ထား​ဝယ်အထူး​စီး​ပွား​ရေး​ဇုန်နှင့်​ မြန်မာ့​ဖွံ့​ဖြိုး​တိုး​တက်မှု – အပိုင်း​ (၈)

ထက်​အောင်

ထား​ဝယ်အထူး​စီး​ပွား​ရေး​ဇုန်နှင့်​ လူထုလူ့​အဖွဲ့​အစည်း​များ​ရဲ့​ အခန်း​ကဏ္ဍ

ထား​ဝယ်​ရေနက်ဆိပ်ကမ်း​နဲ့​ အထူး​စီး​ပွား​ရေး​ဇုန် စီမံကိန်း​ရဲ့​ ကြီး​မာတဲ့​ ပမာဏအတိုင်း​အတာ၊​ လာ​ရောက်ရင်း​နှီး​မြှုပ်နှံကြမယ့်​ လုပ်ငန်း​အမျိုး​အစား​များ​ကြောင့်​ ဖြစ်​ပေါ်နိုင်တဲ့​ မြန်မာနိုင်ငံနဲ့​ ပြည်သူအ​ပေါ် သက်​ရောက်နိုင်တဲ့​ ​ကောင်း​ကျိုး​ဆိုး​ပြစ်​တွေကို သုံး​သပ်တင်ပြခဲ့​ပြီး​ ဖြစ်ပါတယ်။ ဤအခန်း​ဆက်​ဆောင်း​ပါး​ နိဂုံး​အ​နေဖြင့်​ ဒီစီမံကိန်း​ကြောင့်​ ​ကောင်း​ကျိုး​တွေ ပိုများ​ပြီး​ ဆိုး​ပြစ်​တွေ နည်း​ပါး​အောင်​ဆောင် ရွက်ဖို့​ အစိုး​ရ တရပ်တည်း​နဲ့​ မလုံ​လောက်ဘဲ ​ဒေသခံလူထု လူ့​အဖွဲ့​အစည်း​တွေရဲ့​ အခန်း​ကဏ္ဍဟာ အလွန်အ​ရေး​ကြီး​ကြောင်း​ ​ထောက်ပြလိုပါတယ်။

မြစ်ဆုံဆည် စီမံကိန်း​ကြောင့်​ ဖြစ်​ပေါ်လာနိုင်တဲ့​ ဆိုး​ကျိုး​ သက်​ရောက်မှုကို မြန်မာပြည်သူ​တွေ ကိုယ်စား​ လူ့​အဖွဲ့​အစည်း​တွေက ကန့်​ကွက်လှုပ်ရှား​မှု​တွေကို ငြိမ်း​ချမ်း​တဲ့​နည်း​နဲ့​ ​အောင်​အောင်မြင်မြင် လုပ်​ဆောင်နိုင်ခဲ့​တာ နမူနာ​ကောင်း​တရပ် ဖြစ်လာပါတယ်။

အစိုး​ရသစ်ဘက်ကလည်း​ ဘယ်တုန်း​ကမှ မလုပ်ဖူး​တဲ့​ လူထုရဲ့​ဆန္ဒကို နား​ထောင်ပြီး​ စီမံကိန်း​ကို ရပ်ဆိုင်း​ခဲ့​တယ်။ ဒီလိုရလဒ် ​ပေါ် ထွက် လာတာဟာ အစိုး​ရနဲ့​ လူထု လူ့​အဖွဲ့​အစည်း​တွေအကြား​ လွန်ခဲ့​တဲ့​ နှစ် ၂၀ အတွင်း​ ရှား​ပါး​တဲ့​ နား​လည်မှုတခု ရရှိလိုက်တာ ဖြစ်တဲ့​အတွက် အား​တတ်စရာ ဖြစ်ခဲ့​ရတယ်။

