ရန်ကုန်မြို့ လှိုင်သာယာမြို့နယ် အတွင်းရှိ စက်ရုံများနှင့် ရဲကင်းများအနီးတွင် ယမန်နေ့ညက ဗုံးငါးလုံး ဆက်တိုက် ပေါက်ကွဲခဲ့ပြီး လူအသေ အပျောက်နှင့် ထိခိုက်ဒဏ်ရာ ရရှိမှုမရှိ ဟု သတင်းရရှိသည်။ည ၉ နာရီ ခန့်မှစတင်ပြီး လှိုင်သာယာမြို့နယ်အတွင်းရှိ စီးကရက်စက်ရုံ၊ အချိုရည်စက်ရုံ၊အကြီးစား စက် ယန္တရားများ တင်သွင်းဖြန့်ဖြူး ပြုပြင်သည့် စက်ရုံ၊ ရဲကင်းများအနီးတွင် ဗုံးများပေါက်ကွဲခဲ့ခြင်းဖြစ်သည်။
ပထမ ပေါက်ကွဲသည့်ဗုံးမှာ လှိုင်သာယာ ၅ ရပ်ကွက်၊ ဗိုလ်ချုပ်ကားမှတ်တိုင်အနီးရှိ KOMAT’SU BOMAG ကုမ္ပဏီ အကြီးစားဝန်ချီစက် များ အပါအ၀င် စက်ယန္တရားကြီးများတင်သွင်းပြုပြင်သည့် UMW စက်ရုံဝင်း အတွင်းတွင် စတင်ပေါက်ကွဲခြင်းဖြစ်သည်ဟု ဗုံးပေါက် ကွဲမှုကို ကိုယ်တိုင်တွေ့ကြုံခဲ့ရသော ဒေသခံများက ပြောသည်။
“ည ၉ နာရီလောက်မှာ “၀ုန်း”ဆိုတဲ့အသံနဲ့ မြေကြီးတွေတုန်သွားတယ်။ ပထမတော့ ထင်တာက ယန္တရား ၀င်းထဲက ဂတ်စ်အိုးပေါက်တာလို့ထင်တာ။ နောက်တော့ ရဲတွေ ရောက်လာပြီး ကားလမ်းတွေပိတ်လိုက် တယ်။ စက်ယန္တရားဝင်းအနားကိုလည်း ဘယ်သူ့ကိုမှ အကပ်မခံဘူး”ဟု လှိုင်သာယာ ၅ ရပ်ကွက်အတွင်းနေ ထိုင်သူ အိမ်ရှင်မတဦးက ရှင်းပြသည်။
UMW စက်ရုံအတွင်း ဗုံးပေါက်ကွဲမှုကို ရဲများက ရှာဖွေမှုများ ပြုလုပ်နေစဉ် ည ၁၁ နာရီခန့်တွင် အဆိုပါစက်ရုံ နှင့် မလှမ်းမကမ်းအနီးရှိ VALIANT ( V) စီးကရက်စက်ရုံအနီးတွင် ဗုံးနှစ်လုံးထပ်မံပေါက်ကွဲခဲ့သည်ဟု သိရှိရ သည်။
“ရဲတွေက လမ်းတွေပိတ်ပြီး ပထမဗုံးပေါက်တဲ့နေရာကို ရှာနေတုန်း V စီးကရက် စက်ရုံနားက နေဗုံးနှစ်လုံး ထပ်ပေါက်တယ်”ဟု ဗိုလ်ချုပ်မှတ်တိုင်အနီးမှ ဆိုက်ကားမောင်းသမားတဦးကဆိုသည်။
ယင်းနောက် ည ၁၂ နာရီကျော်ခန့်တွင် မက်စ် အချိုရည်စက်ရုံနှင့် ထိုစက်ရုံအနီးတွင် ဗုံးနှစ်လုံး ထပ်မံပေါက် ကွဲခဲ့ကြောင်း သတင်းရရှိသည်။
ရန်ကုန်တိုင်းရဲတပ်ဖွဲ့ရုံးမှတာဝန်ကျရဲအရာရှိတဦးက လှိုင်သာယာတွင် ဗုံးများဆက်တိုက်ပေါက်ကွဲခဲ့သည်ကို အတည်ပြုသော်လည်း အသေးစိတ်အချက်အလက်များ ဆက်လက် စုံစမ်းနေဆဲဖြစ်သည်ဟု ပြောသည်။
ထိုဗုံးပေါက်ကွဲမှုများကြောင့် လှိုင်သာယာမြို့နယ်အတွင်းနေထိုင်သူများ အထိတ်တလန့်ဖြစ်သွားကြကြောင်း၊ ယနေ့ည လုံခြုံရေးတင်းကျပ်မှုများပြုလုပ်ရန်ရှိသောကြောင့် ရပ်ကွက်များတွင် ဧည့်သည် လက်မခံရန်နှင့် လက်ခံမည်ဆိုပါက ဧည့်စာရင်းမပျက်မကွက်တိုင်ကြားကြရန် သက်ဆိုင်ရာ ရပ်ကွက် အာဏာပိုင်များက နှိုးဆော်နေကြောင်း ဒေသခံများက ပြောဆိုသည်။
No comments:
Post a Comment