“အမျိုးသမီးတို့၏အသံ” ဆိုတဲ့ ခေါင်းစဉ်နဲ့ နှစ်ရက်တာ ကျင်းပပြုလုပ်ခဲ့တဲ့ အမျိုးသမီးဖိုရမ် အတွင်း အမျိုးသမီးနှင့် နိုင်ငံရေးကဏ္ဍ၊ အမျိုးသမီးနဲ့ မီဒီယာကဏ္ဍ အပါအ၀င် အမျိုးသမီးနှင့်စီးပွားရေးကဏ္ဍနဲ့ အမျိုးသမီးအခွင့်အရေးတွေ အပြည့်အဝရရှိစေရေးအကြောင်းတွေကို ဆွေးနွေးခဲ့ကြတယ်လို့ သိရပါတယ်။
အောက်တိုဘာလ ၂၉၊ ၃၀ ရက်နေ့အထိ အင်းလျားလိတ်ဟိုတယ်မှာ ကျင်းပခဲ့တဲ့ ဖိုရမ်ကို လွှတ်တော်အသီးသီးက လွှတ်တော်ကိုယ်စားလှယ်တွေ၊ နိုင်ငံရေးပါတီဝင်တွေ၊ ပြည်တွင်း ပြည်ပက အစိုးရ မဟုတ်တဲ့ အဖွဲ့အစည်းတွေနဲ့ လူထုအခြေပြု အဖွဲ့အစည်းတွေက ကိုယ်စားလှယ်တွေနဲ့ သတင်းမီဒီယာသမားတွေအပါအ၀င် စုစုပေါင်း အမျိုးသမီး၊ အမျိုးသား ၂၇၀ ကျော် တက်ရောက်ခဲ့ကြပါတယ်။
မြန်မာနိုင်ငံက အမျိုးသမီးအခွင့်အရေးနဲ့ပတ်သက်ပြီးတော့ လွှတ်တော်မှာ ဆွေးနွေးနိုင်ဖို့အတွက် အမျိုးသမီးကို ကာကွယ်တဲ့ စီဒေါစာချုပ်နဲ့ပတ်သက်ပြီး လွှတ်တော်ကိုယ်စားလှယ်တွေအတော်များများ မသိကြသေးတာကြောင့် မြန်မာအမျိုးသမီးတွေကို ကာကွယ်ပေးမယ့် ဥပေဒတွေ ထွက်မလာနိုင်သေးတဲ့အကြောင်း ရန်ကုန်တိုင်း ဒေသကြီး လွှတ်တော်ကိုယ်စားလှယ်တစ်ဦးဖြစ်တဲ့ ဒေါ်ညိုညိုကနေ ဦးဆောင် တင်ပြ ဆွေးနွေးခဲ့ကြတဲ့အကြောင်း မြစ်မခ သတင်းအရ သိရပါတယ်။
၁၉၇၉ခုနှစ်မှာ ကုလမသမဂ္ဂ အထွေထွေညီလာခံကနေ ချတ်မှတ်ခဲ့ နိုင်ငံတကာ အမျိုးသမီး အခွင့်အရေး စီဒေါစာချုပ်ကို မြန်မာနိုင်ငံက လက်မှတ်ရေးထိုးထားခဲ့တာဖြစ်ပြီး နိုင်ငံတကာ အမျိုးသမီး အခွင့်အရေး စီဒေါစာချုပ်ဟာ အမျိုးသမီးတွေအပေါ် ဖိနှိပ်ခွဲခြားဆက်ဆံတာကို ဆန့်ကျင် ကန့်ကွက်တဲ့ စာချုပ်ဖြစ်ပါတယ်။
No comments:
Post a Comment