၎င်းပါတီပေါင်းစည်းနိုင်ရေးအတွက် ယမန်နေ့ မွန်းလွဲပိုင်း ၁ နာရီမှစ၍ ညနေ ၄ နာရီအထိ မွန်ပြည်နယ်၊ မော်လမြိုင်မြို့ပေါ် သာသနာ -၂၅၀၀ ဘုန်းတော်ကြီးကျောင်းတွင် အစည်းအဝေးပွဲတစ်ရပ် ကျင်းပ ပြုလုပ်ခဲ့ခြင်း ဖြစ်သည်။
အစည်းအဝေးတွင် နှစ်ဖက်ပါတီခေါင်းဆောင်များ၊ မွန်ပြည်သစ် ပါတီ ကိုယ်စား လှယ်များ၊ သံဃာတော် များနှင့် စိတ်ဝင် စားသူ ပရိသာတ် ပေါင်း ၂၀၀ ခန့် တက်ရောက် ခဲ့ကြ သည်ဟု အစည်း အဝေး ပွဲဖြစ် မြောက်ရေး ဦးဆောင်သူ မွန် ဆရာတော် ခေမာနန္ဒက မိန့်သည်။
၎င်းက “တစ်ပါတီပူးပေါင်းဖို့အတွက် နှစ်ဦးနှစ်ဖက် မနေ့ကသဘောတူလိုက်ပါပြီ” ဟု ပြောသည်။
သဘောတူခဲ့ညီသည့်အချက်များမှာ (၁) မွန်အမျိုးသားဒီမိုကရေစီပါတီနှင့် မွန်ဒေသလုံးဆိုင်ရာ ဒီမိုကရေစီပါတီတို့ တစ်ပါတီ အဖြစ် ပူးပေါင်း ရန် (၂) ၂၀၁၄ ခုနှစ် ဒီဇင်ဘာ လကို နောက်ဆုံး ထား၍ နှစ်ပါ တီကို တစ်ပါတီ အဖြစ် ပူးပေါင်း သွားရန် (၃) နှစ်ပါတီ အစည်း အဝေးပွဲကို တစ်လ တစ်ကြိမ် မွန်မြန်မာ လကုန်ရက် (ဥပုဒ်နေ့) တိုင်းတွင် သံဃာ တော်တို့ ဖိတ်ခေါ် မည့်နေရာ တွင်ပြု လုပ်ရန် (၄) ပါတီ နာမည် အသစ်ဖြင့် ပူးပေါင်း ဖွဲ့စည်း သွားရန်တို့ဖြင့် နှစ်ဖက် ပါတီ ခေါင်းဆောင်တို့ သဘောတူ လက်မှတ် ရေးထိုး ကြခြင်း ဖြစ်သည်။
မွန်ဒေသလုံးဆိုင်ရာဒီမိုကရေစီပါတီ ဥက္ကဌနိုင်ငွေသိန်းက “မွန်နှစ်ပါတီက ၂၀၁၄ ခုနှစ် ဒီဇင်ဘာလကျမှ ပေါင်းကြမယ်ဆိုတော့၂၀၁၅ခုနှစ် ရွေးကောက်ပွဲအတွက် နောက်ကျမှာကို ကျနော်စိုးရိမ်မိတယ်” ဟု ပြောသည်။
“ရည်ရွယ်ချက်ကတော့နှစ်ပါတီပေါင်းစည်းဖို့ အစည်းအဝေးပုံစံနဲ့ ခေါ်တာပါဘဲ၊ နောက် ဟိုရောက်တာအခါကျတော့ ပါတီတစ်ခုကနေ တစ် ခြားတစ်ပါတီတစ်ခုကို ဝင်တဲ့ပုံစံလိုဖြစ်သွားတယ်၊ ဒါလဲဘဲ အသစ် အဆန်းမဟုတ်ပါဘူး ဒီသုံးလကျော် ဆွေးနွေးတဲ့ကာလမှာလဲ သူတို့ဘက်(AMDP)က ဒီအတိုင်းပဲရပ်တည်ခဲ့တယ်” ဟု မွန်အမျိုးသားဒီမိုကရေစီအဖွဲ့မှ အတွင်းရေးမှူး ဒေါက်တာမင်းစိုးလင်းက ပြောသည်။
ထို့ကြောင့် မွန်အမျိုးသားဒီမိုကရေစီအဖွဲ့အနေဖြင့် မွန်ဒီမိုကရေစီပါတီ(Mon Democratic Party) ပါတီမှတ်ပုံတင်ရန် စီစဉ်နေသည်ဟု ဒေါက်တာမင်းစိုးလင်းက ပြောသည်။
နှစ်ပါတီပေါင်းစည်းနိုင်ရေးအတွက် ဇန်နဝါရီလ ၂၂ ရက်နေ့တွင် မွန်ဆရာတော်များချမှတ်ခဲ့သည့် မူသုံးရပ်ရှိကြောင်း ၎င်းတို့မှာ ကြားနာ မည်တစ်ခု အသုံးပြုရမည်၊ မွန်တစ်ပါတီတည်းဖြစ်ရမည်၊ အမြန်ဆုံး ပေါင်းစည်း ရမည် ဖြစ်သည်။
No comments:
Post a Comment