မြန်မာနိုင်ငံက အိမ်ရှင် အဖြစ်လက်ခံကျင်းပတဲ့ ၁၁ ကြိမ်မြောက် အာဆီယံဒေသတွင်း နိုင်ငံတွေက စစ်ခေါင်းဆောင်တွေရဲ့ ၃ ရက်တာ တွေ့ဆုံတဲ့ အစည်းအဝေး သတင်းစာ ရှင်းလင်းပွဲမှာ အခုလို ပြောကြားလိုက်တာဖြစ်ပြီး ဒါဟာ မြန်မာ့ ကာကွယ်ရေး ဦးစီးချုပ်ရဲ့ ပထမဆုံးအကြိမ် ပြုလုပ်တဲ့ သတင်းစာရှင်းလင်းပွဲ လို့လည်း သိရပါတယ်။
တောင်တရုတ်ပင်လယ်ပင်အတွင်းက တင်းမာမှုတွေ ပြေလျော့သွားဖို့ တရားဝင် လိုက်နာရမယ့် စည်းမျဉ်းစည်းကမ်းတွေ ရှိဖို့ အရေးကြီးတဲ့အကြောင်း အာဆီယံနိုင်ငံတွေရဲ့ စစ်ဦးချုပ်တွေက ပူးတွဲ ကြေညာချက် တစောင် ထုတ်ပြန်ခဲ့ပါတယ်။
ကုန်တင်သင်္ဘောတွေ အများဆုံးသွားတဲ့ ရေလမ်းကြောင်းအပါအ၀င် ရေနံနဲ့ သဘာဝ ဓာတ်ငွေ့တွေ အများအပြားရှိနိုင်တယ်လို့ ခန့်မှန်းနေကြတဲ့ တောင်တရုတ်ပင်လယ်ပြင်အတွင်း ဒေသတွင်း နိုင်ငံတွေက သူပိုင်ငါပိုင် အငြင်းပွားနေကြတာ ဖြစ်ပြီး ပိုင်နက်အတော်များများကို တရုတ်က သူတို့ရဲ့ပိုင်ဆိုင်မှုအဖြစ် ကြေငြာနေတာလည်း ဖြစ်ပါတယ်။
တရုတ်ရဲ့ အကူအညီအများအပြားကို ရရှိထားတဲ့ မြန်မာအနေနဲ့ ဒီကိစ္စကို ဘယ်လို ကိုင်တွယ်မလဲဆိုတာကို ကမ္ဘာက စောင့်ကြည့်နေတာ ဖြစ်ပြီး တောင်တရုတ်ပင်လယ်ပြင်အရေးနဲ့ ပတ်သက်ပြီး တိုက်ရိုက် ပတ်သတ်နေတဲ့ နိုင်ငံတွေကသာ ဖြေရှင်းသင့်တယ်လို့ တရုတ်ရဲ့ အနေအထားကို ထောက်ခံတဲ့ ဖော်ပြချက်မျိုးကို မြန်မာ့ ကာကွယ်ရေး ဦးစီးချုပ် ဗိုလ်ချုပ်မှူးကြီး မင်းအောင်လှိုင်က အဆိုပါ သတင်းစာရှင်းလင်းပွဲမှာ ပြောကြားခဲ့တယ်လို့ သတင်းရရှိပါတယ်။
No comments:
Post a Comment