ဒါ​ပေမယ့်​ ထား​ဝယ်အထူး​စီး​ပွား​ရေး​ဇုန် စီမံကိန်း​ဟာ မြစ်ဆုံဆည်စီမံကိန်း​နဲ့​ သ​ဘောသဘာဝခြင်း​ မတူညီတဲ့​အ​လျောက် စီမံကိန်း​ကြောင့်​ ဖြစ်​ပေါ်လာမယ့်​ သက်​ရောက်မှု​တွေဟာလည်း​ ​ကောင်း​ကျိုး​နဲ့​ ဆိုး​ပြစ် ​ရော​ထွေး​နေရာ အစိုး​ရနဲ့​ ရင်း​နှီး​မြှုပ်နှံသူ​တွေအကြား​ ဆက်ဆံ​ရေး​၊​ အစိုး​ရနဲ့​ လူထု လူ့​အဖွဲ့​အစည်း​တွေအကြား​ ဆက်ဆံ​ရေး​ ကဏ္ဍအသီး​သီး​မှာ စိန်​ခေါ်မှု​တွေ ရှိလာနိုင်ပါတယ်။

ထား​ဝယ်​ရေနက်ဆိပ်ကမ်း​နဲ့​ အထူး​စီး​ပွား​ရေး​ဇုန် စီမံကိန်း​ကြောင့်​ ​ခေတ်မီစက်မှု မြို့​ပြတခုရဲ့​ အ​ခြေခံအ​ဆောက်အအုံ​တွေ ဖြစ်ထွန်း​လာမှု၊​ အလုပ်အကိုင်အသစ်​တွေ ဖန်တီး​ပေး​နိုင်မှု၊​ စီး​ပွား​ရေး​ ဖွံ့​ဖြိုး​တိုး​တက်မှု စတဲ့​ အ​ကောင်း​မြင် ​မျှော်လင့်​ချက်​တွေကို အစိုး​ရနဲ့​ စီး​ပွား​ရေး​အ သိုင်း​အဝန်း​က တဖက်က​နေ အ​လေး​ထား​ပြောဆို​နေကြပါတယ်။

တဖက်မှာလည်း​ စီမံကိန်း​ဒေသအတွင်း​ ရာစုနှစ်နဲ့​ချီ တည်ရှိ​နေပြီး​ အ​ကြောင်း​အမျိုး​မျိုး​ကြောင့်​ ထုတ်​ဖော် မှတ်တမ်း​ မတင်နိုင်​သေး​တဲ့​ ​ရှေး​မြို့​ဟောင်း​တွေနဲ့​ ယဉ်​ကျေး​မှုအ​မွေအနှစ် ​နေရာ​တွေ၊​ ထား​ဝယ်​ဒေသခံ​တွေရဲ့​ ရိုး​ရာယဉ်​ကျေး​မှု ထုံး​ဓ​လေ့​တွေနဲ့​ ဗုဒ္ဓဘာသာယဉ်​ကျေး​မှု အ​ဆောက်အအုံ​တွေနဲ့​ ဘုန်း​တော်ကြီး​ကျောင်း​ အ​ခြေခံ လူမှု စုစည်း​မှု​တွေ၊​ လယ်ယာ စိုက်ပျိုး​ရေး​ အ​ခြေခံ ​ကျေး​လက်​ဒေသ စီး​ပွား​ရေး​ အ​ဆောက်အအုံနဲ့​ ရိုး​ရာစီး​ပွား​ရေး​လုပ်ငန်း​တွေ ပျက်စီး​ကုန်မှာကို စိုး​ရိမ်ပြီး​ လူ့​အဖွဲ့​အစည်း​က စတင် လှုပ်ရှား​ ​ဆောင်ရွက်မှု​တွေ ရှိ​နေပါ ပြီ။

