“ပထမဆုံး မန္တလေး၊ စစ်ကိုင်း၊ အမရပူရ၊ မြို့သာ အဲဒီဘက်တွေသွားတယ်။ ဟောပြောပွဲပေါ့။ ဒီ ဟောပြောပွဲမှာ ကျနော်တို့ရဲ့ လူမှုရေး လုပ် ဆောင်ချက်တွေကို ပြောပြရတယ်။ အယူသည်းမှုတွေက ဘယ်လိုတွေ အယူသည်းတာ။ ဒါ ကို ဘယ်လိုကျော်လွှား ရတယ်။ လက်တွေ့ဘ၀ကို ကျနော်တို့ ပြောခဲ့ရတယ်။ လူတွေက မသေခင်သာ အဖေရယ်၊ ဦးလေးရယ်၊ အစ်ကို ရယ်နဲ့ ဖြစ်နေတာ။ သေတဲ့အခါ ဒီအလောင်းကို မကိုင်ချင် ဘူး။ အိမ်က ထုတ်တယ်ဆိုလည်း အိမ်နံရံကို အထိမခံချင်ဘူး။ အိမ်ရှေ့မှာ နိဗ္ဗာန်ယာဉ် အရပ်မခံချင်ဘူး။ ဒါဆိုရင် လူတွေက ဘာဖြစ်လို့ တိရိ စ္ဆာန် မသာတွေဖြစ်တဲ့ ကြက်တို့၊ ၀က်တို့၊ ငါးတို့ကို တဖြဲ နှစ်ဖြဲ စားကြ လဲ။ လူ့ရဲ့ ပါးစပ်က တိရိစ္ဆာန်တွေရဲ့ သင်္ချိုင်း၊ မီးသင်္ဂြိုဟ်စက် ဆိုတာ မျိုး တွေကို ယှဉ်ပြီးပြောခဲ့ရတယ်” လို့ သူက ပြောပါ တယ်။
အယူသည်းမှု တိုက်ဖျက်ရေး လှုပ်ရှားမှု ခရီးစဉ်ကို ဟောပြောပွဲအနေနဲ့ အဓိက လုပ်ဆောင်ခဲ့တာဖြစ်ပြီး အသင်း စတင် ထူထောင်ခဲ့တဲ့ ၂၀၀၁ ခုနှစ်ကစလို့ ၂၀၀၇ ခုနှစ်အတွင်း မြို့ရွာပေါင်း ၅၀ ကျော်မှာ ဟောပြောပွဲတွေ ပြုလုပ်ခဲ့ ပြီးတဲ့နောက် ၂၀၀၇ ခုနှစ်က စလို့ အစိုးရ အာဏာပိုင် တွေရဲ့ ခွင့်ပြုမိန့် မရရှိခဲ့တော့တာ ဖြစ်ပါတယ်။
“၂၀၀၇ မှာ စပြီး လုပ်ခွင့်မရတော့ဘူး။ အခု ဒီ ၂၀၁၃ နှစ်ဆန်းမှာ စရတာပါ။ ၂၀၀၇ နောက်ပိုင်းမှာ ခ ရီးသွားတယ် ဆိုရင် အနောက်ကနေ လိုက်နေတာကိုး။ ကျနော့်အတွက် လုံခြုံရေး ဆိုပြီးတော့ စစ်ထောက်လှမ်းရေးက လိုက် နေတာ။ ဥ ပမာ – ပြည်မြို့ ဆို ဘယ်အချိန်ရောက်လဲ၊ ဘယ်ကားစီးလာလဲ၊ ဘယ်ဆိုင်မှာ ထမင်းစားလဲ။ ဘာလာ လုပ်တာလဲ အဲဒီလိုမျိုးတွေ မေး မေးနေတော့ ကျနော်က ပြောလိုက်တယ်၊ ကျနော် စည်းရုံးရေးလာတာလို့။ ဘာစည်းရုံးရေးလဲတဲ့။ ပါတီ စည်းရုံးရေးလို့ ခင်ဗျားတို့ကော ၀င်ဦးမလား၊ ကျနော့်ပါတီကိုလို့ ဆိုတော့ ဘာပါတီလဲလို့ မေးတယ်။ မသာ ပါတီလို့ ကျနော်ပြောခဲ့ရတယ်။ ကျနော် လူမှုရေး လုပ်နေတာ။ နိုင်ငံရေးပါတီ၊ နိုင်ငံရေး လှုပ်ရှားမှုလုပ်နေတဲ့ အဖွဲ့လည်း မ ဟုတ်ဘူး။ ဒါကတော့ ကျနော့် လမ်းကြောင်းအတိုင်း ကျနော်သွားမှာပဲ” လို့ ဦးကျော်သူက ပြောပါတယ်။
