ဒေသခံအယောက် ၂၀၀၀ ကျော်တို့သည် ဟားခါးမြို့ ပူးဝမ်းသူမောင် အားကစားကွင်းမှ ချင်းပြည်နယ်အစိုးရရုံးရှေ့ အထိ လျှပ်စစ်မီးရရှိ ရေး တောင်းဆိုတဲ့ပိုစတာများကိုင်ဆောင်ကာ ချီတက်ဆန္ဒပြခဲ့ခြင်းဖြစ်ပြီး မွန်း လွှဲပိုင်း ၁ နာရီတွင် ဆန္ဒပြပွဲကို ငြိမ်းချမ်းစွာအဆုံး သတ် ခဲ့ကြ သည်ဟု ဆန္ဒပြပွဲမှာပါဝင်သူတဦးကပြောသည်။
“ ပြည်နယ်တခုရဲ့ မြို့တော်ဖြစ်ပြီးမှ ၄ ညခြားနဲ့လျှပ်စစ်မီးပေးပါတယ်၊ ဒါ ကြောင့် ကျနော်တို့ဒေသ ခံတွေအားလုံးက မကျေနပ်လို့ ခုလို ဆန္ဒပြရ တာဖြစ်တယ်’’ ဟုအထက်ပါဒေသခံကပြောသည်။
ဟားခါးမြို့ဒေသခံများက လျှပ်စစ်မီးကို ၄ ညခြားစီရရှိနေသည့်အချိန်တွင် အစိုးရရုံး၊ ဘုန်း ကြီးကျောင်း၊ ရဲ ၊ စစ်တပ် ပိုင် နယ်မြေများမှာမူ လျှပ်စစ် မီးအချိန်ပြည့်ရရှိနေကြကြောင်း ဒေသ ခံကပြောသည်။
ချင်းပြည်နယ်အစိုးရဘက်ကတော့ ဟားခါးမြို့ပေါ်တွင် လူဦးရေ နှင့် အိမ်ခြေတိုးလာပြီး လျှပ်စစ် ဓာတ်အားမလုံ လောက် မှုကြောင့် ယခုကဲ့သို့ အခက်အခဲကြုံနေရခြင်းဖြစ်သည်ဟု ပြောသည်။
ယခုလက်ရှိ ဟားခါးမြို့အနေအထားအရ လျှပ်စစ်ဓာတ်အားလိုအပ်ချက်မှာ ၁၂၀၀ ကီလိုဝဂ် ခန့်ဖြစ်ပြီး လက်ရှိတွင် လျှပ်စစ်ဓာတ်အား ကီလိုဝဂ် ၇၀၀ သာရှိသည်ဟုသိရသည်။
ချင်းပြည်နယ်ရဲ့ လူမှုရေးဝန်ကြီး ဦးဗန်ထောင်းက “ ကျနော်တို့ ပြည်ထောင်စုအစိုးရနဲ့ပူးပေါင်းပြီး ဒီကိစ္စကို အမြန်ဆုံးဖြေရှင်းဆောင်ရွက်သွား မှာပါ၊ အနည်းဆုံးအဆင့်အနေနဲ့ လျှပ်စစ်မီးကို ၂၄ နာရီမပေးနိုင်ရင်တောင်မှ ၂ ညခြား လောက်တော့ ပေးနိုင်အောင်စီစဉ် ဆောင်ရွက်သွား မှာပါ’’ ဟု ပြောသည်။
No comments:
Post a Comment