ပြီး​ခဲ့​တဲ့​ ဒီဇင်ဘာလလယ်မှာ ထား​ဝယ်​ဒေသ ဖွံ့​ဖြိုး​တိုး​တက်​ရေး​အဖွဲ့​ (Dawei Development Association – DDA) ဆိုပြီး​ ​ဒေသခံ​တွေ ဦး​ဆောင်ဖွဲ့​စည်း​တဲ့​ အဖွဲ့​တခုဟာ ရန်ကုန်မြို့​မှာ သတင်း​စာရှင်း​လင်း​ပွဲတခု လုပ်ခဲ့​တာ သတိထား​မိလိုက်ပါတယ်။ အဲ့​ဒီအဖွဲ့​ဟာ ထား​ဝယ်​ဒေ သမှာ ​ရေနက်ဆိပ်ကိမ်း​နဲ့​ စက်မှုဇုန်တည်​ဆောက်မှာကို မကန့်​ကွက်​ပေမယ့်​ ​ဒေသခံ ပြည်သူလူထုအကျိုး​ ထိခိုက်​စေမယ့်​အရာ​တွေ ဖြစ်​ပေါ်လာမှာကို​တော့​ စိုး​ရိမ်​ကြောင်း​ ​ဖော်ပြခဲ့​ကြပြီး​ အစိုး​ရနဲ့​ရော ထား​ဝယ်မှာ လာ​ရောက် ရင်း​နှီး​မြှုပ်နှံကြမယ့်​ လုပ်ငန်း​ရှင်​တွေနဲ့​ပါ ပူး​ပေါင်း​ပြီး​ နှစ်ဖက် အကျိုး​ဖြစ်ထွန်း​စေမယ့်​ ​ဒေသခံ​တွေ ထိခိုက်နစ်နာမှု မရှိတဲ့​ နည်း​လမ်း​တွေ ရှာဖို့​ ပူး​ပေါင်း​ဆောင်ရွက်လို​ကြောင်း​ ကမ်း​လှမ်း​ခဲ့​ပါတယ်။

ဒါဟာ ထား​ဝယ် စက်မှုဇုန်စီမံကိန်း​နဲ့​ ပတ်သက်ပြီး​ ပထမဆုံး​ပေါ်ထွက်လာတဲ့​ လူ့​အဖွဲ့​အစည်း​တရပ်ဖြစ်ပြီး​ အစိုး​ရဘက်က အဖွဲ့​ရဲ့​ လှုပ်ရှား​မှုကို တား​မြစ်မှု မပြုခဲ့​သလို ၎င်းတို့​ဆန္ဒအ​ပေါ် တုံ့​ပြန်မှုလည်း​ မပြု​သေး​ပါဘူး​။ စစ်အုပ်ချုပ်​ရေး​ လက်ထက်နဲ့​ နှိုင်း​ယှဉ်ရင် ဒီလို အဖွဲ့​ ဖွဲ့​စည်း​ပြီး​ သတင်း​စာရှင်း​လင်း​ပွဲ လုပ်နိုင်ခဲ့​တာ လက်ရှိ အစိုး​ရလက်ထက်မှာ တိုး​တတ်မှု တခုလို့​ မြင်ပါတယ်။

ဒီလိုအ​ခြေအ​နေမှာ အကျိုး​စီး​ပွား​ဆိုင်ရာ အုပ်စု​တွေ (Interest Groups) အကြား​ တန်ဖိုး​များ​နဲ့​ အမြင်သ​ဘောထား​များ​ ကွာခြား​နေမှုကို ဘယ်လိုနည်း​လမ်း​တွေနဲ့​ ညှိနှိုင်း​ရယူနိုင်မလဲဆိုတာ အ​ရေး​ကြီး​ပါတယ်။ တန်ဖိုး​ထား​မှုနဲ့​ အမြင်သ​ဘောထား​ ကွာခြား​မှုကို ရှင်း​လင်း​ပြတ်သား​စွာ မြင်နိုင်ပါမှ ​နောက်ဆက်တွဲ ညှိနှိုင်း​အ​ဖြေရှာရမယ့်​ နည်း​လမ်း​တွေကို စဉ်း​စား​နိုင်မှာ ဖြစ်ပါတယ်။

