TSYO ဗဟိုအလုပ်မှုဆောင် ကော်မတီဝင် မိုင်ပန်လှက “အစိုးရရဲ့လုပ်တဲ့ ငြိမ်းချမ်း ရေး အစက ထင် သာမြင်သာရှိခဲ့ပေမယ့် အခုကချင်ကို အပြင်းအထန်ထိုးစစ်ဆင် မှုတွေကို ကြည့်ခြင်းအားဖြင့် ဒါကဘယ်လိုမှ စစ်မှန်တဲ့ ငြိမ်းချမ်းရေး ကို ဖြစ်လာ နိုင်မှာ မဟုတ်ဘူး။ တနိုင်ငံလုံး အတိုင်းအတာ ငြိမ်းချမ်းမှုနဲ့ တနိုင်ငံလုံးအတိုင်းအ တာ အပစ်အခတ်ရပ်မှသာ စစ်မှန်တဲ့ငြိမ်းချမ်း ရေးကိုဦးတည်နိုင်မှာဖြစ်တယ်” ဟု ကေ အိုင်စီသို့ ပြောသည်။
ကချင်ဒေသအား လေယာဉ်အသုံးပြု၍ အစိုးရစစ်တပ်၏ အပြင်းအထန် ထိုးစစ် ဆင်နေမှုသည် မြန်မာအစိုးရမှ ၁၉၉၂ခုနှစ်၊ သြဂုတ်လ ၂၅ရက်နေ့တွင် လက် မှတ်ရေးထားခဲ့သည့် နိုင်ငံတကာ လူသားဖြစ်မှုကာကွယ်သည့် ဥပဒေ (International Humanitarian Law ခေါ် ၁၉၄၉ Geneva Convention) ဂျီနီဗာသဘောတူစာချုပ်ကို ချိုးဖောက်ရာရောက်သည်ဟုလည်း ယမန်နေ့က ထုတ်ပြန်သည့် TSYO ကြေ ညာချက်တွင် ဖော်ပြထားသည်။
ထို့အပြင် ကချင်ပြည်လွတ်မြောက်ရေးတပ်မတော်-KIA နှင့် မြန်မာအစိုးရအကြား စစ်ရေးပဋိပက္ခ ပြန်လည်ဖြစ်ပွားခဲ့သည်မှာ ၂နှစ်နီးပါးရှိ နေ ပြီဖြစ်သည့်အတွက် ယခုအချိန်တွင် ဒုက္ခသည်ပေါင်း တစ်သိန်းနီးပါခန့် အိုးအိမ်စွန့်ခွာခဲ့ရပြီး ၎င်းတို့သည် စားနပ် ရိက္ခာ၊ ဆေးဝါးနှင့် အ၀တ်အထည် စသည်တို့ လိုအပ်လျှက်ရှိကြောင်း TSYO က ဆိုသည်။
မိုင်းပန်လှက “စစ်ပွဲတွေကြောင့် ဒုက္ခသည်တွေလည်း သိန်းနဲ့ချီရှိနေပြီဆိုတော့ အခက်အခဲရှိလာပြီ။ ဒါတောင်မှ အကူအညီ ပေးချင်နေတဲ့ လူ တွေ သွားပြီးတော့ကူညီလို့ရအောင်လည်း အစိုးရကနေပြီးတော့ ကူညီခွင့်မပေးဘူး။ နောက် ပြည်သူလူထုတွေကို ထိခိုက်စေတဲ့ဓာတုလက် နက်တွေကို သုံးလာတယ်လို့ သတင်းထွက်နေတယ်။ လေယာဉ်နဲ့ပစ်ခတ်တဲ့အချိန်မှာ လူ နေအိမ်တွေ ကို ထိမှန်သွားတာတွေ မျိုးလည်း တွေ့ရတယ်။ ဒါမျိုး အစိုးရက ဒါကို လုံးဝကို ချိုးဖောက်ပြီးတော့ လုပ်နေတယ်”ဟု ဆိုသည်။
ဆက်လက်၍ မြန်မာ့နိုင်ငံရေး အသွင်ကူးပြောင်းရေးကာလတွင် အစိုးရ၏ မှုဝါဒလမ်းစဉ်များသည် အမျိုးသား ပြန်လည်သင့်မြတ် ရေးကို ဆန့်ကျင်ရာသို့ ဦးတည်နေပြီး လူမျိုးစုတိုင်းရင်းသားများအား ချေမှုန်းသုတ်သင်ရေး လုပ်နေသည်ဟု TSYO ၏ သဘော ထား ထုတ်ပြန် ချက်က ထောက်ပြထားသည်။
မြန်မာနိုင်ငံတွင် တစ်နိုင်ငံလုံးအတိုင်းအတာ အပစ်ခတ်ရပ်စဲရေး ဖြစ်ပေါ်လာရေးနှင့် နိုင်ငံရေးတွေ့ဆုံဆွေးနွေးမှု ဖြစ်ပေါ်လာရေး ကို အ ခြား တိုင်းရင်းသားအဖွဲ့များနှင့်ပူးပေါင်းကာ TSYO အနေဖြင့် တတ်နိုင်သည့်ဘက်က ပါဝင် လုပ်ဆောင်သွားမည်ဟုလည်း မိုင်ပန်လှက ဖြည့်စွက် ပြောဆိုသည်။
TSYO ကို ၂၀၀၈ခုနှစ်က ဖွဲ့စည်းခဲ့ပြီး တအာင်းလူငယ်များနှင့် တအာင်းတမျိုးသားလုံး၏ ဘဝဖွံ့ဖြိုးတိုးတက်မြင့်မားရေးအပြင် ငြိမ်းချမ်း ရေး၊ တရားမျှတရေး၊ တန်းတူညီမျှရေးနှင့် စစ်မှန်သော ဖက်ဒရယ်ပြည်ထောင်စု ဒီမိုကရေစီနိုင်ငံ ပေါ်ပေါက်လာရေးကို ဦးတည်လုပ် ဆောင်နေ သော အဖွဲ့ဖြစ်သည်။
No comments:
Post a Comment