ဇော်ဇော်ထွေး
ဘုရင့်နောင်ပွဲရုံဝင်းအတွင်းမှ လိုင်စင်မဲ့ယာဉ်တစ်စီးကို ဧပြီ ၂၃ ရက် ညနေတွင် ဘုရင့်နောင်နယ်မြေခံရဲ တပ်ဖွဲ့က ဖမ်းဆီးရမိလိုက်သည်။
ဘုရင့်နောင်ပွဲရုံအတွင်း ကျွန်းရွှေဝါလမ်းမပေါ်တွင် လိုင်စင်မဲ့မော်တော်ယာဉ်တစ်စီး ရောက်ရှိနေကြောင်း သတင်းအရ ရဲတပ်ဖွဲ့က သွားရောက်စစ်ဆေးခဲ့ခြင်း ဖြစ်သည်ဟု ဆိုထားသည်။
ယင်းသို့စစ်ဆေးရာတွင် ၄ဂ/၂၅၃၇ နံပါတ်တပ်ဆင်ထားသည့် ဟိုင်းလတ်ဆပ်အမျိုးအစား နက်ပြာရောင် ယာဉ်နှင့်အတူ မကွေးတိုင်း၊ သရက်မြို့၊ ပြည်တော်အေးရပ်ကွက်နေ ယာဉ်မောင်း မိုးကျော် (၃၇)နှစ်ကို တွေ့ရှိခဲသည်ဟု ရဲမှတ်တမ်းတွင် ဖော်ပြထားသည်။
ယာဉ်နှင့်ပတ်သက်၍ စစ်ဆေးမေးမြန်းရာတွင်လည်း စာရွက်စာတမ်းတစ်စုံတစ်ရာ ပြသပြောဆိုနိုင်ခြင်း မရှိဘဲ လိုင်စင်မဲ့ယာဉ် ဖြစ်နေသည်ကို စစ်ဆေးတွေ့ရှိခဲ့သည်ဟု ဆိုသည်။
ထို့ကြောင့် လိုင်စင်မဲ့ယာဉ် လက်ဝယ်ထားရှိသူအဖြစ် မိုးကျော်ဆိုသူကို ဥပဒေဖြင့် အရေးယူပေးရန် နယ် မြေခံရဲတပ်ဖွဲ့မှ ဒု-ရဲအုပ်ကျော်ဝင်းနိုင်က တရားလိုပြုလုပ်၍ စွပ်စွဲတိုင်တန်းထားသည်။
ယင်းတိုင်တန်းမှုကို ဘုရင့်နောင်နယ်မြေရဲစခန်းက (ပ)၁၂၉/၂၀၁၄ ဖြင့် အမှုဖွင့်လိုက်ပြီး ပို့ကုန်/သွင်း ကုန် ပြစ်မှုပုဒ်မ ၈ ဖြင့်အရေးယူရန် ပြစ်မှုကျူးလွန်ခြင်းရှိမရှိ တိုင်တန်းခံရသူကို စစ်ဆေးနေသည်ဟု တိုင်း ရဲတပ်ဖွဲ့မှူးရုံးက သတင်းထုတ်ပြန်ထားသည်။
No comments:
Post a Comment