အစိုး​ရနဲ့​ ရင်း​နှီး​မြှုပ်နှံသူ​တွေဘက်က ရှုမြင်တာက ထား​ဝယ်​ဒေသဟာ ရုပ်ပိုင်း​ဆိုင်ရာအရ ​ခေတ်မီ​ရေး​ လမ်း​ကြောင်း​ (Modernization) နဲ့​ အလွန် အလှမ်း​ကွာ​ဝေး​နေတဲ့​ ​ဒေသတခုဖြစ်​နေ​ပေမယ့်​ တနင်္သာရီကမ်း​လွန်က သဘာဝဓာတ်​ငွေ့​သိုက်ကြီး​နဲ့​ ကမ်း​ရိုး​တန်း​တ​လျှောက် တည်ရှိတဲ့​ သဘာဝရင်း​မြစ်​တွေကို အရင်း​တည်ပြီး​ မြို့​ပြအ​ခြေခံ ​ခေတ်မီ အ​ဆောက်အအုံ​တွေနဲ့​ အတူ စက်မှုဇုန်တခုကို အဲ့​ဒီ​ဒေသမှာ တည်​ဆောက်​ပေး​တာဟာ ​ဒေသဖွံ့​ဖြိုး​ရေး​အတွက်​ရော၊​ နိုင်ငံအဆင့်​ စီး​ပွား​ရေး​ဖွံ့​ဖြိုး​တိုး​တက်မှု အတွက်ပါ ကြီး​မား​တဲ့​ ဆုလာဘ်ကြီး​တခု ဖြစ်တယ်လို့​ မြင်ပါတယ်။

ဒီလိုရှုမြင်တာကလည်း​ အ​ကြောင်း​မဲ့​မဟုတ်ပါဘူး​။ ၁၉၈၀ နဲ့​ ၁၉၉၀ ​ကျော်ကာလ​တွေအတွင်း​ ​ဒေသတွင်း​ စီး​ပွား​ရေး​ ဖွံ့​ဖြိုး​တိုး​တက်မှု​တွေ ကို ကြည့်​ရင် ဥပမာ တရုတ် ထိုင်း​နဲ့​ မ​လေး​ရှား​တို့​လည်း​ နိုင်ငံခြား​တိုက်ရိုက် ရင်း​နှီး​မြှုပ်နှံမှု​တွေ တိုင်း​ပြည်ထဲ အလုံး​အရင်း​နဲ့​ စီး​ဝင်လာပြီး​ အချိန်တိုအတွင်း​ စီး​ပွား​ရေး​ တိုး​တတ်လာ​အောင် စက်မှုဇုန်​တွေ ထူ​ထောင်၊​ စီး​ပွား​ရေး​အကျိုး​အမြတ် မက်လုံး​တွေ​ပေး​ပြီး​ ဒီလိုပဲ စတင် လုပ်​ဆောင်ခဲ့​ကြတယ်။

အထူး​စီး​ပွား​ရေး​ဇုန် မိုဒယ် (Model) ​ခေတ်စား​လာခဲ့​တာ နှစ်​ပေါင်း​ ၃၀ ​ကျော်လာချိန်မှာ စီး​ပွား​ရေး​အရ ကြီး​မာတဲ့​ တိုး​တက်​ပြောင်း​လဲမှု​တွေ ​တွေ့​မြင်ခဲ့​ရ​ပေမယ့်​ တဖက်မှာ ဆိုး​ပြစ်​တွေဖြစ်တဲ့​ လူမှု​ရေး​၊​ ကျန်း​မာ​ရေး​နဲ့​ သဘာဝဝန်း​ကျင် ပြဿနာ​တွေက ကြီး​မား​ပြီး​ ခံစား​ရသူ​တွေက ရင်း​နှီး​မြှုပ်နှံသူ​တွေမဟုတ်ဘဲ ​ဒေသခံပြည်သူ​တွေဖြစ်​နေ​တော့​ အစိုး​ရ​တွေအ​နေနဲ့​ ရင်း​နှီး​မြှုပ်နှံသူ​တွေဘက် လိုက်မလား​၊​ ပြည်သူ​တွေဘက် လိုက်မလား​ဆိုတာ တကယ့်​ အကျပ်အတည်း​ ဖြစ်​စေပါတယ်။

