တွေ့ဆုံပွဲ အတွင်း အစိုးရနဲ့ aဆွးနွေးနေတဲ့ တနိုင်ငံလုံးဆိုင်ရာ အပစ်အခတ် ရပ်စဲရေး အခြေအနေတွေနဲ့ ပတ်သက်ပြီး ရှင်းပြခဲ့တာဖြစ်ပြီး တနိုင်ငံလုံး အပစ်အခတ် ရပ်စဲရေး လက်မှတ်ရေး ထိုးတဲ့အခါ တိုင်းရင်းသား နိုင်ငံရေးပါတီ ခေါင်းဆောင်တွေ၊ ထင်ရှားတဲ့ နိုင်ငံရေး ခေါင်းဆောင်တွေကို ပါဝင်လက် မှတ်ရေးထိုး စေလိုတဲ့ဆန္ဒရှိကြောင်း NCCT ခေါင်း ဆောင် တွေ က ပြောခဲ့ တယ်လို့ UNA ခေါင်း ဆောင် တစ်ဦးဖြစ်တဲ့ ဦးအေးသာအောင်က အခုလိုပြောပါတယ်။
“အစိုးရက အပစ်အခတ် ရပ်စဲရေး အတွက်ဆွေးနွေး နေတယ်ဆိုတော့ စစ်ရေးကိစ္စ အဓိကပါမယ်၊ ရေရှည် အပစ်အ ခတ်ရပ်စဲရေး တည်တံ့ခိုင်မြဲဖို့အတွက် ဘယ်လိုလုပ်ကြမယ်ဆိုတာ အဓိကပါမယ်၊ ဒါပေမဲ့ တကယ့် တကယ် နိုင်ငံရေးအရ ဆွေးနွေးကြတဲ့အခါမှာ တိုင်းရင်းသား နိုင်ငံရေးပါတီ ခေါင်းဆောင် တွေပါဖို့ လိုမယ်လို့ သူတို့ကလည်း သဘောတူတယ်၊ တကယ်တမ်း တနိုင်ငံလုံး အတိုင်းအတာနဲ့ လက်မှတ်ရေး ထိုးတဲ့အခါမှာလည်း ခွန်ထွန်းဦးတို့လို ကျနော်တို့လို ပုဂ္ဂိုလ်တွေ ပါဝင်စေချင် တယ်လို့ ပြောပါတယ်၊ ဒေါ်အောင်ဆန်းစုကြည်လို ထင်ရှားတဲ့ပုဂ္ဂိုလ်တွေ၊ သမ္မတလို ပုဂ္ဂိုလ်တွေ၊ လွှတ်တော် အကြီးအကဲ ပုဂ္ဂိုလ်တွေ၊ နိုင်ငံတကာကလည်း ထင်ရှားတဲ့ပုဂ္ဂိုလ်တွေ ပါမယ်လို့ ပြောပါတယ်။”
ဒါ့အပြင် NCCT ခေါင်းဆောင်တွေက ဆွေးနွေးပွဲလက်ရှိ အခြေအနေအရ နှစ်ဘက်ကြားမှာ ကွဲလွဲမှုတွေရှိနေပေမယ့် လောလောဆယ်မှာတော့ နှစ်ဘက်သဘောတူတဲ့မူကြမ်းတခုကို ရရှိထားပြီးဖြစ်တဲ့အကြောင်းကိုလည်း UNA ခေါင်း ဆောင်တွေကို ရှင်းပြခဲ့ပါတယ်။
UNA ခေါင်းဆောင်တွေက အပစ်အခတ်ရပ်စဲရုံနဲ့ ငြိမ်းချမ်းရေးမရနိုင်ကြောင်း ငြိမ်းချမ်းရေးရရှိရေးအတွက် နိုင်ငံရေးအရဆွေးနွေးဖို့ လိုအပ်တဲ့အကြောင်း NCCT အဖွဲ့ခေါင်းဆောင်တွေကိုအကြံပြုခဲ့တယ်လို့ ဦးအေး သာအောင်ကပြောတဲ့အကြောင်း ရေဒီယိုသြစတြေးလျသတင်းထောက် မြတ်မိုးက သတင်းပေးပို့ထားပါတယ်။
No comments:
Post a Comment