၂၀၁၃ ခုနှစ်ဆန်းပိုင်းမှာ ပြန်လည် လုပ်ကိုင်လာတဲ့ ဒီလှုပ်ရှားမှုဟာ အထက်မြန်မာပြည် တလွှား မန္တလေးတိုင်းနဲ့ ရှမ်းပြည်နယ် အတွင်းက မြို့၊ ရွာ ဒေသ အသီးသီးတို့ကို သွားရောက် ဟောပြောပွဲတွေ လုပ်ကိုင်ခဲ့ပြီးပြီလို့ သိရပါတယ်။
“စိတ်ဝင်စားမှုကတော့ ရွာတွေ၊ မြို့တွေက တကယ့်ကို ကြောက်ခမန်းလိလိပါပဲ။ တော်တော် စိတ်ဝင် စားကြတယ်။ အရမ်းကို အားပေး နား ထောင်ကြတယ်။ တချို့နေရာတွေ ဆိုရင် သုဿာန်တွေ မရှိတော့ဘူး။ အဲဒီတော့ သုဿာန်မြေ ကျဉ်းလာတယ်။ အဲဒါမျိုးတွေ တောင်းဆိုပေး ဖို့ ဒါတော့ ကျနော်ကတော့ ပြောခဲ့ရတယ်။ ဖားကန့်မှာဆိုရင် သုဿာန်မြေ မရှိတော့ဘူး။ စီးပွားရေး သမားတွေနဲ့ နိုင်ငံတော် ပူးပေါင်းပြီးတော့ ကျောက်တူး ဖြစ်တော့ အသုဘချဖို့ မြေမရှိဘူး။ ဒီတော့ သုဿာန်မြေ ကိစ္စကို လွှတ်တော်အထိ ရောက်အောင် စာတင်ကြဖို့ ကျနော်ကတော့ ပြောခဲ့တယ်။ စာတင်လို့မှ ဘာမှ မလုပ်ဘူးဆိုရင်တော့ “သုဿာန်မြေ ရရှိရေး ဒို့အရေး” ဆိုပြီးတော့ လမ်းပေါ် ထွက်သင့်ရင် ထွက်ရတော့မှာ ပဲ” လို့ ဦးကျော်သူက ရှင်းပြပါတယ်။
မြန်မာပြည်သူ ပြည်သားတွေရဲ့ နာရေးနဲ့ ပတ်သက်လို့ အယူသည်းမှုတွေဟာ ဟိုယခင်ကဆို အတော်လေး ဆိုးဆိုးဝါးဝါး အခြေအနေမှာ ရှိခဲ့ တယ်လို့ ဆိုရမှာပါ။ နယ်တွေ ရွာတွေရဲ့ ထုံးစံဖြစ်တဲ့ ကိုယ့်အိမ်ရှေ့မှာ ၇ ရက် ၇ လီထားတဲ့ အလောင်းကို အရပ်ထဲက မနှစ်မြို့တာ၊ နာရေးဖြစ် နေတဲ့ အိမ်ရှေ့ကဆို မဖြတ်ချင်တာ၊ မဖြစ်မနေ ဖြတ်ခဲ့ရလည်း အိမ်ရောက်ရင် ခြေထောက်ကို ရေနဲ့ ပြန်ဆေးတာစတဲ့ အသေး အမွှားကိစ္စ လေးတွေက အစ ပြဿနာ တခုလို ဖြစ် နေခဲ့တာပါ။ ပြည်သူလူထုထဲ အလျင်အမြန် ထိုးဖောက် ၀င်ရောက်နိုင်တဲ့ ရုပ်ရှင်ဗီဒီ ယိုဇာတ်ကား တွေထဲမှာက အစ သုဘရာဇာ ဆိုတဲ့ လူတန်းစားတရပ်ကို ရွံရှာစက်ဆုပ်ဖွယ် အသွင်အပြင် တွေနဲ့ ဖန်တီးလာကြတဲ့ အထိ ပါ။