ထိုင်း​နိုင်ငံရဲ့​ ဥပမာကို ပြန်ကြည့်​ရင် အစိုး​ရအ​နေနဲ့​ ရင်း​နှီး​မြှုပ်နှံသူ​တွေဘက်က ဘက်လိုက် ရပ်တည်ခဲ့​တာ များ​ပါတယ်။ ထိုင်း​ဘတ်​ငွေ ဘီ လီယံနဲ့​ချီ ရင်း​နှီး​မြှုပ်နှံပြီး​ စက်ရုံကြီး​တွေ တည်​ဆောက်ပြီး​ခါမှ လူထု ကျန်း​မာ​ရေး​ကြောင့်​ သို့​မဟုတ် သဘာဝဝန်း​ကျင် ပျက်စီး​မှု​ကြောင့်​ ဖျက်သိမ်း​ရမယ်ဆိုရင် တိုင်း​ပြည်စီး​ပွား​ရေး​ကို ထိခိုက်သလို ပြည်ပရင်း​နှီး​မြှုပ်နှံသူ​တွေ ယုံကြည်မှု ပျက်ပြား​ပြီး​ ထပ်မံလာ​ရောက် ရင်း​နှီး​မြှုပ်နှံမှု မလုပ်မှာကို ထိုင်း​အစိုး​ရက အလွန်စိုး​ရိမ်ပါတယ်။

ဒီလို အစိုး​ရက စီး​ပွား​ရေး​ လုပ်ငန်း​ရှင်​တွေဘက်က ရပ်တည်​တော့​ ​ဒေသခံပြည်သူ​တွေက လူမှုပြဿနာ​တွေ ပိုပြီး​ ခံစား​ကြရတယ်။ အဲ့​ဒီမှာတင် ​ရေနံနဲ့​ ဓာတု​ဗေဒအ​ခြေခံ စက်မှုလုပ်ငန်း​တွေနဲ့​ ​ကျောက်မီး​သွေး​လို ညစ်ညမ်း​လောင်စာ​တွေ​ကြောင့်​ ဖြစ်​ပေါ်​နေတဲ့​ ကျန်း​မာ​ရေး​နဲ့​ ပတ်ဝန်း​ကျင် ပြဿနာ​တွေကို သိပ္ပံနည်း​ကျ စမ်း​သပ်​ဖော်ထုတ်ပြီး​ ​ဒေသခံလူထုကို အသိ​ပေး​ လုပ်​ဆောင်တဲ့​ လူထု အ​ခြေပြု လူမှုအဖွဲ့​အစည်း​တွေ အား​ကောင်း​စွာ ​ပေါ်​ပေါက်လာပါတယ်။

ထိုလူမှုအဖွဲ့​အစည်း​တွေက စီး​ပွား​ရေး​လုပ်ငန်း​ရှင်​တွေရဲ့​ အမြတ်ရရှိ​ရေး​သက်သက် ကိုယ်ကျိုး​ရှာ စီး​ပွား​ရေး​ကိုသာ ​စောင်း​ပေး​လုပ်​ဆောင် ပြီး​ ​ကော်ပို​ရေး​ရှင်း​ကြီး​များ​ရဲ့​ လူမှုကျင့်​ဝတ် (Corporate Social Responsibility – CSR) ပျက်ကွက်မှု​တွေနဲ့​ အစိုး​ရက ဥပ​ဒေစိုး​မိုး​ရေး​ကို တိတိကျကျ အ​ကောင်အထည်​ဖော်ဖို့​ တာဝန်ပျက်ကွက်မှု​တွေကို ​ထောက်ပြ ​ဝေဖန်လာကြရာက အစိုး​ရနဲ့​ လူထု လူ့​အဖွဲ့​အစည်း​တွေအ ကြား​၊​ စီး​ပွား​ရေး​လုပ်ငန်း​တွေနဲ့​ လူအဖွဲ့​အစည်း​တွေအကြား​ နား​လည်မှု လွဲမှား​မှု၊​ မယုံကြည်မှုနဲ့​ မုန်း​တီး​ လက်စား​ချေမှု​တွေ အထိ ဖြစ်​ပေါ်လာပါတယ်။

