အပိုင်း(၁)
ပြည်သူ့လွှတ်တော်လစ်လပ်နေရာ(၃၇)နေရာနဲ့ အမျိုးသားလွှတ်တော် လစ်လပ်နေရာ(၆ နေရာနှင့်တိုင်း ဒေသကြီး လွှတ်တော်(၂) နေရာ အတွက် ကျင်းပခဲ့တဲ့ ကြားဖြတ်ရွေးကောက်ပွဲကြီးကတော့ ပြီးဆုံး သွားပါပြီ။ အမျိုးသားဒီမိုကရေစီအဖွဲ့ ချုပ်က(၄၅)နေရာမှာ (၄၃)နေရာ ရရှိသွားတဲ့အတွက် ( ၉၆ )ရာခိုင်နှုန်းနဲ့ အနိုင်ရရှိသွားခဲ့ပါတယ်။ ရှုံးနိမ့်ခဲ့သူကြံ့ဖွံ့ပါတီရဲ့အရှုံးကတော့ အလွန်ပဲ ရှက်စရာ ကောင်းတဲ့ အ ရှုံး တစ်ခု လို့ဆိုရမှာပါ။ အခြားယှဉ်ပြိုင်တဲ့ပါတီများ နှင့်ယှဉ်လျင် ငွေကြေးအမြောက်အများ သုံးစွဲနိုင်တဲ့ပါတီဖြစ်သလို လက်ရှိ အာဏာရ ပါတီ လည်းဖြစ်တဲ့ ကြံ့ဖွံ့ပါတီကို ပြည်သူလူထုက လုံးဝယုံကြည် မှုမ ရှိ၊ မထောက်ခံဘူး ဆိုတာ ပြသလိုက်တာဖြစ် တယ်လို့ ဝေဖန်ချက်တွေ ထွက်ပေါ်လာပါတယ်။ ဒါ့ကြောင့်ကြားဖြတ်ရွေး ကောက်ပွဲမှာ ကြံ့ဖွံ့ပါတီ ရဲ့ရှက်ဖွယ်လိလိအရှုံးကို ပြန် လည်ဆန်းစစ်ကြည့် လိုက်ရင် ပါတီ အတွင်း စည်းလုံးညီညွတ်မှုမရှိခြင်း၊ မီဒီယာလှုံ့ဆော်မှုအားနည်းခြင်း၊ အပြောင်းအလဲလုပ်လို သော ပြည်သူများကို မစည်းရုံးနိုင်ခြင်း တို့ကြောင့် ဖြစ်ပါတယ်။
ပါတီအတွင်း စည်းလုံးညီညွတ်မှုမရှိခြင်း
နေ့စဉ်အင်တာနက် သတင်းတွေမှာပါရှိနေတဲ့ ကြံ့ဖွံ့ပါတီအကွဲအပြဲသတင်းတွေအရ ပါတီဝင်အချင်းချင်း စည်းရုံး မှုရှိအောင် မလုပ်နိုင်ဘူး ဆိုတာ ထင်ရှား နေပါတယ်။ အစိုးရအဖွဲ့အတွင်းနေရာမရတဲ့ ကြံ့ဖွံ့ အ မတ် တွေက နေရာရနေတဲ့ သူတွေကို မကျေ မနပ်ဖြစ်ပြီး တိုက် ခိုက်နေမှုတွေဟာ ပြည်သူလူ ထုရဲ့ယုံကြည်မှုကို ကျဆင်းစေတဲ့ အဓိကအချက်ဖြစ်ပါတယ်။ သိသာထင်ရှားတဲ့ အကွဲအပြဲကတော့ သမ္မတ ကြီး ကိုတောင် ကြံ့ဖွံ့ ပါတီရဲ့ ဒုဥက္ကဌ ဖြစ်တဲ့ ဦးရွှေမန်း ကိုယ်တိုင် Political Challenge လုပ်ခြင်း ဖြစ် ပါတယ်။
