ယခု စစ်ဆေးနေသော ပုဇွန်ကန်များနှင့် လယ်ယာမြေများမှာအနောက်ပိုင်းတိုင်းကမြေ လွှတ် မြေရိုင်းများဟု ဆိုကာ လယ်သမားများထံ မှ သိမ်းယူထားသော မြေများ ဖြစ် ကြ သည်။
အနောက်ပိုင်းတိုင်း စစ်ဌာနချုပ်က မြေလွှတ်မြေရိုင်းများဟု ဆိုကာ သိမ်းယူထားသော မြေဧကစုစုပေါင်း ဧက ၇၄၀ သာဖြစ်သော်လည်း အောက်ခြေ တပ်အရာရှိများက (၂) ဆခန့် ပိုပြီး သိမ်းယူကာ စီးပွားရေး သမားများကို နှစ်စဉ် ဌားစားနေသဖြင့် အဆိုပါ မြေနှင့် ပတ် သက် ပြီးစစ်တပ်နှင့်လယ်သမားများ အကြား တွင် ပြဿနာ ပေါ်ပေါက်နေသည်။
“ သိမ်းထားတာက ဧက ၁၈၀၀ ကျော်တယ်။ အခု ကြားတာက စစ်တပ်က သိမ်းထားတဲ့ မြေဧက ၇၄၀ ကို တိုင်းတာပြီး စစ်တပ် အတွက်ချန် ထားမယ်။ ကျန်တဲ့ မြေတွေကို အနီးအနား ကျေးရွာတွေက လယ်သမား တွေကို ပြန်လည် ခွဲဝေပေးမယ်လို့ သတင်း ရတယ်။ ဒါပေမယ့်လက် တွေ့မှာ ခွဲဝေ ပေးတာတော့ မရှိသေးပါဘူး” ဟု ရတပပါတီ မြို့နယ် ဥက္ကဌ ဦးလှမြင့်က ပြောသည်။
အဆိုပါ လယ်မြေဧက ၁၈၀၀ ကို အနောက်ပိုင်းတိုင်းမှ သိမ်းယူထားသည်မှာ ၁၉၉၄ ခုနှစ်ကတည်းက ဖြစ်ပြီး ပိုင်ဆိုင်သူများမှာ ပေါင်း ဇား၊ နေ ပူခံ၊ ကျွန်းချောင်းနှင့် ပိုးရီပြင် ကျေးရွာများမှ လယ်သမားများ ဖြစ်ကြသည်။
“ ပြည်နယ် လွှတ်တော်မှာ ပေါင်းဇားက လယ်မြေတွေနဲ့ ပုဇွန်ကန်တွေ ကိစ္စ ကျွန်တော်တို့ တင်ပြ တော့ ဇန္န၀ါရီလ ၄ ရက်နေ့မှာ နောက်ဆုံး ထားပြီး စစ်ဆေးပေးမယ်လို့ ပြောတယ်။ ဒါပေမယ့် အခုမှ စစ်ဆေးတယ်။ အဲဒီမှာ လယ်ဧက ၁၈၀၀ အသိမ်းခံထားရတယ်။ စာရင်းအရ စစ် တပ်က သိမ်းထားတာ ဧက ၇၄၀ ဘဲရှိတယ်။ ဒါကြောင့် ပိုနေတဲ့ မြေတွေကို လယ်သမား တွေကို ပြန်ပေးဖို့ အဆိုတင်ထားတယ်။ ဒီအဆို အ ရ လယ်သမားတွေကို ပိုနေတဲ့ မြေတွေကို ပြန်ပေးမယ်လို့ ဆိုတယ်” ဟု ရသေ့တောင် ပြည်နယ် လွှတ်တော် ကိုယ်စားလှယ် ဦးလှမောင်သိန်း က ပြောသည်။
စာရင်းအရ စစ်တပ်က သိမ်းထားသည်မှာ ၇၄၀ သာ ဖြစ်သော်လည်း လယ်မြေဧက ၁၈၀၀ ထိ တိုးချဲ့ သိမ်းယူထားသဖြင့် မကျေနပ် သော လယ်သမားများက ယမန်နှစ် မိုးရာသီက အဆိုပါ မြေများတွင် လယ်တက်ရောက် ထွန်ယက် စိုက်ပျိုးရာ စစ်တပ်ထံမှ အဆိုပါ မြေ များကိုလေ လံဆွဲ လုပ်ကိုင်နေသူ ရသေ့တောင်မြို့မှ စီးပွားရေး သမား ဦးစောအောင်သိန်းက လယ်သမား ၂၆ ဦးကို ပိုင်နက်ကျူးလွန်မူ၊ သူတပါးပိုင် မြေကို ဖျက်ဆီးမူ စသည့် စွဲချက် အများအပြားဖြင့် တရားစွဲဆိုခဲ့သည်။
“ အမူက အခုအချိန် မပြတ်သေးဘူး။ လယ်သမားတွေ ရုံးတက်နေရတုန်း ဖြစ်တယ်။ အမူကို ပြည် နယ်က လွှဲပြောင်းပြီး ယူသွားခဲ့တယ်။ အခု ကြားတာက မြို့နယ်ကို ပြန်ချပေးတယ်လို့ ကြားတယ်။ လယ်သမားတွေ ကတော့ အလုပ် ပျက် အကိုင်ပျက် ဖြစ်ပြီး ရုံးတက်နေရပါတယ်” ဟု ဦးလှမြင့်က ပြောသည်။
အဆိုပါ မြေများကို ၂၀၁၃-၂၀၁၄ ဘဏ္ဍာရေးနှစ်အတွက် စစ်တပ်က ကျပ် သိန်း (၆၀) ဖြင့် ဦးစောအောင်သိန်းအား ယခု တဖန် လေလံ ပေး လိုက်ပြီ ဖြစ်ကြောင်း သိရသည်။
မူရင်း ပိုင်ရှင် လယ်သမားများမှ အဆိုပါ မြေများကို သိန်း (၆၀) ပေး၍ စစ်တပ်ထံမှ လေလံဆွဲ ယူလိုသော်လည်း စစ်တပ် အရာရှိများက လယ် သမားများ အနေဖြင့် ဆင်းရဲသဖြင့် ငွေပေးနိုင်မည် မဟုတ်ဟုဆိုကာ လေလံ ပေးရန် တောင်းဆိုမူကို ပယ်ချခဲ့သည်ဟု သိရသည်။
No comments:
Post a Comment