ဒီဇင်ဘာလ ၄ ရက်ကနေ ၆ ရက်နေ့အထိ သွားရောက်မယ့် ခရီးစဉ်အတွင်း သမ္မတဦးသိန်းစိန်က ဖိလိပိုင်နိုင်ငံ သမ္မတ Benigno Aquino နဲ့ ကုန်သွယ်ရေး၊ ရင်းနှီးမြုပ်နှံရေး၊ စိုက်ပျိုးရေး၊ စွမ်းအင်နဲ့ ရိုးရာဖလှယ်ရေးတွေအပြင် သတင်းအချက်အလက် ပူးပေါင်းဆောင်ရွက်ရေးကိစ္စတွေကို ဆွေးနွေးကြမှာ ဖြစ်ပါတယ်။
အဲဒါ့အပြင် ၂၀၁၄ ခုနှစ်မှာ မြန်မာနိုင်ငံက အာဆီယံ ဥက္ကဌအဖြစ် ဆောင်ရွက်မယ့်ကိစ္စတွေကိုလည်း ဆွေးနွေးကြမှာဖြစ်ပါတယ်။
သမ္မတဦးသိန်းစိန်နဲ့ ဖိလိပိုင်သမ္မတတို့ ဂျွန်လတုန်းကပဲ နေပြည်တော်မှာ တစ်ကြိမ် တွေ့ဆုံခဲ့ကြပါတယ်။
ဖိလိပိုင်သမ္မတက မြန်မာနိုင်ငံမှာ ကျင်းပတဲ့ ကမ္ဘာ့စီးပွားရေးညီလာခံကို တက်ရောက်နေတုန်း တွေ့ဆုံခဲ့ကြတာဖြစ်ပြီး ၂၀၁၅ ခုနှစ်ကျရင် ဖိလိပိုင်နိုင်ငံက ကမ္ဘာ့စီးပွားရေးညီလာခံရဲ့ အိမ်ရှင်အဖြစ် လက်ခံကျင်းပဖို့ရှိကြောင်း ကျိုဒိုးသတင်းအရ သိရပါတယ်။
No comments:
Post a Comment