အထူးသဖြင့် ကြံ့ဖွံ့ပါတီ ဒုတိယဥက္ကဌ ဦးရွှေမန်းဟာ ဒီမိုကရေစီဘက်တော်သားတစ်ဦးဆိုတဲ့ ပုံရိပ်ကို အထင် အရှားပုံဖော်ပြီး လွှတ်တော် အတွင်းပြုမူ၊ ပြောဆိုလှုပ်ရှားမှုများက လူပြိန်းကြိုက်အစိုးရကို ဝေ ဖန် ပြစ်တင်သလို ဖြစ်နေ ပါတယ်။ လက်ရှိ အစိုးရအဖွဲ့ရဲ့စွမ်းဆောင်မှု၊ အောင်မြင်မှုများသည် ကြံ့ဖွံ့ပါတီအပေါ်တိုက်ရိုက် အကျိုးသက်ရောက်မှု ရှိမှာဖြစ်သလို လက်ရှိ အစိုးရအဖွဲ့ အားနည်း ချက်များ ဖြစ် ပေါ် လာခဲ့ရင် ပြည်သူများ ကြံ့ဖွံ့ပါတီကို အပြစ်မြင်ကြမှာဖြစ်ပါတယ်။ လွှတ်တော်အသံ၊ ပြည်သူ့အသံဆိုတဲ့ဆောင်ပုဒ်နှင့်အညီပြည်သူ့လွှတ် တော် ဥက္ကဌ ကြီးနှင့် ကြံ့ဖွံ့ ပါတီ ကနေ ဖြစ်လာတဲ့ လွတ်တော် အ မတ်မင်း အချို့ကလက်ရှိ အစိုးရ အဖွဲ့အကြပ် အတည်း၊ အခက်အခဲ ဖြစ် စေတဲ့ အဆိုပြု ချက်များ တင်သွင်း နေခြင်းဟာ မိခင် ကြံ့ဖွံ့ ပါတီ အတွင်း စည်းလုံး ညီညွတ်မှု မရှိဘူး ဆိုတာကို ထင်ရှား ပြတ်သား စွာ ဖော်ပြ သလို ဖြစ်နေ ပါတယ်။
ဒါ့အပြင် လက်ရှိအာဏာရပါတီဖြစ်တဲ့ ကြံ့ဖွံ့ပါတီမှ တိုင်းနှင့်ပြည်နယ် တာဝန်ခံများနှင့် အတွင်းရေးမှူးများက လည်း မဲဆွယ်စည်းရုံးရေး ကာ လမှာ စည်းရုံးရေးအလုပ်တွေကို ဖိဖိစီးစီးလုပ်ရမဲ့အစား ပြည်နယ်၊ တိုင်း ဒေသကြီးအစိုးရ အဖွဲတွေရဲ့အားနည်းချက်တွေကို စောင့်ကြည့်ပြီး ထိုးနှက်တိုက်ခိုက်ဖို့အတွက်သာ အားသန်နေခဲ့ကြတယ်လို့ လေ့လာသူများကဆိုပါတယ်။ တစ်ဦးနဲ့တစ်ဦး မြွေမြွေချင်း ခြေမြင် ဆိုသ လို စည်းလုံးမှုမရှိပဲ တိုက်ခိုက်နေတဲ့ အကျိုးအမြတ်တွေရဲ့ ရလာဒ်ကတော့ မီဒီယာများမှာတိုင်စာတွေ ပလူပျံလာခဲ့ပါတယ်။ တိုင်စာတွေကလည်း အနီးစပ်ဆုံး မှန်ကန်နေပြီး လူတန်း စားအသီးသီးဆီသို့ ကျယ် ကျယ်ပြန့်ပြန့် ပျံ့နှံ့ ရောက် ရှိခဲ့ပါတယ်။
