ငြိမ်းချမ်းစွာ စုဝေးခွင့်နဲ့ စီတန်း လှည့်လည် ခွင့်ဆိုင်ရာ ဥပဒေကို ပြန်လည် ပြင်ဆင်နိုင်ရင် ပုဒ်မ ၁၈ လည်း အားပျော့ သွားနိုင်မယ့် သဘောရှိတယ်လို့ ဦးရဲထွန်း ကပြောပါတယ်။
အဲဒီ အဆိုကို တရားစီရင် ရေး ဥပဒေရေးရာနဲ့ တိုင်ကြားစာများ၊ အသနားခံစာများ စိစစ် ဆောင်ရွက်ရေး ကော်မတီ ရဲ့ ဥက္ကဌ သူရဦးအောင်ကို က တင်ပြခဲ့တာ ဖြစ်ပါတယ်။
အခုလို တင်ပြမှု ကို လွှတ်တော်က လက်ခံ လိုက်ပေမယ့် အခုလွှတ်တော်ဟာ လာမယ့် ၂ ရက်မှာ ပြီးဆုံးတော့မှာ ဖြစ်တဲ့ အတွက် ရှေ့လာမယ့် လွှတ်တော် အစည်း အဝေး ရောက်မှသာ ဆွေးနွေးနိုင်မှာဖြစ်ပါတယ်။
ငြိမ်းချမ်းစွာ စုဝေးခွင်နဲ့ စည်တမ်းလှည့်လည်ခွင့်ဆိုင်ရာ ဥပဒေ ရဲ့ နည်းဥပဒေ ပုဒ်မ ၁၈ အရ ဆန္ဒပြသူတွေအနေနဲ့ တစ်ပတ် ကြိုတင်ပြီးတော့ ဆန္ဒပြမယ့်အကြောင်း သက်ဆိုင်ရာ မြို့နယ် ရဲစခန်းရဲ့ ခွင့်ပြုချက် ရယူရမှာဖြစ်ပြီး လိုက်နာမှု မရှိသူတွေကို ပုဒ်မ ၁၈ နဲ့ တရားဆွဲဆိုတာ ဖြစ်ပါတယ်။
ခုလောလောဆယ် ပုဒ်မ ၁၈ ကို ချိုးဖောက်တယ်ဆိုပြီးတော့ ပြည်တွင်းက တက်ကြွ လှုပ်ရှားသူတွေကို အမှု ဖွင့်အရေးယူတာ တစ်နိုင်ငံလုံး အတိုင်းအတာနဲ့ ၂၀၀ နီးပါးလောက်ရှိသားပြီလို့ လည်း လူ့အခွင့်အရေး လှုပ်ရှားသူ တစ်ဦးဖြစ်တဲ့ မခင်ဥမ္မာ က ပြောပါတယ်။
No comments:
Post a Comment