လူထုအ​ရေး​လှုပ်ရှား​သူများ​ (Social Activistists) ကို ​ကော်ပို​ရေး​ရှင်း​ကြီး​တွေက သူတို့​ ထမင်း​အိုး​ ခွဲသူ​တွေအဖြစ် မြင်လာကြတယ်။ လူ ထု ဘက်က ရပ်တည် လှုပ်ရှား​သူ​တွေဟာ လုပ်ကြံ သတ်ဖြတ်ခံရတဲ့​အထိ အ​ခြေအ​နေဆိုး​တွေနဲ့​ ရင်ဆိုင်ကြရတယ်။

အ​မေရိကန်အ​ခြေစိုက် လူ့​အခွင့်​အ​ရေး​စောင့်​ကြည့်​လေ့​လာ​ရေး​အဖွဲ့​ (Human Right Watch)ရဲ့​ စာရင်း​ ဇယား​အရ ၂၀၀၁ မှ ၂၀၁၁ အ တွင်း​ ထိုင်း​နိုင်ငံမှာ သဘာဝဝန်း​ကျင် ထိန်း​သိမ်း​ရေး​နဲ့​ လူ့​အခွင့်​အ​ရေး​လှုပ်ရှား​သူ အ​ယောက် ၂၀ ​ကျော် လုပ်ကြံသတ်ဖြတ်ခံရပြီး​ မှုခင်း​အများ​စုမှာ တရား​ခံကို မ​ဖော်ထုတ်နိုင်ခဲ့​ပါဘူး​။

နောက်ဆုံး​ဖြစ်သွား​တဲ့​ ဖြစ်ရပ်က​တော့​ ဘန်​ကောက်မြို့​တော်နဲ့​ ကပ်လျက် စက်မှုလုပ်ငန်း​ အများ​စုတည်ရှိရာ Samut Sakhon ပြည်နယ်က လူသိများ​တဲ့​ ပတ်ဝန်း​ကျင်ထိန်း​သိမ်း​ရေး​လှုပ်ရှား​သူ Thongnak Sawekchinda ကို အမည်မသိ ​သေနတ်သမား​က ၂၀၁၁ ခုနှစ် ဇူလှိုင် လ ၂၈ ရက်​နေ့​မှာ ၎င်း​နေအိမ်အ​ရှေ့​မှာ အချက်​ပေါင်း​များ​စွာ ပစ်သတ်ခဲ့​ပါတယ်။

Thongnak Sawekchinda ဟာ Samut Sakhon ​ဒေသမှာ ​ကျောက်မီး​သွေး​ သုံး​စွဲမှုနဲ့​ ဖြတ်သန်း​သယ်​ဆောင်မှု​တွေ​ကြောင့်​ လူထု ညစ် ညမ်း​မှု ဖြစ်​ပေါ်​နေတာကို ဆန့်​ကျင်လှုပ်ရှား​မှုမှာ ​ခေါင်း​ဆောင်တဦး​ဖြစ်ပြီး​ လူသိများ​သူတဦး​ ဖြစ်ပါတယ်။ ထိုအမှုကို ထိုင်း​သတင်း​စာများ​က အကြီး​အကျယ် ​ရေး​သား​ဖော်ပြခဲ့​ကြတယ်။

မြန်မာနိုင်ငံဟာလည်း​ လက်ရှိ စီး​ပွား​ရေး​ အ​ခြေအ​နေက​နေ တိုး​တက်​အောင် ​ဒေသတွင်း​ နိုင်ငံ​တွေရဲ့​ နည်း​လမ်း​အတိုင်း​ လိုက်ဖို့​ ပြင်ဆင် လာတာ အစိုး​ရ တရပ်အတွက် မှန်ကန်တဲ့​ ​ရွေး​ချယ်မှု ဖြစ်နိုင်​ပေမယ့်​ အိမ်နီး​ချင်း​နိုင်ငံ​တွေက လွန်ခဲ့​တဲ့​ နှစ် ၃၀ အတွင်း​ ကြုံ​တွေခဲ့​တဲ့​ ဖြစ် ရပ်​တွေကို နမူနာယူပြီး​ ထား​ဝယ်​ဒေသမှာ ရင်း​နှီး​မြှုပ်နှံလာမယ့်​ စက်မှုလုပ်ငန်း​ အမျိုး​အစား​တွေထဲက ပြည်သူလူထုအတွက် အမှန်တ ကယ် အကျိုး​ဖြစ်ထွန်း​မယ့်​ လုပ်ငန်း​မျိုး​ကိုသာ စနစ်တကျ ​ရွေး​ချယ် လက်ခံသင့်​ပါတယ်။

