မန်မာအစိုးရအဖွဲ့သစ်၏ ငြိမ်းချမ်းရေး ဆွေးနွေးရန် ကမ်းလှမ်း ချက်အား တနိုင်ငံလုံးအတိုင်းအတာဖြင့် နိုင်ငံရေးဆွေးနွေးရန် မပါရှိဟုဆိုကာ ကချင်လွတ်မြောက်ရေးအဖွဲ့ (KIO) က ပယ်ချလိုက်သည်။
“ကြေညာ ချက်မှာ နိုင်ငံရေး ဆွေးနွေးဖို့ မပါဘူး။ ငြိမ်းချမ်းရေး လို့ပဲ ပါတယ်။ ဒို့တာဝန် အရေး(၃)ပါး ဘောင် အတွင်းမှာ ပြည်တွင်း ပဋိပက္ခကို ဖြေရှင်း မယ်ဆိုတဲ့ အဓိပ္ပါယ်ဖြစ် နေတယ်။ ဒို့တာဝန် အရေး(၃)ပါးက ၂၀၀၈ အခြေခံ ဥပဒေကို ရည်ညွှန်း တာဖြစ်တယ်။ ၂၀၀၈ အခြေခံ ဥပဒေ ဘောင်ထဲက နေဆိုရင် ကျွန်တော်တို့ တော်လှန်ရေး အဖွဲ့ အစည်းများ အနေနဲ့ တွေ့ဆုံေ ဆွးနွေးဖို့ မ ရှိ ဘူး။” ဟု KIO တွဲဖက် အထွေထွေ အတွင်း ရေးမှူး (၂) ဆလန်ကဘာ လာနန် ပြောသည်။
ပြည်ထောင်စု အစိုးရက တိုင်းရင်းသား လက်နက်ကိုင် အဖွဲ့အစည်း များအား တစ်ဖွဲ့ချင်း သက်ဆိုင်ရာ ပြည်နယ်နှင့် တိုင်းဒေသ ကြီး အစိုးရ အဖွဲ့နှင့် ပထမ အဆင့် အနေဖြင့် ဆက်သွယ်ရန် သြဂုတ် (၁၈) ရက် ကြေညာချက် အမှတ် (၁/၂၀၁၁) တွင် ဖော်ပြ ထားသည်။
သို့သော် KIO အထွေထွေ အတွင်း ရေးမှူးက “တစ်ဖွဲ့ချင်း စီအလိုက် တွေ့ဆုံ ဆွေးနွေး တာကို အရင် မဆလ ခေတ်မှာလည်း အများကြီး လုပ်ခဲ့ပြီးပြီ။ န၀တ နဲ့လည်း လုပ်ခဲ့ တယ်။ နအဖ နဲ့လည်းလုပ်ခဲ့တာပဲ။” ဟုပြော ဆိုသည်။
“တစ်ဖွဲ့ချင်းစီအလိုက် တွေ့ဆုံဆွေးနွေးတာကို အရင် မဆလ ခေတ်မှာလည်း အများကြီးလုပ်ခဲ့ပြီးပြီ။ န၀တ နဲ့လည်း လုပ်ခဲ့တယ်။ နအဖ နဲ့လည်းလုပ်ခဲ့တာပဲ။” ဟုပြောဆိုသည်။
ကချင်အမျိုးသားများ၏ ကိုယ်ပိုင်ပြဋ္ဌာန်းခွင့်အတွက် ၁၉၆၁ ခုနှစ်မှ စတင်ကာ လက်နက်ကိုင်တော်လှန်ခဲ့သော KIO သည် တော်လှန်ရေး ကောင်စီအစိုးရ၊ မဆလ(မြန်မာ့ဆိုရှယ်လစ်လမ်းစဉ်ပါတီ) အစိုးရ၊ န၀တ (နိုင်ငံတော်ငြိပ်ဝပ် ပိပြားရေး နှင့်တည်ဆောက် ရေးအဖွဲ့) အစိုးရ၊ နအဖ (နိုင်ငံတော် အေးချမ်း သာယာရေးနှင့် ဖွံ့ဖြိုးရေး ကောင်စီ) အစိုးရနှင့် တစ်ဖွဲ့ချင်း အကြိမ်ကြိမ်တွေ့ဆုံခဲ့ သော်လည်း နိုင်ငံရေးဆွေးနွေးအဖြေရှာနိုင်ခြင်း မရှိခဲ့ပါ။
ထို့အတူ ၁၉၄၇ ဖွဲ့စည်းပုံအခြေခံဥပဒေတွင် တိုင်းရင်းသားများကြား အခွင့်အရေးတန်းတူညီမျှမှု မ ရှိ သည်ကို တနိုင်ငံလုံး အတိုင်း အတာဖြင့် နိုင်ငံရေးဆွေးနွေးအဖြေရှာနိုင်ခြင်းမရှိသည့်အတွက် လွတ်လပ်ရေးရသည့် ၁၉၄၈ ခုနှစ်ကတည်းက ကိုယ်ပိုင်ပြဋ္ဌါန်း ခွင့် အတွက် လက်နက်ကိုင်တော်လှန်မှုများ စတင်ခဲ့သည်။
၂၀၀၈ ဖွဲ့စည်းပုံအခြေခံဥပဒေအရပေါ်ပေါက်လာသော အစိုးရအဖွဲ့နှင့် နိုင်ငံရေးဆွေးနွေးမည်ဆိုပါက KIO အနေဖြင့် တစ်ဦးချင်း ဆွေးနွေးမည်မဟုတ်ဘဲ ညီညွှတ်သောတိုင်းရင်းသားလူမျိုးများဖယ်ဒရယ်ကောင်စီ (UNFC) အဖွဲ့နေဖြင့်သာ နိုင်ငံရေး ဆွေးနွေး သွားမည်ဟုဆိုကာ ဗိုလ်မှူးကြီး သန်းအောင် ဦးဆောင်သော ပြည်နယ်ညှိနှိုင်းရေးအဖွဲ့ကို ရှင်းလင်းစွာ ပြောဆိုထားပြီးဖြစ်ကြောင်း ဆလန်ကဘာ လာနန် ပြောသည်။
ကချင်၊ ကရင်နီ၊ ကရင်၊ ချင်း၊ မွန်၊ ရှမ်း၊ ၀၊ လားဟူ၊ ပလောင်၊ ပအိုဝ့် ဌာနေ တိုင်းရင်းသား လက်နက်ကိုင်အဖွဲ့များ ပါဝင်သည့် UNFC (United Nationalities Federal Council) အား ပြန်ကြားရေးဝန်ကြီး ဦးကျော်ဆန်းက သောင်းကျန်းသူများဟု သြဂုတ် (၁၂) နေပြည်တော်သတင်းစာရှင်းလင်းပွဲတွင် ပြောဆိုခဲ့သည်။
No comments:
Post a Comment