ဒါကြောင့်ပြည်သူအများစုဟာ ကြံ့ဖွံ့ပါတီကို မကျေနပ် ချက်တွေရှိလာပြီး အတိုက်အခံပါတီများက ကြံ့ဖွံ့ပါတီ ကိုဖြိုခွဲစရာမလိုပဲ သူတို့အချင်းချင်း ပြိုကွဲလျက်ရှိနေတယ်ဆိုတာ အထင်အရှားမြင်တွေ့ ကြားသိ နေရပါတယ်။ ဒီမိုကရေစီရဲ့ လွတ် လပ်မှုကို အခွင့်ကောင်းယူပြီး တစ်ယောက်နဲ့ တစ်ယောက်ရင့်ကျက်မှုမရှိဘဲ အတိုက်အခိုက် လက်သီးပုန်းတွေ သုံးနေကြတာဟာ ပါတီစည်းလုံးညီညွှတ်မှုကို မတည် ဆောက်နိုင်တာကြောင့် ဖြစ်ရတာပါ။ ပါတီအတွင်း စည်းလုံးညီညွှတ်မှုကို မတည်ဆောက်နိုင်ဘဲ ပါတီပြင်ပကို စည်းရုံးနိုင်ဖို့ဆိုတာ မဖြစ်နိုင် ပါဘူး။ ဒါကြောင့် ပါတီရှုံးရခြင်းရဲ့ အကြောင်းအရင်းကလည်း ပါတီ တွင်း စည်းလုံး ညီ ညွှတ်မှု မရှိခြင်းဟာ အဓိက အချက် ဖြစ်ပါတယ်။
မီဒီယာလှုံ့ဆော်မှုအားနည်းခြင်း
ပြောင်းလဲလာတဲ့ ခေတ်အခြေအနေအရ အစိုးရမှမီဒီယာများအား လွတ်လွတ်လပ်လပ်လုပ်ကိုင်ခွင့်ပေးခဲ့ခြင်း အပေါ် ယခင်စစ် အစိုးရ လက်ထက် က ဆန့်ကျင်ဘက် လုပ်ခဲ့တဲ့ မီဒီယာ တွေအားလုံး NLD ပါတီ ဘက်ကို ကူးပြောင်း ခဲ့ကြ ပါတယ်။ အထူး သဖြင့် ပြည်တွင်း မှာရှိတဲ့ ဂျာနယ်၊ မဂ္ဂဇင်း များနှင့် ပြည်ပ အခြေ စိုက် အင်တာနက် မီဒီယာများ အပါ အဝင် အနောက် နိုင်ငံ အသံလွှင့် ဌာန များမှ NLD ပါတီ ကို ပြည်သူ လူထုမှ အုံးအုံး ကြွက်ကြွက်ဖြစ် လာအောင် ဝိုင်းဝန်း ပံ့ပိုးပေး ခဲ့ကြ ပါတယ်။
မီဒီယာများအပြင် နိုင်ငံအနှံ့က မြို့ပေါ်ကျေးလက်ပါမကျန် အားလုံးသိကြတဲ့အနုပညာရှင်တွေက NLD ဖျော်ဖြေ ရေးအသွင်စည်းရုံး မဲဆွဲ တာဟာလည်း ကြံ့ဖွံ့ပါတီကို အားလျော့စေခဲ့ပါတယ်။ ဒီနေရာမှာ နောက်ကွယ်က ဆရာကြီး တွေရဲ့ မီဒီယာ လွှမ်းမိုးမှု အပေါ် NLD မှ ထိရောက်စွာ အသုံးချ နိုင်ချိန်မှာ ကြံ့ဖွံ့ ပါတီ အနေနဲ့ မီဒီယာ တုံ့ပြန်နိုင်မှု လုံးဝ မပြု လုပ်နိုင်ဘူး ဆိုတာကို တွေ့ရှိ ရမှာ ဖြစ်ပါ တယ်။