မြန်မာစကား​ပုံမှာ ပြုပြီး​ ပြင်ရခက်တဲ့​ အရာ​တွေထဲ ဘုရား​တည် ​ကျောင်း​ဆောက်တာပါ ပါတယ်။ ထိုစကား​ပုံကို နမူနာယူပြီး​ စက်မှုဇုန်တခု တည်​ဆောက်ပြီး​ရင် ပြင်ဆင်ဖို့​ ခက်ခဲတာကို ထိုင်း​နိုင်ငံက မယ့်​တဖွတ် (Map Ta Phut) စက်မှုဇုန်ကို နမူနာကြည့်​ပြီး​ ထား​ဝယ်​ဒေသကို ဓာတု​ဗေဒအဆိပ်​ငွေ့​တွေ လွှမ်း​ခြုံ​နေတဲ့​ဒေသ တခုအဖြစ် ​ရောက်ရှိ မသွား​အောင် မတည်​ဆောက်ခင်ကတည်း​က နည်း​လမ်း​အား​လုံး​ကို အ​မြော်အမြင်ရှိရှိ တွက်ချက်စဉ်း​စား​ ​ဆောင်ရွက်သင့်​ပါတယ်။

ရှေ့​အနာဂတ်မှာ မြန်မာနိုင်ငံဟာ ​ဒေသတွင်း​ရော ကမ္ဘာ့​စီး​ပွား​ရေး​ ​ဈေး​ကွက်​တွေနဲ့​ပါ ပိုပြီး​ ချိတ်ဆက် ​ဆောင်ရွက်လာတာနဲ့​အမျှ အင်အား​ကောင်း​တဲ့​ လူ့​အဖွဲ့​အစည်း​ (Civil Society) တရပ် လိုအပ်ပါတယ်။ လူထု လူ့​အဖွဲ့​အစည်း​တွေဟာ ပြည်သူ​တွေရဲ့​ စိုး​ရိမ်မှု​တွေ အစိုး​ရ လက်လှမ်း​မမီတဲ့​ ​အောက်​ခြေ လူထုအတွင်း​ ခံစား​ကြရတဲ့​ ဖြစ်ရပ်​တွေကို ​လေ့​လာ​ဖော်ထုတ် ​ပေး​နိုင်တဲ့​အတွက် အစိုး​ရရဲ့​ လုပ်ငန်း​တွေကို အ​ထောက်အကူ ပြုခြင်း​သာဖြစ်ပြီး​ အဖွဲ့​အစည်း​တွေရဲ့​ အခန်း​ကဏ္ဍကို မြှင့်​တင်​ပေး​တာနဲ့​ ၎င်းတို့​ရဲ့​စကား​ကို အစိုး​ရ တရပ်အ​နေနဲ့​ လက်ခံ နား​ထောင်ပြီး​ သင့်​လျော်တဲ့​ ထိန်း​ကျောင်း​မှု​တွေ လုပ်မယ်ဆိုရင် စီး​ပွား​ရေး​တံခါး​ဖွင့်​ပြီး​ ဖြစ်​ပေါ်လာနိုင်တဲ့​ အကျိုး​အမြတ် သက်သက်ကို ကြည့်​ရာမ​ရောက်​တော့​ဘဲ ​ရေရှည်ဖွံ့​ဖြိုး​တိုး​တက်မှု (Sustainable Development) ကို အမှန်တကယ် ဦး​တည်နိုင်မှာ ဖြစ်ပါတယ်။