ဇန္န၀ါရီလ ၉ ရက်နေ့ နံနက် ၈ နာရီ ကျော်တွင် စစ်တွေမြို့ လောကာနန္ဒာစေတီတော် အရှေ့ဘက် စောင်းတန်း အနီးရှိ သစ်ပင်ပေါ်တွင် ပထမ လာနားခဲ့သည်ဟု ဆိုသည်။
လောကာနန္ဒာစေတီမှာ စစ်တွေမြို့တွင် အကြီးဆုံး စေတီ ပုထိုးတော် ဖြစ်ပြီး န၀တ၊ နအဖ စစ်အာဏာရှင်များ တည်ထားခဲ့သော စေတီ ဖြစ်သဖြင့် ပြည်သူများ အကြားတွင် အမျိုးမျိုး ဝေဖန်မူ ရှိနေသော စေတီဖြစ်သည်။ ယခုနှစ်ဆန်းပင်တွင် အဆိုပါ စေတီတွင် လင်းတ လာနား သဖြင့် လူအများက နမ်ိတ်မကောင်းဟု ပြောဆိုနေကြသည်ဟု သိရ သည်။
အဆိုပါ လင်းတသည် လူများ ၀ိုင်းအုံကြည့်ရှု့စဉ် ကောင်းကင်ပေါ်သို့ ပျံတက်သွားပြီး စစ်တွေမြို့ မိုက်ကရိုဝေ့ တိုင်ကြီးတွင် ဆက် လက် နားသည်ဟု မျက်မြင်များက ပြော သည်။
ယခုကဲ့သို့ စစ်တွေမြို့တွင် လင်းတ လာနားသည်မှာ မကြုံဖူးသဖြင့် ကိုယ်တိုင် မြင် တွေ့လိုက်သူ ဆက်သွယ်ရုံးဝင်း တာဝန်ကျနေသူ ဦးလှမောင်သာက ယခုလို ပြော သည်။
“ ကျွန်တော်က ဒီလို ငှက်မျိုးကို တီဗီတွေထဲမှာဘဲ မြင်ဖူးတာ။ ကိုယ်တိုင်မြင်ရတော့ အံ့သြသလို စိတ်ထဲမှာ နမိတ် မကောင်းသလိုလည်း ခံစား ရမိပါတယ်။ ရခိုင်ပြည်မှာ ဘေးအန္တရာယ်တွေ မကျရောက်ပါနဲ့လို့ဘဲ ဆုတောင်း ပါ တယ်” ဟု ဆိုသည်။
လွန်ခဲ့သော အပတ်ကလည်း ရန်ကုန် ရွှေတိဂုံစေတီတော်တွင် လင်းတငှက်များ လာနားသဖြင့် ပြည်သူများ အကြားတွင်အမျိုးမျိုးဝေဖန် ပြော ဆိုမူများ ထွက်ပေါ်ခဲ့သည်။
No comments:
Post a Comment