ယနေ့ နေပြည်တော်တွင် ကျင်းပသော ပြည်သူ့လွှတ်တော် အစည်းအဝေးတွင် ကချင်ပြည်နယ်၊ မြစ်ကြီးနား မဲဆန္ဒနယ်မှ ဦးသိန်းဇော်က အ ရေးကြီးအဆိုတရပ် တင်သွင်းခဲ့ပြီး ယင်းအဆိုမှာ KIA နှင့် အစိုးရအကြား ငြိမ်းချမ်းရေး ဖော်ဆောင်ရေး၊ စစ်ပွဲရပ်စဲရေးအတွက် တွေ့ ဆုံဆွေး နွေးကြရန် လိုအပ်ကြောင်း၊ သို့ရာတွင် လက်ရှိ အခြေအနေများအရ နှစ်ဖက်စစ်ရေးတင်းမာမှု အခြေအနေ အရပ်ရပ်ကြောင့်အ စိုးရငြိမ်း ချမ်း ရေးအဖွဲ့များနှင့် KIA တို့အကြား တွေ့ဆုံဆွေးနွေးရေးမှာ ခက်ခဲနေသည့်အတွက် ဗီဒီယိုကွန်ဖရင့်၊ အီးမေးလ် အပါအ၀င် ခေတ်မီ အီလက်ထ ရော နစ် နည်းပညာများ အသုံးပြုဆွေးနွေးကြရန် တိုက်တွန်းလိုသည်ဟု ဦးသိန်းဇော်က ပြောသည်။
“လက်ရှိ ပကတိအခြေနေမှာ ဒေသအတွင်း စစ်ရေးတင်းမာမှု အခြေအနေ အရပ်ရပ်ကြောင့် နိုင်ငံ တော်အစိုးရ ငြိမ်းချမ်းရေး ဖော်ဆောင်မှုအ ဖွဲ့များနှင့် KI0/KIA တိုင်းရင်းသားလက်နက်ကိုင် အဖွဲ့များမှ ကိုယ်စားများဟာ နှစ်ဖက် မျက်နှာ ချင်းဆိုင် တွေ့ဆုံဆွေးနွေးရေးအတွက် ခက်ခဲ မှုများ ရှိနေကြောင်း သိရှိရပါတယ်။ ဒီနေ့ ခေတ်ကာလဟာ တာဝန်ရှိသူ ကိုယ်စားလှယ် ချင်း မျက်နှာခြင်းဆိုင် တွေ့ဆုံကြမှသာဆွေးနွေးညှိ နှိုင်းနိုင်မှာ ဖြစ်ပါတယ်။ ယနေ့ခေတ် နည်းပညာများအရ Video Conferencing များ၊ E-mail များ အပြန်အလှန် ပေးပို့ခြင်းများ၊ ဒါမှမဟုတ် ရင် လည်း နှစ်ဖက် သဘောတူညီထားတဲ့ Electronic ဆက်သွယ်ရေး နည်းစနစ် များ နှင့် မိမိတို့၏ မူဝါဒများသဘောထားများလိုလားချက် များကို နှစ်ဦးနှစ်ဖက် သတ်မှတ်ထားသော ကိုယ်စားလှယ်များကနေ၍ ပြည် သူများထင်သာမြင်သာရှိအောင်ထုတ်ပြန်တင်ပြအသိပေးခြင်း များဖြင့် ပွင့်လင်းမြင်သာသော ဆွေးနွေးမှုများ ဆောင်ရွက်နိုင်မှာ ဖြစ်ပါ တယ်” ဟု ဦးသိန်းဇော်က ဆိုသည်။
ဦးသိန်းဇော်၏ အရေးကြီးအဆိုကို ပြည်သူ့လွှတ်တော် အစည်းအဝေးက ကန့်ကွက်သူမရှိ တညီတညွတ်တည်း အတည်ပြုလိုက်ပြီး ပြည် သူ့ လွှတ်တော် ဥက္ကဋ္ဌ သူရ ဦးရွှေမန်းက လွှတ်တော်အနေဖြင့် ကချင်အရေးနှင့် ပတ်သက်၍ ကြေညာချက်တစောင် ထုတ်ပြန်သွားမည် ဟု သိ ရှိရသည်။
ပြည်သူ့လွှတ်တော် ကိုယ်စားလှယ် ဦးကြည်မြင့်ကမူ လွှတ်တော်အနေဖြင့် ကချင်စစ်ပွဲရပ်စဲရေး လိုလားလျက်ရှိသော်လည်း KIA နှင့် အ စိုး ရ အကြား စစ်ရပ်စဲရေးနှင့် သဘောထားကြီး ဆွေးနွေးရေး ဖော်ဆောင်မှသာလျှင် လွှတ်တော်၏ တိုက်တွန်းချက် အောင်မြင်နိုင်မည် ဖြစ် ကြောင်း သုံးသပ်သည်။
“အဓိက ကတော့ နှစ်ဦးနှစ်ဖက် လက်တွေ့ လုပ်ကြဖို့ အရေးကြီးပါတယ်။ လွှတ်တော်က တိုက်တွန်း တာ ကို အလေးအနက်ထားပြီး KIA ရော၊ အစိုးရရော လုပ်ကြမယ်ဆိုရင် ငြိမ်းချမ်းရေးရမှာပေါ့။ မဟုတ်ဘဲနဲ့တော့ နှစ်ဦးနှစ်ဖက်က ငြိမ်း ချမ်းရေးအတွက် မဆွေးနွေးကြဘူးဆိုရင် တ ကယ်နစ်နာတာက ပြည်သူတွေပါပဲ” ဟု ဦးကြည်မြင့်က ဆိုသည်။
အမျိုးသားဒီမိုကရေစီ အဖွဲ့ချုပ်မှ လွှတ်တော်ကိုယ်စားလှယ် ဦးဖြိုးမင်းသိန်းက ငြိမ်းချမ်းရေး တည်ဆောက်ရန် အရေးကြီးဆုံးမှာ ယုံ ကြည် မှုဖြစ်ကြောင်း၊ လက်ရှိအခြေအနေတွင် နှစ်ဦးနှစ်ဖက် ယုံကြည်မှု ပျောက်ဆုံးနေကြောင်း ပြောသည်။
KIA နှင့် အစိုးရအကြား ၁၈ လကျော်ကြာ ဖြစ်ပွားနေသော တိုက်ပွဲများကြောင့် ကချင်ပြည်နယ်တွင် ဒုက္ခသည် တသိန်းနီးပါး အိုးအိမ်များ စွန့် ခွာထွက်ပြေး နေထိုင်နေရကြောင်း၊ အစိုးရစစ်တပ်က တိုက်လေယာဉ်နှင့် ရဟတ်ယာဉ်များ အသုံးပြု ထိုးစစ်ဆင်လျက် ရှိသော ကြောင့် ဒေသ ခံများ စိုးရိမ်ထိတ်လန့် စိတ်ဒဏ်ရာများ ရရှိနေကြောင်း ကချင်အဖွဲ့အစည်းများက ထုတ်ပြန်ထားသည်။
No comments:
Post a Comment