NLD ပါတီဟာ သူတို့ရဲ့လှုပ်ရှားမှုတွေကို ပြည်သူလူထုအတွင်း ကျယ်ကျယ်ပြန့်ပြန့် ရောက်ရှိသိရှိနိုင်စေရန် အတွက် ဗြိတိသျှသံရုံး အကူ အညီနဲ့ ဒီလှိုင်းဂျာနယ်ကို အရှုံးခံထုတ်ဝေခဲ့ပါတယ်။ အလားတူပဲ အ နောက်အုပ်စုမှ ခေါင်းစဉ်အမျိုးမျိုးနဲ့ ထောက်ပံ့ကြေး အမျိုး မျိုး ကိုရယူထားတဲ့ ပြည်တွင်း၊ ပြည်ပ ပုံနှိပ်မီဒီယာ လောကနဲ့ အီလက်ထရောနစ် မီဒီယာလောကက သတင်းသမား၊ အတင်း စကားတွေကို အစီ အမံရှိရှိ အကွက် ကျကျနဲ့ NLD ကို ဝိုင်းဝန်း ပုံဖော်ပေး ခဲ့ကြ ပါတယ်။
ကြော်ငြာကို စိတ်ဝင်စားတဲ့ မြန်မာလူမျိုးများ ရဲ့ပင်ကို ဓလေ့စရိုက်အရဒေါ်အောင်ဆန်းစုကြည်နဲ့ ဗိုလ်ချုပ်အောင်ဆန်းပုံပါတဲ့ ဂျာနယ် တွေဟာ ရောင်းအားတက်ခဲ့သလို ဖွင့်လိုက် သမျှ ရေဒီယို အသံလှိုင်း များ မှာလည်း သူတို့အသံ သူတို့အကြောင်းတွေကိုသာ အမြဲတမ်း ကြားသိနေရပါတယ်။ ဒီလိုအခြေအနေ ဒီလိုအချိန်မျိုးမှာ ကြံ့ဖွံ့ ပါတီကတော့ ပါတီလှုပ်ရှားမှုသတင်းစဉ်လေးတောင် မထုတ် ဝေနိုင် ခဲ့ပါဘူ။
တစ်ခါတစ်လေ မီဒီယာစာမျက်နှာမှာတွေ့ရတဲ့ ကြံ့ဖွံ့ပါတီရဲ့ ဒေသဖွံ့ဖြိုးရေးလုပ်ငန်းတွေကလည်း ပါတီကလုပ်ပေးတာလား အစိုးရက လုပ်ပေး တာလား မကွဲပြားပဲ ပြည်သူတွေကို ရှင်းရှင်းလင်းလင်း သတင်း ထုတ်ပြန်နိုင်တာ မရှိပါဘူး။ လုပ်ပေးခဲ့တဲ့ ဒေသ ဖွံ့ဖြိုးရေး လုပ်ငန်း များမှာလည်း ကိုယ်ကျိုး စီးပွား ရှာခြင်းများ ရှိသလို ကြံ့ဖွံ့ ပါတီက လုပ်ပေး ခြင်းကို ပြည်သူ အများနား လည်အောင် မလုပ်နိုင် ခဲ့ကြ ပါဘူး။
အထူးသဖြင့်မှ ဒေါ်အောင်ဆန်းစုကြည်၏ လှုပ်ရှားမှုများကို အသေးအဖွဲပါမကျန် နာရီစဉ်အလိုက် စက္ကန့်မခြား မီဒီယာများမှ ထုတ်လွှင့် ဖော်ပြနေတဲ့ အချိန်မှာ ကြံ့ဖွံ့က အချို့အမတ် မင်းများရဲ့ မကောင်း သ တင်းတွေ ကတော့ မီဒီယာ များမှာ အနံ့မခံ ချင်လောက် အောင် ပုတ်ပွ နေခဲ့ ပါတယ်။ အလားတူ ကြံ့ဖွံ့ ပါတီရဲ့ စည်းရုံးရေး လုပ်ငန်း လုပ်ဖို့ တာဝန်ပေး ထားတဲ့ တိုင်း ဒေသကြီးနှင့် ပြည်နယ် တာဝန်ခံ များကလည်း တိုင်း ဒေသကြီးနှင့် ပြည်နယ် အစိုးရ များရဲ့ အားနည်းချက် သတင်း၊ လာဘ် စားတဲ့ သတင်း တွေကို စုစည်းပြီး ကိုယ့်ပေါင် ကိုပြန်ထောင်း ခဲ့ကြ ပါတယ်။
