဂျိနာ ဂအိ ရန်ကုန်မြို့တွင် သေနတ်ကျည်ဆန် ထိမှန်သေဆုံးခဲ့သဖြင့် ဂျပန်-မြန်မာ ဆက်ဆံရေး ခပ်တန်းတန်းဖြစ်ခဲ့သေးသည်။ သို့သော် ဂျပန် သည် မြန်မာနှင့် ဆက်နွယ်ပတ်သက်မှုများ နက်နက်ရှိုင်းရှိုင်း ရှိခဲ့သည်။
ဗိုလ်ချုပ်အောင်ဆန်း ဦးဆောင်သော ရဲဘော်သုံးကျိပ်သည် ဒုတိယကမ္ဘာစစ်အတွင်း ဂျပန်တွင် စစ်ပညာသင်ခဲ့ကြပြီး မြန်မာ့ တပ်မ တော်သည် ဂျပန် တည်ထောင် ပေးခဲ့သည့် တပ်မတော် တခု ဖြစ်သည်။ ဦးနု အစိုးရ လက်ထက်၊ ဦးနေဝင်း အစိုးရ လက်ထက် များတွင် လည်း ဂျပန်သည် စစ်လျော်ကြေး အဖြစ် လမ်းပမ်း ဆက်သွယ်ရေး၊ ဖွံ့ဖြိုးရေး အခြေခံအဆောက်အအုံများအတွက် ချေးငွေများ ပေးခဲ့ သည်။ ဂျပန် နိုင် ငံသည် မြန်မာနိုင်ငံသို့ အများဆုံး ထောက်ပံ့ပေးခဲ့သည့် အလှူရှင်နိုင်ငံလည်း ဖြစ်သည်။
ဂျပန်နိုင်ငံသည် ဒေါ်အောင်ဆန်းစုကြည်နှင့်လည်း ခင်မင်နွေးထွေးသော ဆက်ဆံရေးရှိသည်။ ဒေါ်အောင်ဆန်းစုကြည် နေအိမ် အကျယ် ချုပ်မှ လွတ်မြောက်၍ အမျိုးသား ဒီမိုကရေစီ အဖွဲ့ချုပ် (NLD) သည် ကြားဖြတ် ရွေးကောက် ပွဲကို ဝင်ပြိုင် ခဲ့ပြီး ယခု အခါ လွှတ်တော်ထဲ ရောက်မည့် အခြေ အနေ ရောက်ရှိ ခဲ့သဖြင့် သမ္မတ ဦးသိန်းစိန်အစိုးရ အပေါ် ဂျပန်နိုင်ငံ အနေနှင့် ပြန်လည် မျက်နှာသာ ပေးမှုများ ရှိမည်မှာ သေချာ ပေသည်။
တရုတ်၊ အိန္ဒိယ၊ တောင်ကိုရီးယားတို့နှင့် ချိန်ခွင်လျှာ မျှရေး၊ စီးပွားရေးသြဇာ ထိန်းညှိရေးတို့အတွက် ပထဝီနိုင်ငံရေးအရ၊ စီပွားရေးအရ မဟာဗျူဟာကျသည့် မြန်မာနှင့် ဆက်ဆံရေးကောင်းရန် ဂျပန် အ တွက် လိုအပ်နေသကဲ့သို့ မြန်မာဘက်ကလည်း စီးပွားရေး ပြန်လည် ထူထောင်ရန် ဂျပန်ကို လိုအပ် လျက်ရှိ သည်။
အကြွေးများ လျော်ပစ်ရေး၊ ချေးငွေများ ပြန်ရရေး၊ ဂျပန်၏ ပြည်ပဖွံ့ဖြိုးမှု အကူအညီ (ODA) များ ပြန်ရရေးတို့သာမက ဂျပန်၏ ရင်းနှီး မြှုပ်နှံ မည့် အလား အလာနှင့် နည်းပညာ များကလည်း မြန်မာအတွက် စွဲမက် စရာ ဖြစ်သည်။
ဂျပန်အစိုးရသာမက ဂျပန် ကုမ္ပဏီများကလည်း မြန်မာ့ဈေးကွက်ကို မျက်စိကျလျက်ရှိသည်။ ဟွန်ဒါဆိုင်ကယ်စက်ရုံကို မြန်မာပြည်တွင် လာဆောက်မည့် အလားအလာရှိကြောင်း သိရသည်။ သတင်းများ အရ စီးပွားရေး သမား များပါ ပါဝင်သည့်သမ္မတဦးသိန်းစိန်ကိုယ် စားလှယ်အဖွဲ့သည် တိုကျို လျှပ်စစ် ကုမ္ပဏီ ကဲ့သို့သော ကုမ္ပဏီ များနှင့်လည်း တွေ့ဆုံ ဆွေးနွေး ရန်ရှိ သည်။
၂၀၁၅ တွင် မြန်မာစတော့ ဈေးကွက်တခု လည်ပတ်နိုင်ရေးအတွက် ဂျပန် တိုကျို စတော့အိပ်ချိန်း (TSE)၊ ဒါအိဝ စတော့ လုံခြုံရေးဆိုင် ရာ သုတေ သနအဖွဲ့ (Daiwa Institute of Research – DIR) တို့နှင့် မြန်မာ နိုင်ငံ ဗဟို ဘဏ်တို့ ပူးပေါင်း လုပ်ဆောင် ကြရန် ယခုလ ထဲတွင် သဘောတူ ခဲ့ကြ သေးသည်။
ဂျပန် လေကြောင်း လိုင်းတခု ဖြစ်သော All Nippon Airways (ANA) ကလည်း ၁၂ နှစ်ကြာ ရပ်ဆိုင်း ထားသော မြန်မာ နိုင်ငံ ခရီး စဉ်များ ကို ပြန်လည် ပြေးဆွဲ မည် ဖြစ်သည်။
မြန်မာက ပေးစရာရှိသော အကြွေးများ ကြေလျှင် လျှပ်စစ်စွမ်းအင်၊ ဆက်သွယ်ရေးနှင့် တခြား ဖွံ့ဖြိုးရေး လိုအပ်ချက်များအတွက် ဂျပန်က ငွေကြေးအထောက်အပံ့များ ပြန်ပေးရန်ရှိကြောင်း ဂျပန် အရာ ရှိ များက ပြောထားသည်။ ထို့အပြင် မြန်မာအစိုးရ အရာရှိငယ်များကို ဘဏ္ဍာရေး၊ စက်မှုလက်မှု၊ စိုက်ပျိုးရေးကဏ္ဍတို့အတွက် ယန်း သန်း ၂၅၀ ခန့် အကုန်အကျခံပြီး ဂျပန်သို့ ခေါ်ယူကာ သင်တန်းများ ပေး မည်ဟု လည်း သိရသည်။
ဂျပန်-မြန်မာ ဆက်ဆံရေး မျက်နှာစာသစ်မှ ထွက်ပေါ်လာမည့် ထိုအခွင့်အရေးများ လက်မလွတ်စေရေးသည် သမ္မတ ဦးသိန်းစိန်၏ သံတ မန်ရေးရာ ကျွမ်းကျင်မှု၊ စီမံခန့်ခွဲနိုင်မှုများအပေါ် မူတည်နေပြီး ရ လဒ် ကို မကြာမီရက်ပိုင်းအတွင်း သတင်းကောင်း ကြားရနိုင်ကြောင်း သုံးသပ် တင်ပြ အပ်ပါသည်။
No comments:
Post a Comment