ဧပြီလ ၂၅ ရက်နေ့ မွန်းလွဲပိုင်းက ရန်ကုန်မြို့ မင်းရဲကျော်စွာလမ်းရှိ မြန်မာနိုင်ငံ ကုန်သည်များနှင့်စက်မှု လက်မှု လုပ်ငန်းရှင်များ အသင်းချုပ်မှာ ပြုလုပ်တဲ့ သီလ၀ါ အစုရှယ်ယာရောင်းချခြင်းဆိုင်ရာ စာနယ်ဇင်း ရှင်းလင်း ပွဲမှာ မြန်မာသီလ၀ါ SEZ Holding Public Company (အက် (စ်)အီးဇက်ဟိုးဒင်းပါ့ဘလစ် ကုမ္ပဏီ) ဥက္ကဌ ဦးဝင်းအောင်က ပြောခဲ့တာ ဖြစ်ပါတယ်။
ဟက်တာ ၄၀၀ (၉၈၈ ဧက) အကျယ်အဝန်းရှိတဲ့ သီလ၀ါအထူးစီးပွားရေးဇုံစီမံကိန်းအတွင်း မြေညှိမြေပြင်တဲ့ အလုပ်တွေ ပြီးစီးနေပြီး ရေသွယ်တန်းမှုတွေ၊ လျှပ်စစ်သွယ်တန်းမှုတွေနဲ့ လမ်းတည်ဆောက်မှုတွေကို လုပ်ဆောင်နေပြီလို့ သိရပါတယ်။
အဲဒီစီမံကိန်းကို ၂၀၁၅ ခုနှစ် နှစ်လည်ပိုင်းမှာ စတင်လည်ပတ်နိုင်ဖို့ စီစဉ်ဆောင်ရွက်နေတယ်လို့လည်း ပြောပါတယ်။ အဲဒီစီမံကိန်းကြီးကြောင့် အလုပ်အကိုင် အခွင့်အလမ်းတွေ ရှိလာနိုင်ပေမယ့် ကိုယ်လယ်ယာမြေမှာပဲ အလုပ်ကို လုပ်ချင်တဲ့အကြောင်း ဒေသခံ တောင်သူတစ်ဦးက ပြောပါတယ်။
သီလ၀ါအထူးစီးပွားရေးဇုံအား မြန်မာ-ဂျပန်နှစ်နိုင်ငံပူးပေါင်းလုပ်ဆောင်တာဖြစ်ပြီး ဇုံတစ်ခုလုံးရဲ့ အကျယ်အဝန်းက ဟက်တာ ၂၄၀၀(ဧက ၆၀၀၀ နီးပါး) အကျယ် အ၀န်းရှိတယ်လို့ မြစ်မခ သတင်းအရ သိရပါတယ်။
No comments:
Post a Comment