ဒီလို နာရေးနဲ့ ပတ်သက်လို့ အယူသီးမှုတွေဟာ မိရိုးဖလာနဲ့ အသိပညာ အားနည်းခဲ့မှု အပေါ်မှာ အများကြီး မူတည်တယ်လို့ မန္တလေးမြို့က အမျိုးသားစာပေဆုရ စာရေးဆရာ ဆူးငှက်က ဧရာဝတီကို ပြောပါတယ်။
“ကျနော်တို့ဆီမှာ ထေရ၀ါဒ ဗုဒ္ဓဘာသာ ဆိုသော်ငြားလည်း တချို့ဟာတွေက ဟိန္ဒူဘာသာရဲ့ လွှမ်း မိုးမှုတွေအများကြီးရှိခဲ့တယ်လေ။ အစဉ် အဆက် မိရိုးဖလာ ဆိုတာလည်းပါတယ်။ အသိဉာဏ်နည်းတယ် ဆိုတာလည်း ပါတယ်။ နာရေးနဲ့ပတ်သက်လို့ အယူအဆ တော်တော်များများ ဟာ ဟိန္ဒူရဲ့ အယူအဆ တော်တော် လွှမ်းတယ်။ အလောင်းကို ဘယ်ဘက်က ထုတ်ရမယ် တို့၊ ညာဘက်က ထုတ်ရမယ်တို့၊ ခေါင်းနဲ့ ထုတ်ရ မယ်တို့ အများကြီးပေ့ါ။ အဲဒီတော့ အကုန်ပြန်ချုပ်ရမယ် ဆိုရင် အဓိက အသိပညာ ပေ့ါ။ အသိပညာနဲ့ သာ အားလုံး တိုင်းထွာ လိုက်မယ်ဆိုရင် ဒါတွေအားလုံးဟာ ရှိသင့်လား၊ မရှိသင့်ဘူးလား ဆိုတာ သိမှာပဲ” လို့ ဆရာဆူးငှက်က သူ့ရဲ့ အမြင်ကိုပြောပါတယ်။
အခုနောက်ပိုင်းမှာတော့ ဒီလို အယူသည်းမှု အတိုင်းအတာဟာ အတော်အတန် နည်းပါးလာခဲ့ပြီး အင်မတန် သေးငယ်တဲ့ တောရွာ မြို့ငယ် တွေ လောက်မှာသာ အနည်းကျဉ်း ကျန်နေသေးကြောင်းနဲ့ နောက်ပိုင်းမှာ နာရေးကူညီမှု အသင်းတွေရဲ့ လုပ်ဆောင် ချက်တွေ၊ အ ကူညီ ပေးမှုတွေကြောင့် ဒီလို အစွဲအလမ်း မျိုးတွေ ပျောက်သင့်ပြီဆိုတာကို အောက်ခြေလူတန်းစား အထိ သိရှိလာခဲ့ပြီလို့ သူက ဆက် ပြော ပါတယ်။
“အယူသည်းမှု အတိုင်းအတာကတော့ လုပ်ခါစတုန်းက တော်တော်ကို ဆိုးတာပေ့ါ။ အခုနောက်ပိုင်း တော့ တော်တော်လေး ပျောက်လာပါပြီ။ ဒါ ရန်ကုန်တ၀ိုက်ပေါ့။ နယ်တွေမှာ အဲဒီလို အယူသည်းတာတွေ ရှိတယ်။ ဥပမာ – လူ တကိုယ် စာ ၆ ပေ ၇ ပေ အုတ်ဂူကြီးတွေ လုပ်မယ့်အ စား အရိုးပြာလေး ထည့်ပြီး ဂူသဘောမျိုး ၂ ပေ ပတ်လည် ကျောက်တိုင်လေး လုပ်ဖို့ စည်းရုံးတယ်။ ဒါ အင်းလေးဒေသမှာ။ အဲဒါကို နယ်ခံက လက်မခံဘူး။ အဲဒီတော့ သူတို့ ညောင်ရွှေ အသင်းအဖွဲ့က ဥက္ကဋ္ဌ ကိုယ်တိုင် ကဲ ဒါဆို ရင် အဲဒီအုတ်ဂူမှာ သူ့နာမည်ရေးလိုက်၊ ဦး ဘယ်သူပေ့ါ၊ အသက်နေရာမှာ ကွင်းစကွင်းပိတ်နဲ့ ထားထားတယ်။ သူ့ဂူကို အရင်းဆုံး စလုပ် ရတယ်။ သက်ရှိထင်ရှား ရှိနေတဲ့ ခေါင်းဆောင်တယောက်ရဲ့ ဂူကို နမူနာလုပ်ပြရတယ်။ အဲဒီတော့မှ နောက်က လိုက်လုပ်ကြတယ်” လို့ ဦးကျော်သူက သူရဲ့ အတွေ့အကြုံကို ရှင်းပြပါတယ်။
ဒါ့အပြင် ပြည်သူလူထုအတွက် အကျိုးရှိစေဖို့ ဇာတ်ကားတွေ ပြန်ရိုက်တော့မယ်လို့ ကြေညာလိုက်တဲ့ ဦးကျော်သူက အားလုံး ကိုယ်စား ပြည် သူလူထု တွေ့ကြုံနေရတဲ့ အခက်အခဲတွေ၊ လူမှုရေး သမားတွေ လုပ်ဆောင်ပေးနေရတဲ့ အပိုင်းတွေ၊ ဒါတွေကို မြန်မာတပြည်လုံး ကိုယ်စား ပြည်သူလူထု ကိုယ်စား ဗမာ တပြည်လုံးမှာရှိတဲ့ လူမှုရေး အသင်းအဖွဲ့ ကိုယ်စား ဖော်ထုတ် ရိုက်ကူးဖြစ်မှာပါလို့ ပြောပါတယ်။
သူ့အနေနဲ့ လူမှုရေးလုပ်ငန်းတွေ လုပ်လာတဲ့ ၁၂ နှစ်တာ သက်တမ်းတလျှောက် ကနေ အခု လက်ရှိ အချိန်အထိ မြန်မာပြည် အနေနဲ့ ဘာတွေ တိုးတက်ပြောင်းလဲမှုနဲ့ ကြုံလာရပြီလဲလို့ ဆိုတဲ့အပိုင်းနဲ့ ပတ်သက်လို့ “လူမှုရေးလုပ်တာ ပြောင်းလဲ တိုးတက် လာတယ် ပေ့ါလေ။ တိုးတက် လာ တယ် ဆိုတာ အသုဘ ချရတဲ့ ဦးရေ များလာတယ်၊ ဆေးကုပေးရတဲ့ လူဦးရေ များလာတယ်၊ ပညာသင်ပေးရတဲ့ ကျောင်းသားကျောင်း သူတွေ များလာတယ်၊ သဘာဝဘေး၊ စစ်ဘေးကိစ္စတွေနဲ့ ပတ်သက်လို့ လုပ်ရ တာပိုများလာတယ်။အဲဒီလိုတွေများလာတယ်၊ တိုးတက်လာ တယ် ဆိုတာ ကောင်းတဲ့ အလားအလာတော့ မဟုတ်ဘူး။ ကျနော်က နိုင် ငံ့အရေးကို နိုင်ငံရေး စကားမပြောဘဲနဲ့ လုပ်နေတာ။ ပရဟိတအ လုပ်ပဲ။ ဆရာ ညီမင်းညိုရဲ့ စကား အတိုင်းပဲ နိုင်ငံရေး စကားမပြော ဘူး။ ဒါပေမယ့် နိုင်ငံ့အရေးကို လုပ်ပေးနေတာ။ အရင်တုန်းကခေတ် ထက် အခုခေတ်မှာ ကျနော်တို့က လုပ်ပေးရတာ ပိုပြီး များလာတယ်။ဒါဟာ နိုင်ငံတော် အစိုးရရဲ့ လိုအပ်ချက်ပဲ။ ဒါပဲ ကျနော်ကတော့လုပ်မှာ ပါ။ ဘယ်အစိုးရပဲ တက်တက် ခပ်ရိုင်းရိုင်း ပြောမယ်ဆိုရင် ကျော် သူကတော့ မသာပဲ ချပေးနေမှာပဲ” လို့ ဦးကျော်သူက ဆိုလိုက်ပါ တယ်။
No comments:
Post a Comment