မီဒီယာများမှာပါလာတဲ့ ကြံ့ဖွံ့ ပါတီနဲ့ပတ်သက်တဲ့သတင်းတွေကို ဖြေရှင်းချက်မပေးခဲ့သလို ပါတီမှလုပ်ပေးနေတဲ့ ဒေသဖွံ့ဖြိုးရေးလုပ်ငန်း တွေကိုလည်း ပြည်သူလူထုမှ ကျယ်ကျယ်ပြန့်ပြန့်သိရှိအောင် မီဒီ ယာကိုအသုံး မချနိုင်ခဲ့တာက ကြီးမားတဲ့ အားနည်းချက် ပဲဖြစ်ပါတယ်။ ဒါ့ကြောင့် NLD ပါတီနဲ့ ကြံ့ဖွံ့ပါတီရဲ့မီဒီယာလှုံ့ဆော်နိုင်မှုကို နှိုင်းယှဉ် လိုက်ရင် ကြံ့ဖွံ့ပါတီ အနေနဲ့ အကြီးအကျယ် အပြတ် အသတ် ရှုံး နိမ့်ခဲ့ပါတယ်။
သာမာန်ပြည်သူတစ်ယောက်ဟာ သူရွေးချယ်ရမဲ့ NLD ပါတီကိုယ်စားလှယ်ရဲ့ လုပ်ရည်ကိုင်ရည်၊ အကျင့်စာရိတ္တ၊ နိုင်ငံရေး အတွေ့အကြုံ တွေကို သိစရာမလိုပဲ ခွပ်ဒေါင်းကို အမှန်ခြစ်ခဲ့ကြတာကို ဆန်းစစ် ကြည့်လိုက်ရင် မီဒီယာကိုအသုံးချ သွားတဲ့ ဒေါ်အောင်ဆန်း စုကြည်ရဲ့ ပုံရိပ်ကြောင့်ဖြစ်ပါတယ်။
ဒါ့ကြောင့် ယခုကြားဖြတ်ရွေးကောက်ပွဲမှာ မီဒီယာရဲ့အရေးပါမှုကို ထင်ထင်ရှားရှားမြင်ခဲ့ရသလို နိုင်ငံရဲ့ စတုတ္ထ မဏ္ဍိုင်ကို NLD က ကိုင် လှုပ်သွားနိုင်ခဲ့ပါတယ်။ အစိုးရအဖွဲ့ရဲ့မူဝါဒအပြောင်းအလဲကြောင့် အစိုး ရမီယာတွေက ကြံ့ဖွံ့ ပါတီကို မပံ့ပိုးပေးနိုင်တော့တာကို ပါတီ တာဝန်ရှိ သူတွေက မေ့လျော့ နေခဲ့ကြ ပါတယ်။ ပါတီအနေနဲ့ ကိုယ်ပိုင်မူ ကိုယ်ပိုင် ဟန်တွေနဲ့ မီယာဒီလှုံ့ဆော်မှု ပြုလုပ်နိုင်ခြင်း မရှိသလို လုပ်ရ ကောင်းမှန်း မသိသလိုပဲ ဖြစ်နေခဲ့ကြပါတယ်။ ဒါ့ကြောင့်မို့ ကြားဖြတ်ရွေးကောက်ပွဲမှာ ကြံ့ဖွံ့ပါတီရဲ့ အပြတ်အသတ် ရှုံးနိမ့်ခဲ့ရခြင်းရဲ့ ဒုတိယအရေးကြီးအချက်ကတော့ မီဒီယာ လှုံ့ဆော်မှု အားနည်းခြင်း ဖြစ်ပါ တယ်။
ကြံ့ဖွံ့ပါတီဘာ့ကြောင့် ရှုံးရတာလဲ၊ ဘာဆက်လုပ်မှာလဲ
အပိုင်း ၂ ကို ဆက်လက် ဖော်ပြပေးပါမည်။
No comments:
Post a Comment